أمثال شعبية ليبية..أرجو التثبيت

[size=18

إخوتي أخواتي أعضاء منتدانا الغالي صـــــــــــــوان

[center]ان الأمثال الشعبية في كل مجتمع من المجتمعات هي السجل الذي يتوارثه الأجيال عن بعضهم البعض

وهي طريقة مثلى لنقل الثقافة عن طريق الموروث الشعبي لتتواصل الحضارة وتتقدّم

والأمثال الشعبية عبارة عن مجموعة كلمات قد تكون جملة مفيدة أو بيت شعر أو ما شابه ذلك

فهي مختصرة ومكثفة بحيث يتم حفظها وتداولها إلا أنها تحمل معاني كثيرة

أرجو أن تضعوا هنا ما تعرفونه من أمثال

مع عدم التكرار...حتى نكون موسوعة للأمثال

..
الزير المليان ما يرنّش

برّاح وحماره راح

تعزّيك طاقيتي ياللي عباتك رايحه

جبّة راجلنا ولا الطلبه

حمل الجماعه ريش

خيار اللبّاس ما ستر وخيار اليكال ما حضر

دار الزاوالي مليانه بالقسم على الله

ركّبه وحاديه وشاوخه لا ينعس

زيّ السردوك ما ينقب كان عين خوه

سيّبها بالعين وقصّها بالجرّه

شكواك للأجواد طُلبه

صغار الشيابين يعيشوا مهملين

ضيف ليله ما تورّيه فقرك

طرّدها ما لحقها قلها برّي معتوقه

عاشر يا معاشر لابدّ من فراق

غارق والحبل قصير

في ركني ويعاركني

قرد موالف ولا غزال شرود

كانت تشخر زادت بفّ

لقمة اليتيم معبّره

مشت للحمّام جابت ما تخبّر عام

نلحس مسنّي ونبات متهنّي

هاتي يا مدره قلّي يا سدره

ولدها في غمرها وتدوّر فيه

يلعن بو السلطان في غيبته

اللي عنده البارات يعوم سواء ظالم والاّ مظلوم

عاشر يا معاشر لابد من فراقك [/size]

الخميرة قبت و العجينة انكبت
الدحية ما تكسر الحيطة

الدلاعة ماتكبر الا في عشبتها

الصابون واجد بس اللي يغسل

الصيت أطول من العمر

انصح الجاهل ايعاديك

املا البطن تستحي العين

المرسال لا ينضرب و لا ينهان

المكتوب ما منه هروب

المليان ماينقص

الغالي سعره في

الكثرة تغلب الشجاعة

البذار عارف ماطالع من ايديه

يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* كل حد وسعده .. حتى البرم ، وحدة تطبخ في السفناري ، وحدة تطبخ في اللحم .
* مدام ولدي حي يا سعدودي .. نوار قبرعون فوق خدودي .
* الشوارب تبوس .. والقلب فيه السوس .
* الفار الزرباز من سعد القطوس .
* اللي واخذ على طعامك ، وين يشبحك يجوع .
* صامت قليل الملح ما يتعدّى .. برّك احدانا ناقته وتغذّى .
* ما يحبّها شبح .... جابوهلّه عروس .
* في اللبس زوجة من ... وفي الشرف بنت من .
* كل شئ دواه الصبر ، إلا قلّت الصبر ماليهاش دواء .
* اللي ضرباته أمه راحت فيه .
* مشيت للبحر نشكي من كبر هبالي .. حتى البحر وخّر ووجعه حالي .
* غايضه واسمع مافي قلبه .
* كل شئ تلقاه في السوق ، كان أمك وبوك .
* اللي يحب روحه ، يقعد بروحه .
* شرْقه بريقك ، توّريك عدوّك من صديقك
قرد موالف ولا غزال شارد .
* يا تعس من عنده ابنتّه حارة ... بنيّة وحيدة تفيّض المرارة .
* يا عيون مصبركم على غاليكم ... كيف ترقدوا نوم الهني ويجيكم .
* تمنيتلك يا قلب ما تتمنى ، حجة وتوبة والصلاة والجنة .
* يا نفس توبي وارجعي للمولى ... راهو وراك القبر مشنى طوله ...
لو تندري يا نفس شن يطرالك ... تنوحي على روحك العمر بطوله .
* اللي ما تعرفش تندب ، علاش يموت راجلها .
* حاسدين الأعمى على طول عكازه .
* قالّه التقعميز على الرخام في الصيف مضرة ..
قالّه وفي الشتي ؟ ... قالّه لو كان خلاك تقعمز .
* إمشي صحيح لا تعتر لا اطيح .
* اللي مرته قصيرة ، يفرح ويقول صغيرة .
* ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي .
* بالله يا قلبي شرتعها ... يا رحمة ربي موسعها .
* فيه من كلامه مستكه وقرنفل ، وفيه من كلامه حار زي الفلفل .
* قال للقبر ردلي بوي ... قالّه أنا نستنى فيك .
* زوجت بنتي باش نرتاح من بلاها ، جتني وأربعة صغار وراها .
* حط الفلوس في فم المدفع يسكت .
* الكذاب .. أصبر شوية وانشده .
* زي رجل البهيم القدامية ... لا تحك ، لا تصك .
* اشكون يسبقك ، إذا تجري وحدك .
* ما يغلبك كان اللي يقولك أعطيني فلوسي
نضحك ونلعب غير شهلولية ... وضرب المعاني ما يفوت عليّا .
* دير المليحة يا ولد وأنساها ... كان عشت على طول الزمان تلقاها .
* لو كان نشكي للنجوم يغيبوا ، البحار تـنزح والصغار يشيبوا .
* والله يا قِـلـّة طويسة مُـرّة .. تقلّـع غشاش القلب يطلع برّة .
* دخانك عماني ... وطبيخك ما جاني

.

السلام عليكم ورحمة الله وبركاته

موضوع رائع أختي جود وياريت الكل يشارك

حتى يتم تجميع أكبر عدد ممكن من الأمثال الليبية

وافضل أن يتم تثبيت الموضوع

تحيتي لك جود

يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته

مشكوره اختى جود

أظنه كذلك أخت ايمان
شكرا لك ولأخي صوان
على المرور

أمثال شعبية ليبية..أرجو التثبيت M5znk-f408a2d258

انسى الطمع ينساك فقر الدنيا واحفر لساسك وجدد بنيه

كل واحد يدنى فى النار لخبزته

العريس يتعرس والمشوم يتهرس

يدور الشعير ويرجع لقلب الرحى

وين عايش مشتاق لبلحة ووين مات علقوله عرجون

كل فولة مسوسة ليها كيال أعور

اللى يكترو فلوسه تشيان مرته ويضياق حوشه

ضحك الجمل مرة فى عمره انفلق شاربه

اللى واخد على طعامك وين يشبحك يجوع

مرحب بالجنة جت تتدنى

الرشادة قالت ياراسى الطوبة قالت خلى نسكت

ينفخ فى قربة منقوبة

ان شاء الله تعجبكم......سلام

اقدم لكم بعض الامثال ع البخت ( الحظ )

قليل البخت يلقي العظم في الكرشة

قليل البخت يلقي العظم في الرية

أصحاب السعد تحطّبلهم الريح

طايح السعد ينبحن عليه كلاب السوق

راقد الريح ينبحن عليه كلاب السبخة

الباب مفتوح والرزق علي الله

أكتم سرك تملك أمرك
البحر واحد و الحوت ألوان
البحر ديما يحب الزيادة
البير الحلو ديما نازح
الجار يبقى جار و ان جار
أشهر من النار عالعلم
الجيعان يمضغ الحيط
الحبس حبس و لو كان في الجنة
الحسد عند الجيران و البغض عند القرايب
الحيا في الرجال ايورث الفقر
الحيطة الواطية اينقز عليها الكلاب

ـبختـك نـصـيـبك

اللّي لك ما يخذها غيرك

اللّي مكتوبتلك تقسملك

اللي قاسمتلك ما تطيح من فمـك

بـخـتك هـو نصـيبـك

ضيف لجواد ايضيّف

الربيع من باب الدار ايبان

الطير ايقول يا وكري

دير الخير وانساه ودير الشر وتفكّره

خانها ذراعها قالت مسحورة

الجود من الموجود

هذا حصانك وهذي السدرة

ما يقعد في الواد غير حجره

يسخّن على البهرة والنار في فزان

صبري ولا صبر الناس عليّ

اشكون يسبقك ، إذا تجري وحدك .

ما يغلبك كان اللي يقولك أعطيني فلوسي

نضحك ونلعب غير شهلولية ... وضرب المعاني ما يفوت عليّا .

دير المليحة يا ولد وأنساها ... كان عشت على طول الزمان تلقاها

الودن تسمع والعقول توازن ... والعين تشبح والقلوب مخازن .

الصبر لله والرجاء في المولى ، مع الصبر ماعندي كلام انقوله .

يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .

مدام ولدي حي يا سعدودي .. نوار قبرعون فوق خدودي .

كل شئ دواه الصبر ، إلا قلّت الصبر ماليهاش دواء .

مشيت للبحر نشكي من كبر هبالي .. حتى البحر وخّر ووجعه حالي

لسانك حصانك إن صنته صانك وإن هنته هانك

اللي عضّك فكرك في سنونك

يجعل اللي من قدانا غالب

الحر صوته من جنبه

العين ما تعلى على الحاجب

هي هنا وصياحها في الوادي

الدار الكبيرة تعقّب الرماد

الثلثين للخال حاصل

اليا جعت عليك بخوالك واليا انضمت عليك بعمامك

ميات خطوة ولا تنقيزة

نكتبلك على الكلب ( داء الكلب ) والعصى ما تفارقك

أسأل مجرب ولا تنسى طبيب . والبعض يقول : ولا تسأل طبيب

اجعلك يا مادي بين جاي وغادي

الجار قبل الدار

الجار وصى عليه النبي

دكان امسكر ولا كريه مشومة . كريه = إيجار

الخبر ايجيبوه الحطّابات

دير روحك ............. مهبول يخافو منك الناس

شاوره و ماتعباش عليه

القرنيطة ما تطيب إلا بدق

حبال سو طاحو في بير

وين ما حط الغراب ضناه

عام الصابه و منحرتوش

ضيف ليلة ما توريه فقرك

الفقر يعلمك الزقاطة

فيه اللي البخت راقدله في الدبش

اللي تل الصبع يتل اليد

مات البحر ... و صلى عليه الحوت

حتى القطوس يخربش

كان عباك علي بن غزي .... ياقعادك في الحوش تهزي

اللي عباته في المسدى ما يقولوش عريان

اللي تشكره يصعب عليك اتذمّه

اللي متغطي بالأيام عريان

اللي عضّك فكرك في سنونك

اللي تلقطه النملة في عام ياكله الجمل في مرّة

اللي تصبه السماء تحمله الأراضي

اللي يشبحك بالعين ما توميله

ما تشاركوا زوز (اتنين) الا جي الكيد على واحد

تاجورا ريتيش عمر !!

لاتبخلوا علينا

الـلـي عنـده بنــات عنـده الــهم بالـحـفنـات
الـلـي عنــده بنــات يناسب الــكلاب
البنات زريعة ابليس
البنات سلعة ذل
البنت أم والولد كـم
البنت حنونة
البنت ضرة أمـها
البنت تتربي مرتين : وحـدة عند بوها، وحدة عند راجلها
البنت تجيب من عمتها ولو كان من كعبتها
بنت المفوّز علي عيون بوها تتجوز
بو البنات مرزوق
اللي خلف البنات ما مات
أعطي بنتك وزيد عصيدة
بفلوسك بنت السلطان عروسك
بقروشك تاخذ بنت السلطان
رباية البنت علي أمها
خوذ بنت عمك تصبر علي همك
عليك ببنات الأصول راهو الزمان يطول
خوذ البنات من صدور العمات
أكفي الجرة علي فمها تطلع البنت لأمـها
المرا حرفة ولو كان جابها وادي
المرا قعّادة حوش
اللي يخونها ذراعها تقول: أنا مسحورة
الحرة أول ماتكنّس حوشها
اجعل كل ثنيّة عندنا فيها ولية
اللي مراته قصيرة يفرح ويقول صغيرة
من كبر بختي جت كنتي بنت أختي
مركب الضراير سارت ومركب السلايف حارت
ما هم إلا هم السّلْفة، أما الحما ماشية منتلفة
عقربين في غار ولا أختين في دار
حتي وهي مريضة ما تنسي القريضة
الزاطلة تخبر بليلة عرسها
الضرة ضرة ولو كانت وذن جرة

أم الهبلة تموت وهي تاكل في شواربها
تبطل أم المهبولة وهي تعض في شِفّتّها
حُبّ النسا والريح ماله دولة مهبول من يفرح للي يضحكوله

مكلوبه و قالولها زغرتي
حرجانه و اتنش في الدجاج
اللي اتديره العمشه ياكلوه ضناها
ماتكحل العمشه لين ايتم العرس
تكلب المكلوبه و ماتاكل لحم درعانها
ايغنيلها و هي طرشه
كيف من ايعاود في حلمته لحمارته
ماتضرب الكلب لين تعرف صاحبه
اللي راكب عالجمل مايغطيش راسه
اللي يبي روحه كدوه ايتحمل الدوس
بربش بالعود و مد لمسعود
من ايقول للصيد فمك ابخر
من معرفته بالقاضى شكى لشيخ ليهود
حد الجرب للقشوطه
يخدم في جهنم و ايبات في الصقع
كل واحد ينده في صلاح ابلاده
كل واحد ايدني في النار لخبزته
وين احتجتلك ياوجهي خبشوك القطاطيس
اضرب القطوس اتخاف العروس
اضرب الطوب ايطيح التراب
اربط تلقى ماتحل
اعقدها بيدك و حلها بسنونك
اللي يكرهك يحلملك الحلم الشين
ماترقد بين لقبور ماتحلم الحلم الشين
وين السمى يارايس
بحري و بعباته
ايغني و اجناحه ايرد عليه
كل طير يعرف نقيق خوه
ياما في الجراب ياحاوي

» أمثال شعبية ..بالصور
» مسجات شعبية ليبية
» **جولة في,,, جهاز,,, عضو/هـ** أرجو التثبيت
» ملف خاص بـ مسجات يوم الجمعة ((أرجو التثبيت))
» أمثال أمازيغية