joud المراقب العام
عدد الرسائل : 5121 العمر : 46 تاريخ التسجيل : 07/05/2009 نقاط : 9591
| موضوع: مشى في غفله .. ونا كنت ناوي لوعته نوصفله .. عزيز عالنظر غيّب الأحد 18 أكتوبر 2009 - 9:27 | |
| يقول الشاعر نوري الزياني
مشي في غفله .. ونا كنت ناوي لوعته نوصف له .. عزيز ع النظر غيّب
و يقول خوكم محمد الممهور
مشــى مـا سلّــــــــــــــــــــــــــــــم ..... لا قـالـــي فـرحــان لا متـألّــــــــــم
انكان غيـر مـر و قـال كلمـه علّــم ..... لا بنربطــه بحبــال لا نحلــف لـــه
دقيقتيــن يسمـع خافقـي يتكـلّــــــم ..... و يطلق عيونـي فـي عيونـه تفلـى
و يشوف كيـف الكـون فيهـن ظلّـم ..... و الروح ورده مالحشا نقطـف لـه
و نقولّـــه يـا بوغثيــث مـولّــــــــم ..... معاك لـذن عدي ديـر نعيـي حفلـه
انبــــــــــث اشــواقـــــــــــــــــــــي ..... و نسكب على كتفه دمـوع الماقـي
و نقولّـــه تربــح الخيــر تـلاقــــي ..... طريـق السلامه ما عـذا نحذف لـه
خيال شخص خلاني و شال الباقي ..... بيت شعر وزنه راح هـو و القفلـه
طول النهـار و بـيْ تسحـب ساقــي ..... فـي اوهـام داره دايرتهـا مفلـــــى
و في الليل يبقـن سامـرات ارماقي ..... ان غفّن تجيهن من اطيافـه جفلـه
عزيز هان صوبي ونا بصوبه شاقي ..... مـا هـان حتـى بعـد ربعـن طفلـه
غيــــر ربـــع السـاعــــــــــــــــــــه ..... راضـي بهــا مانيـــش مالطماعـه
نشوفه ونشـبك في لصباع اصباعه ..... و نفتح على اللـي داخلـي نكشفلـه
ينظـر نفيـض القلـب بيـن اضلاعـه ..... و بنايي انغـام من الصبـا نعـزفلـه
و انحـل بـاب الدمع عل مصـراعـه ..... كتلـة حمـوم من الحشا نجـرف له
سبحان كيف جاته عالفراق شجاعه ..... لْيـا تـو درب العــزم مـا نعرف لـه
و كيف طاوعاتـه عالرحيـل كراعـه ..... و كيف ما قطع قلبه الدم وقف له
لوكان غير خلاني حضـرت وداعـه ..... لخّــر نشوفــه بالـهنــا نهتـف لـه
نكيـد العـدا مـا يفرحـوا باوجـاعـــه ..... و لا من يجينـي بالخبـر هايف لـه
| |
|
صوان المدير العام
عدد الرسائل : 2276 العمر : 47 الحمد لله تاريخ التسجيل : 16/12/2008 نقاط : 2514
| موضوع: رد: مشى في غفله .. ونا كنت ناوي لوعته نوصفله .. عزيز عالنظر غيّب الأحد 18 أكتوبر 2009 - 12:18 | |
| انبــــــــــث اشــواقـــــــــــــــــــــي ..... و نسكب على كتفه دمـوع الماقـي
و نقولّـــه تربــح الخيــر تـلاقــــي ..... طريـق السلامه ما عـذا نحذف لـه مشكوره اختى جود على اختيارك لهذه القصيده | |
|
عاشقت الرمال عضو ذهبى
عدد الرسائل : 323 العمر : 34 العمل/الترفيه : طالبه رايقه دئيمان تاريخ التسجيل : 13/09/2009 نقاط : 404
| موضوع: رد: مشى في غفله .. ونا كنت ناوي لوعته نوصفله .. عزيز عالنظر غيّب الأحد 18 أكتوبر 2009 - 13:35 | |
| مشكوره اختي جود علي القصيده الحلوه | |
|
joud المراقب العام
عدد الرسائل : 5121 العمر : 46 تاريخ التسجيل : 07/05/2009 نقاط : 9591
| موضوع: رد: مشى في غفله .. ونا كنت ناوي لوعته نوصفله .. عزيز عالنظر غيّب الإثنين 19 أكتوبر 2009 - 21:16 | |
| صوان*عاشقة الرمال *أسعدني مروركما- | |
|
نوره عضو فعال
عدد الرسائل : 183 العمر : 29 صوان العمل/الترفيه : طالبه تماااااااام تاريخ التسجيل : 06/07/2009 نقاط : 269
| موضوع: رد: مشى في غفله .. ونا كنت ناوي لوعته نوصفله .. عزيز عالنظر غيّب الثلاثاء 20 أكتوبر 2009 - 11:58 | |
| | |
|
joud المراقب العام
عدد الرسائل : 5121 العمر : 46 تاريخ التسجيل : 07/05/2009 نقاط : 9591
| موضوع: رد: مشى في غفله .. ونا كنت ناوي لوعته نوصفله .. عزيز عالنظر غيّب الثلاثاء 20 أكتوبر 2009 - 13:38 | |
| | |
|
abd2011 عضو جديد
عدد الرسائل : 2 العمر : 39 تاريخ التسجيل : 21/11/2011 نقاط : 2
| موضوع: رد: مشى في غفله .. ونا كنت ناوي لوعته نوصفله .. عزيز عالنظر غيّب الأربعاء 23 نوفمبر 2011 - 6:52 | |
| | |
|
عطر الخزامى عضو ذهبى
عدد الرسائل : 331 العمر : 43 العمل/الترفيه : لا تحسبن العلم ينفع وحده ما لم يتوج ربه بخلاق في تأمل تاريخ التسجيل : 10/12/2010 نقاط : 545
| موضوع: رد: مشى في غفله .. ونا كنت ناوي لوعته نوصفله .. عزيز عالنظر غيّب الخميس 24 نوفمبر 2011 - 10:09 | |
| هنتي هانك ******** تركتي ترك عقلي نسيت زمانك
غاليتي غالاك العقل علا شانك ******** رفعتي رفعتك فوق حاجب عيني
برمتي عليا ليش بعد احسانك ******** خطا قبل مانعرف وعلمتيني
مازال فيدي ماسكة عنوانك ******** اللي فيه واعدتي وماجيتيني
من يومها عندي نقص ميزانك ******** الله يسامحك فيما مضى قيليني :z022:
بلي جابت ******** برمتي برمنا والعقيدة غابت
نفسي عليا لاتلومي عابت******** برد الخطا واصل الخطا خاطيني
عندي عليك شهود حقي ثابت ********عهد بيننا مابيه وفيتيني
وان كانك نكرتي والعدالة صابت ******** نجيبلك امضا يدك رهن في ديني
نسيت زمانك ******** وقلبي مليته صبر درت مكانك
واجد تبعتك غرني شيطانك ******** طرق قبل مانعرف لهن جبتيني
سيات درتي غالبات احسانك ******** بشي بخس للي يكرهو بعتيني
ليش تخدعيني ياقليل امانك ******** عطيتي اسراري للعدو خنتيني
ردي عليا بيني برهانك ******** كاني نقصت معاك طول سنيني
لكن بعد ريت الجفا عنوانك ******** الجافي عليه النفس ماترميني
شاعف وشعفني كلام لسانك ******** تايب بعد حبك حلفت يميني :z060: لانريد غيرك.....لانريد مكانك ******** فضا خير قلبي ارتاح لاتشقيني
جميع ماطرالي من تعب في شانك ******** حتى فمنام الليل ماتهنيني
وجربت والتجريب من نقصانك ******** الياس شارته فوقك قبالة عيني
راضي بما قدر علي رحمانك ******** نحنن حنين الواردة خليني
نسكت انكان فكرت وقت احسانك ******** ونثور م السيات بعد تجيني
زايد وناقص ماثبت ميزانك ******** تخبل علي الغزل لاتلوميني
الله يسامحك توا بنترك شانك ******** اللي بيننا حزت نواطي عيني
نسيت غلاها ******** ونسيت كل ماو صاير زمان معاها
علي وين ماتخطر نعد خطاها ******** دوا هناك ماكيفه لها ينسيني
نافكرتي تعبر علي معناها ******** اللي جربت في الماضيات سنيني
اللي كنت مانصبر نهار بلاها ******** وهي زاد ماتصبر انغبت اتجيني
بعد برمن ليام وصار خطاها ******** ماعاد نرضيها ولاترضيني
| |
|