حاولت نبعد ع الغلا ما قدرت ...

حاولت نبعد ع الغلا ما قدرت ...

قصيدة للشاعر عبدالباسط الزوى:

حاولت نبعد ع الغلا ماقـــــــــــــدرت .. وحاولت ننسى صوبها نطويه
القيت كل شى ايقولى شن درت.. وحتـــــى اعيونى عاتـبنى فيه
والقيت روحى وين ماســــــــافرت ..بلا رادتـــــى انعاود عليه انجيه
غلبنى بحبا ونا امعاه اخســـــــرت ..ماسك حواســــــى كلها بيديه
طاغى سـجنى ونا اسـيره ســرت.. امـكبل ويـــكرب وين من ناديه
حطم اســـوارى كلها انكســـــــرت ..خـــذا غــــايته فـــيا ونا راضيه
واجــد على صــوبه اسنين صــبرت.. كمين عــــــام ونا انعازى فــيه
ننقــانى ناوى الرحــــيل اخــــــترت.. ماعـــــــاد يلزمـــــنى ولا نبيه
نويت نتركــه ياناس لـكـــن حــــرت.. انريد الدباره كيف نا انجافــــيه

رد نعيم الزوى:

حاولت نجبر خاطــــــرى انجبرت
وين ما انشوفه فى مكان انجيه
حاولت ما تخطر على خطــــرت
طيفك ايراود كل وقـــــــت انجيه
حاولت ما تكبر معــــــاى كبرت
زايد غلاك او نا خذيــــــت عليه
حاولت ما نعبـــــرك عبــــــــرت
القيت دمعى او خاطـــرى يبيه
حاولت نذكـــــــــر وما اذكــــرت
الا حنانك حلــــــــــم هايم فيه

مشكور اختى جود على الكلمات الرائعه

والنابعه من القلب

لكي أجمل التحيات

أسعدني مرورك أخي صوان

مشكورة اختي جود.علي هذه الكلمات الرائعة

يعطيك الله الف العافية

تحياتي وتقديري

» حاولت نبعد عنك رديت لك مشتاق أكثر منك
» نار الغلا
» ***قديم الغلا ع العين في الترقيده** إيهفّن ايام غلاه ومواعيده***
» انتا الغلا
» تنشديني يا كل الغلا ................ عن غلاك