صوان المدير العام
عدد الرسائل : 2276 العمر : 47 الحمد لله تاريخ التسجيل : 16/12/2008 نقاط : 2514
| موضوع: قولولـهـا تبـعـث معـاذيـرهـا الخميس 11 مارس 2010 - 19:42 | |
| قولولـهـا تبـعـث معـاذيـرهـا = وكثرن أمواجعها وكثـرن اعذارهـا وفي كم طعنة غدر مـن خناجيرهـا = طلبت الدواء ع الجرح حطت ابزارها قولولهـا شاهـد الله وضميـرهـا =علي صلحنا وشهدوا أمعاي اكبارها قولولها ما حلفـت ماعـاد انديرهـا = وليش أطعنتني قبل يطلـع نهارهـا قولولهـا مليـان كـثـر خيـرهـا = فـي بـاذره بيمينهـا ويسـارهـا أمواجع انهلب هذي واتجي غيرهـا = ما ف المواجـع موجعـه نختارهـا قولولها اللي اهناك فـي مطاميرهـا = اللي ميرتهـا لـي سـاع تمتارهـا قولولها ما نصـح نبقـى عشيرهـا = عشرة نكد ف الريق عاقد امرارهـا قولولها من تو خاطـي مصاديرهـا = يغنينـي الله علـي مويـة ابيارهـا قولولهـا شـن معنـى تفاسيرهـا = ردت علي جـواب جيـب أبذارهـا قولولهـا مـازال ذاهـب خبيرهـا = وعليها كـذب تقازهـا و شبارهـا قولولها مالوقـت تأخـذ محاذيرهـا = راه كـل دار امصـادرتـا دارهــا قولولـهـا يقـطـع الله تدبيـرهـا = وذاهبـة انكـان أمتبعـه دبـارهـا قولولها في شـئ واجـد ايعيرهـا = كسر الخواطر راه واعـر اجبارهـا قولولها الأعذار حسـرت زكاكيرهـا = وطاح من وجه الحقيقـة اخمارهـا قولولها خلاص عرفت جملة تفاكيرها = قولولها خلاص عرفت لعبة إقمارهـا قولولها قريت السر فـي مناشيرهـا = قولولهـا حليـت عقـدة اسرارهـا قولولها لاي طيري ولانـي طيرهـا = لا انحطت أنحط ولا انطير بمطارهـا قولولها كـي اتريدنـي نشتشيرهـا = وهي ما عليّ اترد فيهـن أشوارهـا قولولها قـزون نحـرق خضيرهـا = كيف ما تريد تحرق خضيري بنارها قولولهـا مـنـي الله لا ايثيـرهـا = اللي زارعتـه فـيّ تأكـل أثمارهـا قولولهـا مليـت مـن جراجيرهـا = يـوم لمواجعهـا ويـوم لمسارهـا قولولها من السدر يخلص حريرهـا = ولا عاد بنيت ابيوت قابل عمارهـا | |
|
الاء عضو ماسى
عدد الرسائل : 3900 العمر : 40 صوان العمل/الترفيه : معلمه الحمدالله تاريخ التسجيل : 26/01/2009 نقاط : 6782
| موضوع: رد: قولولـهـا تبـعـث معـاذيـرهـا الجمعة 12 مارس 2010 - 1:39 | |
| انكانك نويت اتغيب اشعر بيا,,,,راهو غرامك مركبي ومجدافي ولوكان مازلتك احبيب ليا,,,,زمان كنت ماتقبل نهار اخلافي ومازال غالي كي غلا والديا,,,,ومازال نبعي بالمحبه صافي ومازلت مانرضى معاك السيه,,,,ومازلتلي داي ودواي الشافي يعٌُطيكٌُ الٌُفٌُ عٌُآفيهٌُ ... عٌُ هالمٌُوٌُضوٌُعٌُ وسٌُلمتٌُ يٌُدآكٌُ ..ٌ تحٌُيآتيٌُ | |
|
مشوار قلم عضو فعال
عدد الرسائل : 140 العمر : 41 فزان الحمد لله تاريخ التسجيل : 09/03/2010 نقاط : 186
| موضوع: رد: قولولـهـا تبـعـث معـاذيـرهـا الجمعة 12 مارس 2010 - 2:28 | |
| السلام عليكم ورحمة الله وبركاته ..
صوان ..
أبيات شعرية رائعة ..
صح لسان الشاعر
وفقك الله .. | |
|
صاد شين مشرف منتدى الشعر الشعبي
عدد الرسائل : 298 تاريخ التسجيل : 14/06/2009 نقاط : 401
| موضوع: رد: قولولـهـا تبـعـث معـاذيـرهـا الجمعة 12 مارس 2010 - 15:05 | |
| أمواجع انهلب هذي واتجي غيرهـا . ما ف المواجـع موجعـه نختارهـا رساله شفهيه فى منتهى الروعه صحيت اخى صوان على الاختيار وصح اللسان الشاعر بوعياد ربى يشفيه | |
|
صوان المدير العام
عدد الرسائل : 2276 العمر : 47 الحمد لله تاريخ التسجيل : 16/12/2008 نقاط : 2514
| موضوع: رد: قولولـهـا تبـعـث معـاذيـرهـا الإثنين 29 مارس 2010 - 20:00 | |
| | |
|