يا غاليين علي

الشاعر
: احميدة مطرود الجالي

يا غاليين علي
الدنيا بلاكم ما تساوي شي
ليش الجفا

يا غاليين الروح
عنكم تسال وخاطري مجروح
ليش تتركوني للجفا والموح
بين بين لا ميت ولاني حي
شوقي تعدى فوق مالمسموح
امغير فيه نتقا بعزم قوي
وهالقلب يكما والعيون تبوح
تقول غيركم ما حد علي اغلي

يا غاليين اشتاق
الخاطر لكم واجد وعلمه ضاق
وفي اللي لفا من شوركم توّاق
بالك خبر منكم معاه يجي
غيابكم ومر البعد عنكم ذاق
نين مر في ريقه الحلو ابقي
الدنيا بلاكم يوم ما تنطاق
ولا العيش طيب لا النوم هني

يا غاليين يعدن
ايامنا وما من عمرنا ينعدن
بلاكم ؛ وبيكم من جديد يردن
زها ويتهنى قلب عاش شقي

يا غاليين انحس
الدنيا بلاكم فاقدة الونس
من ظلمة لظمة في ظلام وبس
ما اضويلها من يوم غبتو ضي
ليش يا اصبي العين يا النفس
غيابكم علي ونا حبيب وفي
لمتى اندس ارياف ما يندس
ونموت مالرجا والشوق موت بطي

يا غاليين العين
خلا تشوف في الدنيا بلاكم شين
حتى والعرب علي ملتفين
اصحاب وحباب ودنيتي في يدي
بلاكم يلم الهم والتكوين
ويصبح وسيع الكون ضايق بي
نمشي وما نعرف موجه وين
ونحكي وما مني تفرز دي
حايس وزايدني لكم حنين
وشوق حاطني في عقل ما هو لي
روح غايبة عن جسم موش اثنين
متباعدين نا وانتو وزاد اشوي

يا غاليين يزيد
فينا غلاكم كل يوم جديد
ومابا مع مر الايام يبيد
ولا يغيرنه عالايام اعصي
ولا قدرت عنكم يا اولاف انحيد
وما نديرها دوبين روحي في
باقي علي كبدي غلاكم سيد
مالكينها عالم الله العلي
اتغيبو؛ اتجو؛ اقريبين؛ بعيد
حنونة عليكم هي كي ما هي

يا غاليين العين
خلا تشوف في الدنيا بلاكم شين
حتى والعرب علي ملتفين
اصحاب وحباب ودنيتي في يدي
بلاكم يلم الهم والتكوين
يا غاليين علي Dfsdfsd