من لا شى .....للشاعر نعيم الزوى ورجب الشيخى

يقول الشاعر نعيم الزوى

من لاشى
يابال غايب من عزيز على
ديما العين (اتنوح)

اتنوح ع البرانى
وتبكى على كل حد كان ايعانى
ديما حنـــــونه عزمها خلانـــــى
انشيل هــــــم الناس بين ايدى
مــــن كل لوعه مكتئب تلقانـى
ايبان الزعل والدمع فيها او فـى
يا بــال عنها غيـــبوا حبانــــــى
انظنى ابكاها العمر كلا اشـوى

على كل شى اتنوح
وتبكى انشافت دم ولا اجـــــــروح
ما عندها ف الحــــــــزن ديما روح
عـــــــــزم البكا ما هو شديد قوى
غالـــــى عليها الدمع وقت الموح
تقــــــــول هاويه لدموع تلعب بى
ماعد عرفته صدق ولا اطـــروح
قريب تنعمى ويطفى عليها الضى

رد الشاعر رجب الشيخى

بدون اسباب
مـــــــــــــرات يبقى دمعها سكاب
تذرف وما لوالــــــى اتدير احساب
ولا ايهمها ف الدمع كان سخـــــى
ومــــــــــرات يبــقى دمعها ينساب
اتـنـــــــــوح الدعيه فى مكان خفى
تبــكى علـــــى غالى عليها غاب
لا دز لا فــكــــــــر نــهار ايجــــــى
خذت ع البكا هى والدموع اصحاب
واغلـــــب ابكاها من عزيز انســى
الســـت قالت ع (الهـــــوى غلاب)
صــــــــــــدقتها ونبصم عليه بيدى