صوان المدير العام
عدد الرسائل : 2276 العمر : 47 الحمد لله تاريخ التسجيل : 16/12/2008 نقاط : 2514
| موضوع: انرايف للملقى الأربعاء 12 مايو 2010 - 19:36 | |
| نرايف للملقى نشتاق ... لهن ننساق ... اوهامه من قسوة لفراق
نرايف للملقى لو نصيد ... اساع انحيد ... ريافى منه بالتأكيـــــــــد
عيون اللى طايب ع الليد ... غريمة تاق ... مشا قارص له م المطلاق
دياره موش حذاى بعيــد ... مشا بشواق ... رحيلة من يايلايا ســـاق
نرايف للملقى لاتـــــــو ... على اللى هو ... ابقى ساطى ع العين عدو
لها مو مابى يصفى جو ... مفيت اشواق... هضا ما نالت م العشاق
هووهــا وفى التالى خانوا ... بعد غنداق ... جفـــوها خلـــــوها تشتاق
نرايف للملقــــــى مازال ... ومو حمــال... الخاطر دايرلــــه مـــشغال
الغالى بو ممشوط اطوال... وسرد ارماق... سناهن للخاطر عـــــواق
ومابا فينا يوم يـــــــسال ... نقض ميثاق... العين وفاجاهـــا بفـــــراق
نرايف للملقى جضران ... مع من كــــان... زها لنا فى ايـــام زمــــــان
سعتا وهو بينـــا ولهـــان... وله مشتــــاق... الصوب وفى دربه منداق
نخافوا من عين المعيان... ابنى بوثـــــاق... غلانا ما خشه نيفــــــاق
إلاتوا موالـــــه هـــــان ... وطق اطقــــاق ... جفا مـــا منه مـــا ينتاق
انرايف للملقى محتـــار ....مع من نـــار .... اطلقها وازاحــه بالـــــدار
حزام اللى لا صـــار مغـار ... وصار اطلاق... البــــــارود وتمت تـــــــداق
تــشلد طانيها الجضار ... تجى بحماق.... انعلهـــا خلتــهن دقــــــداق
غيابه دردرهن لنظــار ... سماهن ضاق ... يسيـــلن مــاقيهن دفــــــاق
نرايف مازال و ننشد ... عليه وعندى فيه امال
نقول عزيز اساع يرد ... أيام الفرقة موش اطوال
سوا يقرب والا يبعــد ... انه ينسانى م الموحــــال
عدد مايبقى بيش يعد ... على ان واخذ فى اقوال
عشقته من قلبى م الجد ... غلا غيره ما جا ع البال
وهو زاد النيران وقـــد ... مثيلى ماهو شى حمال
ابقى ليا فى الصوب سند ... غلا نضربه فى الامثال
وبينى وبينه عطف وود ... وقدر ولرضايـــا ميــــــال
إلا لكن مافيه سعد ... ضمنت افــــــــراق ... غــلاه ولا عاد بالى راق
انقدع فى اوهامه قاعد... حبيس اشـواق ... عزامى م الياسات ارقاق
نرايف للملقى نشتاق ... لهن ننســـاق... اوهامه من قسوة لفراق | |
|
حلو الحياة نائب المدير
عدد الرسائل : 1820 العمر : 41 العمل/الترفيه : مصممة جرافيك رايقة والحمد لله تاريخ التسجيل : 11/05/2009 نقاط : 2279
| |
صاد شين مشرف منتدى الشعر الشعبي
عدد الرسائل : 298 تاريخ التسجيل : 14/06/2009 نقاط : 401
| موضوع: رد: انرايف للملقى الجمعة 14 مايو 2010 - 18:15 | |
| اشكرك اخى صوان على هده النقله واتوجه بالشكر الجزيل للاخت حلوه الحياه على توضيحها لاسم صاحب القصيده لك ولها كل التحايا | |
|