نحساب روحي تبت

اقدم لكم قصيدة للشاعر حسين الرياني بعنوان نحساب روحي تبت
القصيدة اتقول:
عالمحبة تبت ونحساب روحي شبت
دورة ورا اللي جيت بيه جذبت
.....
نحساب روحي انتوب ..وماتجيبني شور المحبة دروب
سلّمت في الطالب وفي المطلوب.. وهكي أموري كلها رتبت
تريته حسابي حاسبه مقلوب ..عيون العشق نادت ونا جاوبت
بتزيدني فوق الذنوب ذنوب.. طاوعتها لكاس الغلا وشربت
خليتها عالقسم والمكتوب.. لانقول خاسر لانقول كسبت
......
لقيت خاطري علي سبلة.. تريته العشق لايجيك لاتتعبله
ونلقانها هبله وراها هبله.. في جرت الهبله للغريق هلبت
طعم العشق والعشق من يكتبله.. لذه ومراره يييييييه ماجربت
نا من عزف الإيقاع فو الطبله.. ونا من على منبر الصوب خطبت
.....
أنا من عزف الأوتار.. وغنت معايا طيور في لفجار
وأنا من على صوتي بدت الأزهار.. ترقص وهيا في قيود الكبت
وأنا منو فيدي اليابسه تخضار.. وأنا منو تيار الهوا داعبت
ماهو غرور لكن نزيد فخار.. كلامك سمعته وكل ماعاتبت
الا مع التوبه معيز وظان ..موضوعها بدري أنا سيبت
عالمحبة تبت ونحساب روحي شبت
دورة ورا اللي جيت بيه جذبت
......
نحساب ننسى الماضي.. ونحساب ننسى غيتي وأغراضي
الباين علي هبلت الماضي ماضي.. ونلقاني في شد العزوم غلبت
قدام شرع المحكمة والقاضي.. تتأجل قضيتي سبت بعده سبت
وغاية دفاعي الوقت ماهو فاضي.. لامنو جاب نباه لا أنا جبت
لكن بحكمك يا حبيبي راضي.. تنازلت جيتك والأوراق سحبت
......
في ما فات.. نحساب روحي نتوب عالغيات
تبي الحق راهي المسأله هيهات ..صاعب عليا حلها ورسبت
لكن انضني تبت عالتوبات.. والعمر للزينات راه وهبت
خطرها اوتار العشق مشدودات.. والباقي كله راني عليه صعبت

ونحساب روحي تبت
دورة ورا اللي جيت بيه جذبت

......
منقول

تحياتي

في المحبة ذبت و نحساب روحي غلبت دورة ايديها الغاليات خطبت

ابداااااااااااااااااااااااااااااااااااااع

شكرا

يالعين توبي عالقديم وخلك امعاي واتبعيني عالجديد اندلك

غزير اهدوبــــــــــــــــــه توبي عليه وعن جراير صوبه
وين عورجت في النص بيك ادروبه عدًيه في عدد م الوقت ماحاصلًك
وخلًيه في ضلالاته اذنوبه دوبه وانت بأجر تجًازى ويسجًلك
بالك مع رايي اتجينا توبه على صوب سيوره ان طال يهلك

عالقديم ونـــــــــــــــاره وعلى عمر عدًا في رجاه اخساره
مرهون حر في رايه و فاللي داره ونا حر فيك ما انريد انضًلك
سحبتي معاه خذاك في تياره يضًمك امعاه وفي خفاء يفتلًك
نين وقعك وقتاً عدل منظاره وناض ايتمسًح ما برم في ظلًك
لا عاد تمشي في جلاوي داره ستين الف مرة قبلها قايلك

عاالي اغني خلاًنــــــــا الصبر خير يا عيني افداء لغلانا
وبالك ايجيبه يالعين زمانه واسًاع تشبريله شبر ما يفطنلك
قدًام الفريق وتحت من مولانا سلاك دين في مافات يشفي غلًك
وكان جاك نادم في العقاب امنانا بالله سامحيه افداء عيون بكنلك

عالقديم ابروحـــــــــــــه وعلى كل حاجة تذكره في السوحة
حتى معارفه قوليلهم مربوحة ولا عاد مراسيله تبي توصلًك
اتركك وين ما حمًن عليك اجروحه ودواك ودواهن صبر هذا حلًك

عالقــــــــــــديم وجرًه وعلى صوب خيره مااعرف من شرًه
وعلى كل حلوة في غلاه ومرًه وهوني اللي هاين اليوم معلًك
من يوما ابروحه من غلاك تبرا ليش تسمريبه كان هو خايلًك
يالعين مردودة عليك مضره تسكيبك على خاين مرض و يعلك

كلمات رائعة ،، ما شاء الله ،، صح لسان الشاعر

وصحيت على النقل اخي صوان

احسنت صوان
اختيار رائع يضاف لرواءعك
دمت ولك اجمل تحيه

مشكور ياأخ صوان علي القصيده الرائع تقبل مروري

الاروع هو انظمامك الينا اختى هجوره

» اهات روحي