joud المراقب العام
عدد الرسائل : 5121 العمر : 46 تاريخ التسجيل : 07/05/2009 نقاط : 9591
| موضوع: ايجيك يوم تشتاقلي وتجيني الإثنين 24 مايو 2010 - 20:01 | |
| ايجيك يوم-------تشتاقلي وتجيني
ايجيك يوم -------نادم اتريد حنيني
وتقولي سامحني-------غلطان في بعدي عليك
وتقولي سامحني------ماندير فيت مايرضيك
وايش فايدة سماحي لك
ونامعاك مابين حيره وشك------وكي قبل مانظن ناتلاقيني
ويجيك يوم تشتاقلي وتجيني
صيور بيك الزمان ايدور--------وماتلقى احذاك اولاف
وصيور ايجدن عليك امور--------- ولي يجيبك حنين ارياف
يبكي بدمع الندم------------وتشكي من الزمان القاسي
بصرخة انين والم-----------كيف صرختي ياقاسي
وتقولي سامحني----------طامع اريد احسانك
وتقولي رجعني----------- مشتاق لفيض حنانك
وايش فايدة سماحي لك
ونامعاك مابين حيره وشك------وكي قبل مانظن ناتلاقيني
ويجيك يوم تشتاقلي وتجيني
معاد ترتجي كلمة غلآ----------خلاص درس وخذيتا
كل شي بينا انتهاء--------------وردي ذبل لو ريتا
اجمل احساس كان بينا------حب وشوق وفاء
ضاع ضيعت اسنينا--------انت السبب موش انا
ارحل---------------يكفي سادني مفيا
ارحل--------- ماتجيب طاري الغيا
نالي انخدعت--------فيك من دون كل الناس
ونالي انصدمت------ومالقيت شي وناس
نفذ صبري عليك------ومن عيني الدمعه جفت
يبين عشمها فيك-------هلي لانست لاغفت
ومعاد في عرق ايحب
انتهيت وانت السبب--------وكي قبل مانظن نا تلاقيني
ايجيك يوم تشتاقلي وتجيني
| |
|
صاد شين مشرف منتدى الشعر الشعبي
عدد الرسائل : 298 تاريخ التسجيل : 14/06/2009 نقاط : 401
| موضوع: رد: ايجيك يوم تشتاقلي وتجيني الإثنين 24 مايو 2010 - 20:55 | |
| ايجيك يوم تشتاقلي وتجيني الله الله الله يالا روعه مانقلتى جود بصراحه لو صنفت كل القصائد التى نقلتيها لصنفتها الاولى لروعه وجمال كلماتها وما اختارها الا دوق راقى يتدوق الشعرفاكتفى بان اقول انوار انوار انوار عليك وعلى الشاعر لك منى كل التحايا
| |
|
kamal dow عضو فعال
عدد الرسائل : 128 العمر : 44 شاعر المنتدى لله الحمد و المنه تاريخ التسجيل : 11/04/2010 نقاط : 199
| موضوع: رد: ايجيك يوم تشتاقلي وتجيني الإثنين 24 مايو 2010 - 21:55 | |
| خودي نصيحه مني***اللي بدلك قوليله
ربي خذاك رحمني***وبالدمع ما تبكيله
الله باعد عني***الشر وانا نغنيله
تحساب لو تظلمني***نغلب قليلة حيله
انا نبدّل اللي بدّلني***غير الله ما نشكيله
و اللي قرب متعّني ***بالودّ انا نجريله
او من طريق اخر تقهريه من باب انه اصبح قديم فتقولي
عفوا في الرد اللي بعده
| |
|
kamal dow عضو فعال
عدد الرسائل : 128 العمر : 44 شاعر المنتدى لله الحمد و المنه تاريخ التسجيل : 11/04/2010 نقاط : 199
| موضوع: رد: ايجيك يوم تشتاقلي وتجيني الإثنين 24 مايو 2010 - 21:59 | |
| عندي جديد فوق القديم نودا**وهلي مضى باطل خلاص نعدا هلي دايرا فيا زمان نرده**ونفش غلي فيه نبقى صافي جاني جديد يحبني ونحبا**حنانه غزير ماهوش كيف الجافي صوب القديم ياناس قلبي صدا**ونلقاني نريد ننتقم يا اولافي نجيب الجديد و نحتفل و نقدّا**نُخلُص جميع الديّن يبقى وافي يندم علي مافات يلطم خدا**خشما نبيه ايمرّغه في السافي واللي سبق هالبيت هزر لابدا**ما نيش صاحب سو قلبي دافي
الردين من كلامي
مشكورة جود هذه عادة اخذتها منك فكل ما شاركت بقصيدة تردين بقصيده
احاول ان اجاريك
| |
|
joud المراقب العام
عدد الرسائل : 5121 العمر : 46 تاريخ التسجيل : 07/05/2009 نقاط : 9591
| موضوع: رد: ايجيك يوم تشتاقلي وتجيني الثلاثاء 25 مايو 2010 - 10:42 | |
| يالعين توبي عالقديم وخلك امعاي واتبعيني عالجديد اندلك
غزير اهدوبــــــــــــــــــه توبي عليه وعن جراير صوبه وين عورجت في النص بيك ادروبه عدًيه في عدد م الوقت ماحاصلًك وخلًيه في ضلالاته اذنوبه دوبه وانت بأجر تجًازى ويسجًلك بالك مع رايي اتجينا توبه على صوب سيوره ان طال يهلك
عالقديم ونـــــــــــــــاره وعلى عمر عدًا في رجاه اخساره مرهون حر في رايه و فاللي داره ونا حر فيك ما انريد انضًلك سحبتي معاه خذاك في تياره يضًمك امعاه وفي خفاء يفتلًك نين وقعك وقتاً عدل منظاره وناض ايتمسًح ما برم في ظلًك لا عاد تمشي في جلاوي داره ستين الف مرة قبلها قايلك
عاالي اغني خلاًنــــــــا الصبر خير يا عيني افداء لغلانا وبالك ايجيبه يالعين زمانه واسًاع تشبريله شبر ما يفطنلك قدًام الفريق وتحت من مولانا سلاك دين في مافات يشفي غلًك وكان جاك نادم في العقاب امنانا بالله سامحيه افداء عيون بكنلك
عالقديم ابروحـــــــــــــه وعلى كل حاجة تذكره في السوحة حتى معارفه قوليلهم مربوحة ولا عاد مراسيله تبي توصلًك اتركك وين ما حمًن عليك اجروحه ودواك ودواهن صبر هذا حلًك
عالقــــــــــــديم وجرًه وعلى صوب خيره مااعرف من شرًه وعلى كل حلوة في غلاه ومرًه وهوني اللي هاين اليوم معلًك من يوما ابروحه من غلاك تبرا ليش تسمريبه كان هو خايلًك يالعين مردودة عليك مضره تسكيبك على خاين مرض و يعلك
***************************** مشكور أخي كمال عالرد الحلو والرائع تمنيت يكون عندي موهبه في الشعر حتى بسيطه للرد ....يسلمو عالأبيات
| |
|
joud المراقب العام
عدد الرسائل : 5121 العمر : 46 تاريخ التسجيل : 07/05/2009 نقاط : 9591
| موضوع: رد: ايجيك يوم تشتاقلي وتجيني الثلاثاء 25 مايو 2010 - 10:44 | |
| - صاد شين كتب:
ايجيك يوم تشتاقلي وتجيني الله الله الله يالا روعه مانقلتى جود بصراحه لو صنفت كل القصائد التى نقلتيها لصنفتها الاولى لروعه وجمال كلماتها وما اختارها الا دوق راقى يتدوق الشعرفاكتفى بان اقول انوار انوار انوار عليك وعلى الشاعر لك منى كل التحايا
أسعدني تواجدك أخي صاد شين
| |
|
حلو الحياة نائب المدير
عدد الرسائل : 1820 العمر : 41 العمل/الترفيه : مصممة جرافيك رايقة والحمد لله تاريخ التسجيل : 11/05/2009 نقاط : 2279
| |