اتسيل وحدها

اتسيل وحدها....ضيم وقت وغياب ولفها نكدها

تسها اشوى العين تسيل وحدها

وهى حالتها.......يطول شرحها حالت غلا بكتها

سحرت اعيونى بالغلا لاعتها.......ومال الزمان ابوابنا سددها

لاجفن مواقى العين لانستهــا.......اللى لاحذاها ولاهناك بعدها

يارب ياعلــم بحالتى وغيتهــا.......غيث اعيونى بالبعيد اسعدها

الا اليوم وحدها.....انهف ولفها ايزيد نكدها

اتسيل العين

هى ثاريها.....اظروف واجد مامغير غاليها

هزن اركان العقل ومخليها......سيل دمعها قاطب على مرقدها

اولهن الدنيا اومالها فيهـــا......غير بخت مايل وطاح سعدها

والثانى بقصه غلا باليهــــا......غاوى وما فالبال مانجحدها

من طرف واحد غـلا كاويه......من قايس لهيب النار يا مصهدها

والثالثه ودى لكم نطريهــــا......ونحكى لكل الناس ونصعدها

غزه العالم اليوم انسيهـــــا......وباراك كافر قوته شددها

قدام لنظـــار مـو خافيهــــــا......هد ابيوتها وناسها شردها

انريـــد لمت عــرب نبيهـــــا......يا من عالم ابعلتى وحدها

الا اتيسل وحدها....تفريق العرب هواللى نكدها

ديمه ادموع العين

نبكي علي حالي حزين ابكايا *** لا اقدرت نهدا ولا ايتم عزايا

حـــــــــالي كــــــــــابي ..... حال منطرح زايد امعاه عذابي
لاني عليـــه انلوم لاني عـــابي ..... حال منتهي شايل كثير سوايا
عنده اهموم الشارقين مصابي ..... وعنده خطا سدّن عليه روايا
وعنده ادموع اتقول سيل شرابي ..... خلّن اعيونه راقدات مطايا
وعنده اعقيـــله حي ماهو عـابي ..... لكن ايعاني من سريب خبايا
وقلـــبه امقــطع صلّبه صـــلاّبي ..... يرغب خلاصة ومالقيش نهايه

ضــــــــــاقــــت عنّــــــه ..... شين مندمي ماعاد صاير منّه
جنّه اطيـاف الموح ما انقذنّه ..... زادن احزانه وزاد بيهن دايا
برمن علــيه بسوء ومااتركنّه ..... لين مابقي دامي زهيد الغايه
وبعدين حامن في سما ورمنّه ..... بأحجار صمّه والعه جفّايا
وبعدين بأوصـــاله جرن لفنّه ..... ملموم تمّه ولمسته كوّايا
في بيـر منسي جــافه اعزقنّه ..... ولا من شهيد ولاادري بخفايا

حــــــــــالي ايـــــدمّـــع ..... حالي خطي ماهو الي متلمع
انعيــط وجـــملة جيرتي يسمّع ..... لا من ايقرّب لا ايجي يالايا
امغير الكــــواين زايــده تجمّع ..... حاطن بروحي كي زول امنايا
دارن عليا حـــلف غازي طمّع ..... نشّف اعروقي دارهن سلاّيا
جور وظـــلم وفوقــهن متقمّع ..... واخذ الغايا وشغلته بنكايا
يا انويرتي عني وبابي اشمّع ..... اسكّر وتمه ف السريب احكايا

حـــــــــالي بنــــــــاره ..... حالي انحرق ومالقيت ادباره
جنّـه الجيّــايـــات دارن غـــــاره ..... خلّن اطرافه امشرتعه بشضايا
لــيله ابقي ضــوّاي كيف نهـاره ..... والع اسيوله جاريه غلاّيا
اتميّـــل ايمــــينـها وايســـــــاره ..... وتكوي انفاسي امخلفه الضحايا
اتزوره صميمي في عواقر داره ..... تسبيه طامي حالته زرّايا
مـــاله امغيــر الله يطــفي نــاره ..... يارب لطفك ف بادية ونهايه

**************************

أبعد الله عنك الأحزان أختي الغاليه

وكل عام وانتي بخير وينعاد عليك

وعلى عائلتك بالخير والصحه والسلامه

اتسيل وحدها Card-3eed-3

رائعه من روائع الشعر الشعبى نقلتيها لنا
اشكرك على هده النقله تاتيم
كل عام وانتى بخير

مشكورين احبتي عالمرور الرائعجود اضافة اكتر من متميزة يا ذوق

منورة تاتم ،، وصح لسان الشاعر
تقبلي مروري المتواضع
وكل عام وانت بخير