مرحبا بكم ...منتديات صوان


لسنا الوحيدين .. ولكننا نسعى للأفضل
 
الرئيسيةاليوميةس .و .جبحـثالتسجيلدخول
تم بحمد لله عودة افتتاح المنتدى ،، اعضائنا الكرام نرحب بمشاركاتكم وتفاعلكم معنا وكل عام وأنتم بخير
منتديات صوان الذى يجمع كل الليبين يرحب بكم
بحـث
 
 

نتائج البحث
 
Rechercher بحث متقدم
سحابة الكلمات الدلالية
الجديد شعبي الحب اسماء تردد غناوي القديم كلمات خواطر شتاوات حبيبي مسجات اريد محمد برنامج ليبيه ليبيا تحميل رسائل اشعار nimbuzz الرجل شتاوي اكسل ليبية الله
المواضيع الأخيرة
» بعض الأنواع من الكفته
السبت 26 ديسمبر 2015 - 3:51 من طرف ابراهيم المحترف

» صور لآخر الصناعات التكنولوجية ..
الأربعاء 23 ديسمبر 2015 - 17:45 من طرف ابراهيم المحترف

» How to learn English كيف تتعلم الإنجليزيه
السبت 26 أبريل 2014 - 9:36 من طرف نبع الورود

» ياذاك الإحساس **/ بقلمي
الأحد 2 فبراير 2014 - 13:35 من طرف اليتيم

» لمحبي الأدب الفرنسي:تحميل 163 من أروع الكتب والقصص
الأحد 2 فبراير 2014 - 10:07 من طرف joud

» هل الله خلق الشر؟
الإثنين 13 يناير 2014 - 23:03 من طرف اليتيم

» كل عام وأنتم بخير
الأربعاء 16 أكتوبر 2013 - 8:59 من طرف joud

» شاآآآآمل ..أنواع الطلاء والرسم على الجدران..أحدث
الخميس 16 مايو 2013 - 3:11 من طرف enghaitham

» موقع إنجليزي خاص لكل من يود تعلم الانجليزية كلغة ثانية
الأحد 14 أبريل 2013 - 21:33 من طرف نبع الورود

» أنواع أنواع ..اوضاع اوضاع
الجمعة 1 مارس 2013 - 23:51 من طرف محمد الكووك

» ملحقات للفوتوشوب ،، جماجم ،، هياكل عظمية ،،
الثلاثاء 11 ديسمبر 2012 - 2:11 من طرف أبو فيصل

» الزي الشعبي للمرأة في ليبيا
الأحد 9 ديسمبر 2012 - 14:29 من طرف لجين

» اهل المحبة والوفاء وصدق واخلاص
الجمعة 7 ديسمبر 2012 - 18:23 من طرف لجين

» cd audio coversation تعلم اللغه الفرنسيه..تحميل
الخميس 6 ديسمبر 2012 - 15:15 من طرف وحيد

» اهل المحبة
الإثنين 3 ديسمبر 2012 - 18:43 من طرف لجين

» برنامج قاهر الرابدشير الأن تستطيع تحميل ما تشاء
الأربعاء 21 نوفمبر 2012 - 18:38 من طرف العباد العباد

» شتاوات شتاوات شتاوات
الأحد 18 نوفمبر 2012 - 19:57 من طرف عيون الجاسر

» الوشم الليبي ... منذ أقدم العصور ..
الثلاثاء 13 نوفمبر 2012 - 15:38 من طرف ametabb

» خبر عاجل....موضوع وداع ...مـا تخـيلت في يـوم انـي ممكن احـط مـوضوع وداع
الخميس 1 نوفمبر 2012 - 6:47 من طرف عاشق الرمال

» افكار حلوه لتقديم الحلويات و المعجنات للضيوف
الثلاثاء 9 أكتوبر 2012 - 13:58 من طرف cianderellaiii

المتواجدون الآن ؟
ككل هناك 19 عُضو متصل حالياً :: 0 عضو مُسجل, 0 عُضو مُختفي و 19 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 83 بتاريخ السبت 21 يناير 2012 - 22:20
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
ساعه

sawan


شاطر | 
 

 ** كسر الخاطر**أشعار وشتاوي وغناوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: ** كسر الخاطر**أشعار وشتاوي وغناوي   الأحد 26 سبتمبر 2010 - 16:02


العظم ينكسر ويعيب لكن يبرا .......... إلا كسرة الخاطر مصيبة غبرة
*
كســـــــرة العظــــم ما ها عيبة .......... وكسرة الخاطـر هي المصيبة
والقلب اليا عشق حبيبــــــــــه .......... المعشوق حب يوم وغـــــدره
وسنين العذاب والتعصيبـــــــــة .......... وسنين البكاء وخنقة العبـرة
والدمعة علي الخد ديمة سكيبة .......... والخاطر اليا صبر ينفذ صبرا
سكتنـــــــــا سنين وبلا غيبـــــة .......... بنتكلم وفي كلامي عِبــــــــرة
*
حبيتها مـــــن القلب وعطيتها الأمـــــــــان .......... وشاهد علينا ربنـــــا الرحمــــــــــــن
قالت نحبــــــــــــــــك وليـــــا زمــــــــــــان .......... والحب في القلب عنـــــده قــــــــــدره
صدقتها ومشيت نـــــــــــا فرحـــــــــــــــان .......... انقرط كما الطيـــر راجـــــع وكـــــره
عشنا سنين حب صعيبة في العــــــــــــدان .......... وهـــــي دفنت الحب وجـــــابت قبـره
واليوم نحكي والقلب مجروح من الأحزان .......... متكـــــدر كمـــــا النـــــار تاكل سدره
*
هي دفنت الحــــــــــب بلا تقديـــــر .......... بنية خاينة وما فيهــــــــــــــــــا خير
قالت نحبـــــك واللـــي يسير يسير .......... مريضة بحبـــــــــــــــــك نا مـا نبرا
واليـــــوم خانـــــت بلا تفكيـــــــــر .......... نست أيام الحب وأول نظــــــــــــرة
مسكيـــــن انت تعبـــــان وفقيـــــر .......... ونا بنت ناس فـــــــي الطب نقـــــرا
قلتلها انت دكتــــــــــورة بلا دكتير .......... كذابة وخاينة في الخون معتبـــــرة
*
كسرتي الخاطـــــر شينك دعيــــة .......... ورقيتي الضغط فوق الاربعمايـــــة
انت سبب مرضتــي يا غيــــــــــة .......... والعظم اليا انكسر مسهل جبــــــرا
وجبرة الخاطر صعيبة علــــــــــي .......... وايش يجبر الخاطر بعد كســـــــره
ندعي لربي ضحى وعشيــــــــــة .......... ننسى همومــــــــــــي والقلب يبرا
وننصح كل السامعين جمليـــــــة .......... العشــق علـــــم وفـــــن يبي خبرة




عدل سابقا من قبل joud في الإثنين 7 فبراير 2011 - 19:13 عدل 1 مرات
الرجوع الى أعلى الصفحة اذهب الى الأسفل
المهندس الليبي
عضو فعال
عضو فعال


الكويت
سعيد
ذكر
عدد الرسائل : 128
العمر : 31
العمل/الترفيه : مهندس كيميائي
الحمد الله
تاريخ التسجيل : 22/09/2010
نقاط : 253

مُساهمةموضوع: مشكوره   الأحد 26 سبتمبر 2010 - 17:25



ما شاء الرحمن يامبدعة انتظر المزيد من ابداعاتك لنا

تقبلي مروري،،،،،،،،،،،،،،،،،،،،،،،،

وثم نسخه الى هاتفي الشخصي،،،،،،،،،،،،،،،،copy to me phone،،،،،،،،،،،،،،،،،،،،،،،،،،،شكرااا



الرجوع الى أعلى الصفحة اذهب الى الأسفل
mrajaa
مشرف منتدى الخواطر الأدبية
مشرف منتدى الخواطر الأدبية


الكويت
غاضب
ذكر
عدد الرسائل : 181
العمر : 38
العمل/الترفيه : معلم
متحمس
تاريخ التسجيل : 10/02/2009
نقاط : 222

مُساهمةموضوع: رد: ** كسر الخاطر**أشعار وشتاوي وغناوي   الأحد 26 سبتمبر 2010 - 18:36



ما عاد في اخساره ..... كسرة الخاطر مالها جباره .. و ما تزعلي

ما عاد فيه خساير ..................... بعد ما انكسر قلبي بديت انساير

ما ايهمني اللي ايصيرواللي صاير ..... مع اللي زمان امتبعين أخباره

زامط غصايص واجدة وقهاير ......... فوسط الجواجي حاصله الصناره

ان فكرت نجبدها اتدير ضراير ......... ولو نويت نتركها انعيش مراره

خنجر طعني وسط قلبي غاير ............ انعده خونته ريدي كحيل أنظراه

انعده غلا أم الغتيت ضفاير ............. مركب ركب عالموج شال اتجاره

الرايس فرح رافع شراعه وساير ..... وزادت أفراحه وين شاف مناره

لكن قدر ربي وحتما صاير .................. هبت عواصف ماكنه وجباره

المركب غرق ماعاد ليه أماير ....... امغير كسوة الرايس اتجيب اماره

وانعده غلا أم الخدود نواير ................ اطريله كما صدم طاح خساره

اللي قبل كان الكل ليه إيشاير ........... رمز الأفخار اللي صعيب أقهاره

الدنيا غروره الوقت يقلب داير ............. ابن ادم ايموت وباقيات أخباره
الرجوع الى أعلى الصفحة اذهب الى الأسفل
المهندس الليبي
عضو فعال
عضو فعال


الكويت
سعيد
ذكر
عدد الرسائل : 128
العمر : 31
العمل/الترفيه : مهندس كيميائي
الحمد الله
تاريخ التسجيل : 22/09/2010
نقاط : 253

مُساهمةموضوع: كلمة شكر   الأحد 26 سبتمبر 2010 - 23:17



ماشاء الله ربي يحفظكم من كسر الخواطر وييسر لكم كل مافي بالكم لتصلوا اليه

انتظر مزيدكم

شكرااااا جـــــــــــــــود صاحبة الموضوع والاخ العزيـــــــــــــز علي امراجــــــــــــــــــــــع المدرس الرائع


الرجوع الى أعلى الصفحة اذهب الى الأسفل
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: رد: ** كسر الخاطر**أشعار وشتاوي وغناوي   الخميس 13 يناير 2011 - 16:28

المهندس الليبي كتب:


ماشاء الله ربي يحفظكم من كسر الخواطر وييسر لكم كل مافي بالكم لتصلوا اليه

انتظر مزيدكم

شكرااااا جـــــــــــــــود صاحبة الموضوع والاخ العزيـــــــــــــز علي امراجــــــــــــــــــــــع المدرس الرائع




مشكووووووووور

تحياتي
الرجوع الى أعلى الصفحة اذهب الى الأسفل
هرقل
كبار الشخصيات
كبار الشخصيات


الكويت
هادئ
ذكر
عدد الرسائل : 321
العمر : 52
العمل/الترفيه : المعلومات العامة
الحمد لله
تاريخ التسجيل : 19/05/2010
نقاط : 385

مُساهمةموضوع: رد: ** كسر الخاطر**أشعار وشتاوي وغناوي   الخميس 13 يناير 2011 - 19:57

العشــق علـــــم وفـــــن يبي خبرة
وهنا مربط الفرس
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قصيدة رائعة اخت جود لم يكدر صفوها الا كسرة الخاطر لدى اخي مراجع
وذكرتني ب
مركب غلاهم فوق راسي راسي ..... هايم معاهم نين ناسي ناسي
الرجوع الى أعلى الصفحة اذهب الى الأسفل
حلو الحياة
نائب المدير
نائب المدير


ليبيا
نحب
انثى
عدد الرسائل : 1827
العمر : 34
العمل/الترفيه : مصممة جرافيك
رايقة والحمد لله
تاريخ التسجيل : 11/05/2009
نقاط : 2298

مُساهمةموضوع: رد: ** كسر الخاطر**أشعار وشتاوي وغناوي   الجمعة 14 يناير 2011 - 1:16

روووووووووووعة بصراحة استمتعت بقراءة الاشعاااار
رائعة جدا

الشكر للجميع على ماسطر هنا من روعة ابيات شعبية
وخاصة
مركب غلاهم فوق راسي راسي ..... هايم معاهم نين ناسي ناسي


وحماكم الله من كسر الخواطر ،، ونالكم ما تتمنون










أنت الزائر لمواضيعي رقم :

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
عطر الخزامى
عضو ذهبى
عضو ذهبى


ليبيا
هادئ
انثى
عدد الرسائل : 335
العمر : 35
العمل/الترفيه : لا تحسبن العلم ينفع وحده ما لم يتوج ربه بخلاق
في تأمل
تاريخ التسجيل : 10/12/2010
نقاط : 549

مُساهمةموضوع: رد: ** كسر الخاطر**أشعار وشتاوي وغناوي   الجمعة 14 يناير 2011 - 9:12

عزيز رحل يا دنيا سلام = و باب الصوب قفلنا سريبه

ضاع الحلم ما بين الأوهام = و تاه القلب في لحظات ريبة

جف الحبر و احتار الكلام = و يش انقول في لطت نصيبه

قالوا قسم و أرضى بالاقسام = و كانه ليك صيوره اتجيبه

ونا م الوقت ماعندي اعزام= انموج بعقل فاضحني نحيبه

كيف و ليش يا ياسي حرام= تباعد فيه و اطاول الغيبه

لمنا لين مللنا ملام= و مل العقل من قولة غريبة

ان قال انسيه طيفه ف المنام= ايجيه خيال و ايجدد نديبه

بالك ساد يا طيف الظلام= خطورك موت و الفرقة عطيبة
*******************

قصيدة روووووووعه...يسلموووووو
الرجوع الى أعلى الصفحة اذهب الى الأسفل
صوان
المدير العام
المدير العام


ليبيا
نحب المنتدى
ذكر
عدد الرسائل : 2278
العمر : 39
الحمد لله
تاريخ التسجيل : 16/12/2008
نقاط : 2520

مُساهمةموضوع: رد: ** كسر الخاطر**أشعار وشتاوي وغناوي   الجمعة 14 يناير 2011 - 9:46

قصيدة قمه فى الابداااع اختى جود
مشكوره
و مايحرمنا من جديد ابداعك








تصميم اهداء من حلو الجياة
الرجوع الى أعلى الصفحة اذهب الى الأسفل
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: رد: ** كسر الخاطر**أشعار وشتاوي وغناوي   السبت 15 يناير 2011 - 11:26


ما كسر يوجع كيف كسر الخاطر


للشــاعر إبراهيــم سعيــد البرعصــي

ماكسر يوجع كيف كسر الخاطـر
الا العظم ايبريه الطبيب الشاطـر

كــيــف دوت الاخـــــوه
اللي مايتاقوا ع الرفـق والنخـوه
ايجن اوقات ترخيهم الدنيه رخـوه
ايعدو كما لهمـة رحـى اتناطـر



كـيــف قــــل الـهـمــه
ايوطي اجناحك لين تشرب سمـه
ولا للفتى سنـاد فيـت مـن امـه
الاجرح يبره لو نصيـب اساطـر



كــي الـحـسـد اجـروحــه
م للي مخاوي ولكـدر وشحوحـة
وميط من الرفاقه يحسبك كي روحه
على يتقي حتـى نـزول القاطـر
عليك برمته لازم اتجـي مربوحـه
لديد غبها كيـف النهـار الماطـر

ماكسر يوجع كيف كسر الخاطـر
الا العظم ايبريه الطبيب الشاطـر

الرجوع الى أعلى الصفحة اذهب الى الأسفل
عطر الخزامى
عضو ذهبى
عضو ذهبى


ليبيا
هادئ
انثى
عدد الرسائل : 335
العمر : 35
العمل/الترفيه : لا تحسبن العلم ينفع وحده ما لم يتوج ربه بخلاق
في تأمل
تاريخ التسجيل : 10/12/2010
نقاط : 549

مُساهمةموضوع: رد: ** كسر الخاطر**أشعار وشتاوي وغناوي   الثلاثاء 18 يناير 2011 - 15:31


هناك ناس تكرههم من اوّل ليله
للشاعر سعيد شلبي
قصيدة شعبية نظمها الشاعر في أواخر القرن الماضى و ساجله فيها عدد كبير من الشعراء
* * *
هناك ناس تكرههم من اوّل ليله
وهناك ناس ما يهُونوا سْنين طويله
* * *
هناك ناس حبايب
وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله
* * *
هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله
* * *
هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله
* * *
هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله
* * *
هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله
* * *

الرجوع الى أعلى الصفحة اذهب الى الأسفل
هرقل
كبار الشخصيات
كبار الشخصيات


الكويت
هادئ
ذكر
عدد الرسائل : 321
العمر : 52
العمل/الترفيه : المعلومات العامة
الحمد لله
تاريخ التسجيل : 19/05/2010
نقاط : 385

مُساهمةموضوع: رد: ** كسر الخاطر**أشعار وشتاوي وغناوي   الأربعاء 19 يناير 2011 - 1:20


ينكسر وعيب ..... يكثر جظيظة وما يجيه طبيب
يكمل اوهو واخذ الليل نحيب ...نين ينتشف ويرق كيف اليبره
نين ينتهي ويموت كي الغريب ...يرقد معاه الشوق اوهو في قبرة
الرجوع الى أعلى الصفحة اذهب الى الأسفل
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: رد: ** كسر الخاطر**أشعار وشتاوي وغناوي   الأربعاء 19 يناير 2011 - 13:11




عجزت أنا أخفي دمعه بعين شاعر
لا من بكا قالوا .. صويبٍ ومطعون

تعبت أنا غربه .. وقلبٍ مسافر
يمر طيفٍ .. ماسكن قلب وعيون

تعّبت .. قلبٍ تحتضر به مشاعر
تعبت أناقض قلب عاقل ومجنون

أموّت كلمة .. والقصايد تناظر
حرفٍ قتلني .. وباقي الحرف مغبون

تعبت أجسّد صورةٍ بالدفاتر
وجه بخيالي وسط ناسٍ يمرون

تعبت أحيا بكل حبٍ وأغامر
أرمي بروحي في متاهات وظنون

تعبت أدور بين كل المظاهر
حبٍ .. ولكن .. كل حبٍ بلا لون

تعبت اصدّق والخديعة تجاهر
والصدق .. ميّت بالحقيقة ومدفون

تعبت أنادي .. كنّ حولي مقابر
أصرخ وصوتي .. بالصدى يجرح الكون

أجي غريبه .. وارجع بكسر خاطر
أجي وأعوّد .. خافقي كله طعون

الرجوع الى أعلى الصفحة اذهب الى الأسفل
عطر الخزامى
عضو ذهبى
عضو ذهبى


ليبيا
هادئ
انثى
عدد الرسائل : 335
العمر : 35
العمل/الترفيه : لا تحسبن العلم ينفع وحده ما لم يتوج ربه بخلاق
في تأمل
تاريخ التسجيل : 10/12/2010
نقاط : 549

مُساهمةموضوع: رد: ** كسر الخاطر**أشعار وشتاوي وغناوي   الخميس 20 يناير 2011 - 9:43


عليك خاطري مجروح ياعزيز ناويش درتلك.


الخاطر طاله طــــــرف أشبوب ***وتما فارح بك ياصــــــــوب ...

الخاطر يسحب فيـــــــــه غلاك ***يسيب في هذا وهـــــــــــذاك ...

الخاطر يسحب فيــــــه الشوق ***أن كـــان نهيتا ينصب سوق ...

الخاطر يستاهل ماجـــــــــــــاه ***النار وطاها بمراخـــــــــــاه ...

الخاطر يزوا فيـــــــــه أشبوب ***امريب و يشوكع له صــوب ...

الخاطر يحسابوه سليــــــــــــم ***وهو مسكون بصوب قديــــم ...

الخاطر يالقديـــــــــــــــم مليت ***مصاغ لغيــــــــرك ما خليت ...

الخاطر ياخذ فيــــــــــه أرياف ***يريد يجيكــــــــــــم ياللولاف ...

الخاطر وقتاً يصفى مــــــــــاه ***يطوح مرهـــــــــون سواياه ...

الخاطر مي نيتا الخــــــــــلاف ****** ان كان رجا يرجـــــا لولاف ...

الرجوع الى أعلى الصفحة اذهب الى الأسفل
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: رد: ** كسر الخاطر**أشعار وشتاوي وغناوي   الثلاثاء 1 فبراير 2011 - 11:40


الخاطر مو شحات أقـــــــــدار ****** لا في كـــــــــــــــل ثرا بذار ...

الخاطر مو بكــــــــــاي أوهام ****** يلـــــــــــــــوم مازال و يلتام ...

الخاطر ما تسمـــــــع له حس ****** يفتش في روحــــــــه ويدس ...

الخاطر كل نهار خصيــــــــــم ****** يجيه ومسع هان قديـــــــــــم ...

الرجوع الى أعلى الصفحة اذهب الى الأسفل
عطر الخزامى
عضو ذهبى
عضو ذهبى


ليبيا
هادئ
انثى
عدد الرسائل : 335
العمر : 35
العمل/الترفيه : لا تحسبن العلم ينفع وحده ما لم يتوج ربه بخلاق
في تأمل
تاريخ التسجيل : 10/12/2010
نقاط : 549

مُساهمةموضوع: رد: ** كسر الخاطر**أشعار وشتاوي وغناوي   الإثنين 7 فبراير 2011 - 14:49



القصيدة للشاعر محمد محمد علي اميمة

كسّر خاطري ياناس غير نكابر
سلم سلام اللي في سبيله عابر

كم راجيته
نهدهد عليه وبالهدب غطيته
استغرب خيالي وين ما لاقيته
اتقول طيف لافي من الزمان الغابر

منهو ايدبّر
ويقول عللي فـ الكسور ايجبر
من يشغله حالي يجيني ايصبر
ويقولي دواك الصبر وأنا صابر

الرجوع الى أعلى الصفحة اذهب الى الأسفل
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: رد: ** كسر الخاطر**أشعار وشتاوي وغناوي   الإثنين 7 فبراير 2011 - 19:12




1/يلقوه كيف ما خلوه ... اعزاز خاطري ما ضنهم
2/مسكين خاطرى ظلموه...اعزاز فى الغلا مايربحو
3/وراء عزيز كانت عيب... الخاطر اثقاله ميلن
4/الخاطر خدن بوق...عيون ياعلم جا صدافن
5/اقشعو خاطري لقيوه... اللي مي حسوفه كاينه
6/الخاطر اللى جرحوه ....امفيت هم ماله دواء
7/ظلمت خاطري يا وقت ....باعدت ناس عيني تريدهم
8/طايل مكان ما ينطال .... فى خاطرى انك قول خاطرى
9/لو كان بعذابك حاس ...عزيز ما جفا يا خاطري
10/فى الخاطر نوايا شور ... انكان فيه غابى يجبدن
11/ما عزا ترجو فيه ....الخاطر اللي جاه يقرضه
12/بعد فراقهم لولاف .... اشحال خاطرك يا خاطرى؟؟
13/ان كان يا الناهى فيك ...عقل ملذوع خاطرى فى الغلا
14/خاطر انجي عالدار... يخطر قديم يرتاح خاطري
15/بكاها قديم العين... بقولة غلاك ناسيه خاطري
16/انكان تنتصح ياعقل... يكفيه مافيه خاطري
17/يخطر قديم الصوب... ينهال دمع ماقيه خاطري
18/انبشو خاطري لقيوه ...اللي مي حسوفه موجعه
الرجوع الى أعلى الصفحة اذهب الى الأسفل
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: رد: ** كسر الخاطر**أشعار وشتاوي وغناوي   الأربعاء 9 فبراير 2011 - 15:56




كسر خاطري

مآبا يــــــــــــــحن علي********** لآبا يـــــــبــــين ليش رفضه لي

ثارت ظنوني واستبدت بي******** مابين من ينهي ومن يمنعني

----------------------------------
يا هل تري الأسباب خلة أيدي **********والله نصيب الغير فيه فجعني

اعذرني جيتك بشوق سخي********* وأرياف شورك في اليقين دفعني

امتدت علي أبواب الرجوع أيدي***** وأقسمت علي النسيان ماطوعني

وأيقنت أن الحلم ماهو لي*********** والفرح لوندعيلها مايتبعني

من يوم يومي ماضحكلي شي*********** ومن يوم يومي خاطري مضيعني

ماسمع شكواي********** من جرح ينزف من السنين امعاي

اعلن رجوعي قبل بدء اخطاي********** من قبل مايعرف اللي لايعني

رديت وجروحي ونس يا لاي********** الصمت في حضن الذهول اودعني

اكبر خطيئة والاسباب اخطاي*********** اني طلبت ود من بايعني
الرجوع الى أعلى الصفحة اذهب الى الأسفل
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: رد: ** كسر الخاطر**أشعار وشتاوي وغناوي   الخميس 10 فبراير 2011 - 10:34


خاطري واجعنــــــي


لمن نشتكي غيرك ومن يسمعني عاتب عليك وخاطري واجعني

نبقى انموج خـاطري شـاغلني تبعد عنـي

وكني سهيت الشوق ما يطاوعني بين حيرتي وخوفي عليك وظني

ودورت واجد بينهم مـا القيـتك نا اللي جيتك

حقي عليك إن كان مـا تودعنـي كان الجفا والبعد جـا في نيـتك

وترمي ملامك يـاعزيـز عليـا تـوجّع فيـا

غير الرجا كان الرجـا ينفعنـي وصابر على جرحك ومـا بيديـا
الرجوع الى أعلى الصفحة اذهب الى الأسفل
joud
المراقب العام
المراقب العام


ليبيا
نقرا
انثى
عدد الرسائل : 5189
العمر : 39
تاريخ التسجيل : 07/05/2009
نقاط : 9620

مُساهمةموضوع: رد: ** كسر الخاطر**أشعار وشتاوي وغناوي   السبت 12 نوفمبر 2011 - 14:25


ياعزيز وين تغيب*** ما يجيب لى خير خاطـرى

لخاطر جرحه ما داووه....علي كل اسبيتار رموه

الرجوع الى أعلى الصفحة اذهب الى الأسفل
 
** كسر الخاطر**أشعار وشتاوي وغناوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الأدبيات والخواطر :: الشعر الشعبي الليبي-
انتقل الى: