joud المراقب العام
عدد الرسائل : 5121 العمر : 46 تاريخ التسجيل : 07/05/2009 نقاط : 9591
| موضوع: العيب شين يخلف اوجاع ولوعه ... والعقل وين يداعى صعيب اقدوعه الأربعاء 13 أكتوبر 2010 - 18:00 | |
| ايقول الشاعر الشريف السعيطى.؟ العيب شين يخلف اوجاع ولوعه ... والعقل وين يداعى صعيب اقدوعه العيب مصيبه .. يخلف مواجع واجدات وغيبه والصاحب اللى تعرف نداك يجيبه ... تقسم عليه عشاك ليلة جوعه وحبيبك اتشيله شيل وتزاريبه ... وتشوف خاطره و الطيبه مزروعه ومن جفاك مو لازم عليك اتسيبه ... اتبيعه بسياته النفس قنوعه العيب يصمل ... وراء الجرح لاطق العروق ايدمل العيب والجفاء والنقض كيف الدمل ... يا ما قتل فرسان قبل اسبوعه والصاحب اللى تراعيه فيك مهمل ... تقديعك عليه ورفقته طبوعه العيب امكبر ... والقزاز ما عمره كسر وجبر وقطعة وصيل الحى ما تدبر ... وبو عقل مايرضى اللى طبوعه وراء الجرى ع الخوف ما يجبر ... وعادة اللى جافى اشوي ادموعه وراء الصبر واعر والقتيل امصبر ... والعين راه ماترقد وهى ميجوعه العيب عيب معله ... والنقص عمره ما ايحيد الغله وراء العيب هو ربط الكلام وحله ... وعند المقادر حذفته مقدوعه والصاحب اللى ينساك ما تامن له ... مراكبى مع ريحه يحل قلوعه العيب وجيعه ... والصاحب اللى تشريه ليش اتبيعه والعيب شين ما قريت على تشريعه ... ولا صرحوه بتسكره مطبوعه وبو عقل ما يصمل بعد تقديعه ... الا من مواجع دايرات هلوعه العيب صغاره ... ايهون اللى غالى وتبرد ناره كيف من سرق فى الليل خيشة جاره ... مع رمة المقدم وهى مقلوعه عندالمراضى تلزمه الكباره ... وفى شرعنا لازم حلال ابيوعه
| |
|
هرقل كبار الشخصيات
عدد الرسائل : 320 العمر : 60 العمل/الترفيه : المعلومات العامة الحمد لله تاريخ التسجيل : 19/05/2010 نقاط : 382
| موضوع: رد: العيب شين يخلف اوجاع ولوعه ... والعقل وين يداعى صعيب اقدوعه الأربعاء 13 أكتوبر 2010 - 20:50 | |
| لاح لي ما بين السطور ما ارق وقض المضاجع وانتابني شعور جامح للتعاطف كم هو شين ذلك العيب وهويترك وراءه المواجع والهموم ومن من ؟ من اولئك ذوو القيمة . من نتذكرهم ونعتز بهم من تركوا بصماتهم على جدران ذاكرتنا | |
|
joud المراقب العام
عدد الرسائل : 5121 العمر : 46 تاريخ التسجيل : 07/05/2009 نقاط : 9591
| موضوع: رد: العيب شين يخلف اوجاع ولوعه ... والعقل وين يداعى صعيب اقدوعه الخميس 14 أكتوبر 2010 - 10:03 | |
| مرورك نور صفحتي فشكرا وأبعد الله عنا وعنك العيبه مشكور على تواصلك ...وربي يحفظك تحياتي وتقديري
| |
|