ارقد تهني شيل كل احزانك
صدقني لغيرك مايكون مكانك
شيل كل اهمومك
ارقد تهنى دوم طيب نومك
راك ياعزيز عزيز غالي سومك
وفوق ماتصور راك عالي شانك
انت بحر اونا ادمنته عومك
ونحس في موجك ابكل حنانك
راني عشقتك حط في معلومك
ومانسيبك مهما ايدور زمانك
ياعزيز تهنى
غيرك مكانك مايقرب منا
هناك يالغالي حد ما نتمنى
وهنايا ايكون افساعة اطمائنانك
خلك اقريب ياعزيز ادنى
ارويت ابغلاك اليوم نا مليانك
انت في وطاتي يالغالي جنة
ومايطيب نومي غير وسط اجنانك
ياعزيز ارتاح.
غلاك مو معقب داخلي مطراح
فيك النضر ينضر مسا وصباح
والوذن ماتسمع امفيت الحانك
ونسما عبيرك دوم في الارياح
ولي اللسان ماعندا الا امدحانك
نضايق انجيك وناجدا البراح
ونلقاك باهي يازهر بألوانك
حبك اجتاحا خاطري اجتياح
من قالك غالي عليا مانك
مايجي مكانك غيرك.
ولانرتوى من بير خاطي بيرك
انضر اعيوني تعرفا تأثيرك
وتحس بيه القلب هلي صانك
نثرت ابغلاك علي كل عبيرك
من كل زهرة حب من بستانك
دللتني بالحيل كثر خيرك
موحال ردي لك هو نسيانك
وموحال شي مرة قديم انديرك
ارتاح واطلقله غلاي عنانك
[/size]