بكيت مريضة

بكيت مريضه .. خيرمن علل واجد وفيه قريضه .. اللي ينشدك قولي
********=*********

بكيت بروحي =وخلك تهاجي ف المساه وصبوحي
راني مريض معقرات جروحي=وزادن معاي بطول وتعوريضه
من شان خاطري خلك حذايه نوحي=مريض وين نبرا طريقك بيضه
*********=*******
ابكي بدموعك ما يسالك والي =وفضي علي بالك وفضي بالي
واللي ينشدك قولي بكيتي اتسالي =عندي دموع العين فيهن فيضه
من شان خاطري نوحي حذاي ليالي =عندي جفن عين اوحلت في تغميضه
**********=***********
مريضه زكمــــــــــــــه =ولا مريضه من جراير لكمه
وعيون واجده كيفك ولاكن تكمه =وعيون دايرات السر كي الفريظه
واللي ينشدك ردي عليه بحكمه =نقيض من غزل واجد يتعبك تنفيضه
********=*******
بكيتي ابصاره =وجيبي اعذار اتخيل ع الفساره
وقولي بكيتي محصله غثاره =قطير من عرق نازل من اوقات القيضه
وعندي دمع راد معا ميوح ابياره =ولا لايروب ولا يصح مخيضه
نبكيبه خير مايمشي علي اخساره =سبلا وصارت طرفتي توقيضه
*********=********
اللي ينشدك قولي مريضة عقره=واصحي من اعيون الناس سرك تقرا
وقولي داربي سطار نازل مقرا=علي عرق لاعك في الدماغ نفيضة
ومن شان خاطري خلك علي هـ النقره =حتى وهي ادموعك ما اتدير نهيضه
**********=********
ابكي وديري صرفه =واللي ينشدك قولي مويه طرفه
سوا من اقراب الدم ولا عرفه =خلك علي باب السر حفيظه
والناس موش ناسك لولمه منحرفه =الناس عندها للصافيه تخويضه
ورا الصبر كي تلقيه حاجه طرفه =والمومن ان كان اغتاظ يكتم غيظه
ورا الخلايق كل حد وبضرفه =غير في من خافي عليك جضيضه

قصيدة للشاعر صالح بو عياد الشهيبي

[size=16][size=24]
[size=16]بكيت مريضه .. خيرمن علل واجد وفيه قريضه .. اللي ينشدك قولي

ــــــــــــــــــــــــــــــــــــــــــــــــــــــــــــــــــــ

صمت الانين
لا ليس للأنين صمتا
حركته اللواعج
فافتضح امره
امر من ؟
امر العقل
صور الشاعر ذلك المليوع
استنجد بكل شيء لمداراة الحزن
وافترى على الكيمياء
لترويب الدموع

من ذا الذي يعيرني عينا ابكي بها .... ارأيت عينا للبكاء تعار ؟

ــــــــــــــــــــــــــــــ
اخت جود قصيدة رائعة شكرا لك
[/size]
[/size][/size]

نزف البكاء دموع عينك فاستعر ... عينا لغيرك دمعها مدرار
من ذا يعيرك عينه تبكي بها ... أرأيت عيناً للبكاء تعار
الشعر للعباس بن الأحنف. والغناء لابن جامع ثقيلٌ أول بالوسطى، وقال ابن حمدون: وعارضه إبراهيم بعد ذلك في هذا، الشعر، فصنع فيه لحناً من الرمل بالبنصر في مجراها، فلم يلحقه ولا قاربه. قال: وقد صنع أيضاً في هذا الشعر لحنٌ خفيف فاسد الصنعة محدث ليس ينبغي أن يذكر هاهنا.
حدثني محمد بن يحيى الصولي قال حدثني أبو عبد الله الحزنبل قال حدثني أحمد بن إبراهيم بن إسماعيل عن أبيه قال: أنشد بشارٌ قول العباس بن الأحنف:
نزف البكاء دموع عينك فاستعر ... عينا لغيرك دمعها مدرار
فقال بشار: لحق والله هذا الفتى بالمحسنين، وما زال يدخل نفسه معنا ونحن نخرجه حتى قال هذا الشعر.
حدثني محمد بن يحيى قال حدثني ميمون بن هارون عن إسحاق قال: أنشد الرشيد قول العباس:
من ذا يعيرك عينه تبكي بها ... أرأيت عيناً للبكاء تعاو
فقال: يعيره من لا حاطه الله ولا حفظه.
ومما يغنى فيه من قصيدة العباس بن الأحنف الرائية التي هذا الصوت الأخير منها قوله:
الحب أول ما يكون لجاجةً ... تأتي به وتسوقه الأقدار

شكرا للمرور

مشكوره اختى جود عالنقل وصح لسان الشاعر

واسمحيلي انشارككـ بهذه الابيات

تقول

بدون اسباب
مـــــــــــــرات يبقى دمعها سكاب
تذرف وما لوالــــــى اتدير احساب
ولا ايهمها ف الدمع كان سخـــــى
ومــــــــــرات يبــقى دمعها ينساب
اتـنـــــــــوح الدعيه فى مكان خفى
تبــكى علـــــى غالى عليها غاب
لادز لا فــكــــــــر نــهار ايجـــــــــى
خذت ع البكا هى والدموع اصحاب
واغلـــــب ابكاها منعزيز انســى
الســـــــت قالت ع (الهـــــوى غلاب)
صــــــــــــدقتها ونبصم عليه بيدى

ولكـ تحية...

مريضة راني.... يوم الغالي راح وإنساني.... ويوم ماقال إنه بيجفاني.
ويوم ما بالنسوة ياناس رماني.... نا ياغالي مريضة راني

واعر داي....مايعلم بحالتي غير الله مولاي.... ودواي يوم ماتجيني وتكون حداي
مش ترميني إنت لعبه لزماني.....نا ياغالي مريضة راني

يصعب علاجه....حياتي من غيرك مسودةو منعاجة.....ومن حزنه ماغيرك يقدر على إخراجه
وإلا ترضي نكون عايشة بأحزاني.... نا ياغالي مريضة راني

لو بمرضي رضيت..... وماهمك لو تعبت ولو للموت شكيت...بس خليتني نا للوقع صحيح صحيت
وإلى يرضالي التعب فى حياته لا مايكون مكاني..... ونا ياغالي مريضه راني

كي بكيتك بكــــاني *** المـوح والفـراق ودنيتي وزمــاني

وفقـد العـزيز اللـي مـلك وجــداني *** هـو اللـي معـاه بكيت كيف ابكـاكم

لاجــل غيـابه فالحيــاه خـلاني *** بـلا معـرفه نبكـي اليــوم امعــاكم

وكيف بلوتك يمكـن الله بــلاني *** ويمكـن اكــبر بـلواي من بلواكم

وحـق من خلقني من عـدم سـواني *** وعطـاني اعـزوم ارقـاق نـا ويـاكم

نـين كـل شي يحصـل يهـز كيـاني *** وانتـو اقـرام ما ظنـي عــزام عطـاكم

بكـاتك الدنيـا والزمـان الفــاني *** والبعـد والجفـا وقـل الوفـاء قلـواكم

نـين بيـه قلتي شعـر منك جــاني ***اتعـبر معـانيٌـة عـلى شكـواكم

والشعـر الجميـل اتهـز فيه معـاني *** كـل من اطريـله فالحيـاه مطـراكم

وحـاولت ننسـى غـير ما نسٌـاني *** لفـراق من رحـل مو كيـف من جـافاكم

بتـراب ولحـايد وثٌقــوا حبـــاني *** مثـلهم انعـدوا من جفــا خـلاكم

والصـبر زيــــن موصــوفـــلي وما داوانـي *** ويمكـن الصــبر ايكــون فيـه دواكم

بكتنـي الدنيـا والزمـان بـــلاكم *** عـلى اثـر الجفــا والبعـــد قــل وفــــاكم

فعلا قصيده تستحق وقفه تامل
تسلمى اختى جود وصح السان الشاعر
لك تحياتى

لشاعر... جمعه بوخبينه

*********

مامن اللي بكنه ... الايام مالهن صاحب قلال محنة ... قديم شومهن

مامن اللي يحسبهن ... دايمات لكن مايدوم طربهن
ولا عمرهن حزنن علي غايبهن ... ولاتقول فيهن كان واخذ طنه
واللي يقول صاحبهن ماصاحبهن ... سيوره علي طول الزمان يجنه
حتي وان قاسهن بالحرب مايغلبهن ... لايفكن منهن جري كان نونه

مامن اللي من داهن ... جظ وبكا وابكاء مابكاهن
الايام يبرمن ماهن سواء سيراهن ... وكل يوم ياتي خوه يفرق عنه
مرة عسل في الريق يامحلاهن ... ومرة يجنك طالقات العنه
ويا تعس هلي ماعبي بعباهن ...لادار فعل قربه للجنة

ولايتبالن.... ولايعذرن والي كان هن دالن
الايام هن الايام هن مازلن ... يشاكعن الايام ريض تهنه
الايام قبلنا صالن وياما جالن ... وماخربن مامن فريق مبنه
بارياح الثنا وقتن عليه انهالن ... اطلال من اطلال البانية خلنه

ياما فيهن ... مامن افراح وحزن متكفيهن
الايام هن الايام ياناسيهن ... مامن اللي في هاويه حطنه
وعليه شمخن وين ما أطامن بيهن .... لاتقول يعرفهن ولا عرفنه
لاتقول كان عزيز في ماضيهن ... لاعمرهن كاس الحنان أسقنه

الايام هكي ديمة ... حتي لوزهلك عندهن تبريمة
ويواطن اللي عنده مكان وقيمة ... ويدوسن عليه بثقلهن يطأنه
لين ينتهي بكل يريح هشيمة ... وهو كل يوم بكاينه ياتنه
ولا في عزاهن غاب يبين خيمه ... ولاعمرهن حق الفقيد عطنه

فيهن جفوة ... وفيهن عواصف سود بعد الدفوة
الايام ماهن ديمات الصفوة ... ديمه صفاهن في عقابه غنه
يسيرين يحكم الله واطلب عفوة... والي اطلبه عمره مايخيب ظنه
ودك بنادم يبتعد علي الهفوة ... ويلقط طريق الله فرض وسنه

يامشددهن ... وديمة زهاهن مبتلي بنكدهن
الأيام حتي نوح ماحودادهن ... ولاقال مبسوطين فيهن كنه
لايفرحنك كان زام رعدهن ... لايجيبهن طباب هنه هنه
حتي لو عطن بالوجه لاتبعدهن ... يجنك بجيه عكس ماتتمنه

ولايتمارن ... ويجنك اسرع من الريح كانهن غارن
الايام قبلنا مامن معالم وارن ... وكم جيل في مر الحصون فننه
والايام وين طليبهن يختارن ... يشظن عليه الحمل ويهزنه
ولايخجلن منه ولايظارن ... لايهمن كبره وصغرة سنه

لاتطامن ... ان كان ديرن شورك لهن لاتامن
الايام للحبيب المصطفي مادامن ... طيب السيرة والثنا والبنه
وللصحابة وين بيهن حامن ... كمين زول غالي ف الوطا وارنه
وعلي فعلهن الايام مايلتامن ... يسيرين بحكم الله لازم منه

مامن اللي بكنه ... الايام مالهن صاحب قلال محنة ... قديم شومهن

===========================

يسعدني مرورك أخي

صاد شين

تحياتي

خلايا في وسط الحشأ صداعة
والنبضات منها وحست الاحساس
أنا من غيرهم مانعيش حتى ساعة
وأصبر على مبلاك يا تراس
ياذنب خاطيني غير براعة
بعين هي المشكل الحساس
أنا كتمت السر عالسماعة
وهو يدوم مرفوع فوق الراس
ياعين اش السر فيك اداعا
قدا زول متعصب شديد البأس
وقداش جولة خسرت في نزاعة
وياما سقاني من مرار الكاس
وقداش بتي هايمة على القاعة
وياما سهرتي من هواها الخاص
وقداش سالت دمعتك بزاعة
لو تنحصر ماتنقاس بقياس
هالخلق لا عندا على شفاعة
صحنى صحن الكحل في مهراس
مليت لاعاد نقدر على صراعة
وكفاش هاذا زاد علي داس

» بكيت وانهلت دموعي من العين
» كتبت قصيدة و بكيت فيها ::بقلمي العاشق::