لعبه شعريه

السلام عليكــم ورحمـة الله وبركاتــة
اللعبة منقولة واكيد اغلبكم عارفها وهي ليست جديدة ولكنها
جميلة ..وليس لدينا في المنتدى..

وطريقة اللعبه انه كل واحد يكتب بيت شعر شعبي
واللي بعده يكتب بيت يبداء بآخر حرف في البيت اللي قبله..

وارجو كتابة اخر حرف للتوضيح..بحيث يبداء به التالي..

هذا البيت سيكون البداية فأرجو مشاركة الجميع

مره مره يدردر شراب العين يطلع بره يخطر على قديم
{ حرف الميم}

ما كنت متوقع و منك انت...تلوي ادراعي ولي اعديا ركنت؟

التاء

توارن اورود الكون كي شافنك
شينات تمن ذابلات احذاك
انجوم السماء يامناي كي راعنك
انذهلن وحاسن رايدات سماك
سمعن بنات الكون نبذة عنك
تمنن ايكونن خادمات امعاك
روعة وصغيرة ياغلاي افسنك
اية جمال المقتدر سواك
حرف الكاف

كل الاسف متأسف ... على عمر راح حسايف
حتى الربيع تحّسف .. على ورد فى إيدك صايف

الفاء

فوق ارموش العين انشيله... هاللي صوانى القبيلة

تحسابه غلاك شوي .. بعد السما عالأرض كيل هي .. وشوف كم غالي غلاك علي

اليـــــــاء

يــــــادار زاعـل منــــك ***عليـــك غبت مانشـدتي كنـك

كيف دوتك يادار زعلتـيني *** رافع النظـر شورك تقولي تجيني

وكــي مابكيـتك طالبـك تبكيني *** نــا اونسـك كي رحلانهم فاتّنك

الكاف

كان مش إنت من ؟

العين يشقا بيها
ومن هو اللي غيرك حنون عليها
كان مش إنت من ؟!
من يشغلها ومن تشغله
ياللي عزيز عزيز حسبت هلها
ومن هو اللي يزعل إن صار زعلها
ومن هو اللي تبكي ايجي ايرضيها
ومن هو اللي مالناس يشتاقلها
ومن هو اللي تفرح بعد ما يجيها
كان مش انت من؟؟
حرف النون

ننقـانى ناوى الرحـيل اخـــــــــترت.. ماعـــــاد يلزمـــــنى ولا نبيه
نويت نتركــه ياناس لـكـــن حــرت.. انريد الدباره كيف نا انجافيه

الهــــــــــــــاء

هو صحيح الهوى غلاب ما عرفش انا
والهجر قالوا مرار وعذاب واليوم بسنة
جاني الهوى من غير مواعيد وكل مادا حلاوته تزيد
ما أحسبش يوم ح ياخذني بعيد

حرف الدال

اللعبه للشعر الشعبي فقط أخي صوان

اشكرك جود على الملاحظه
سوف اكمل على مشاركه اختى حلوه الحياه

هذا مكان القانا ابكى انكان ابكاك جاب امنانا عليش جاحده
حرف الها

هو مدفون ...... وراقد وروحه عند رب الكون

خلاني عزيز بصورته مسكون .... إيجيني خيال إنكان نومي جا

إبروحي إنحقا مو خيال عيون ....... ومومن وعارف ماهناك رجا

الألف

ايصير دمار .. الكون يفنى والسما تنهار .. ويبقى الدمع فيه مية لون

ونين الخراب ايصير فيه عمار .. وتنقلب الدنيا يعمها السكون

ونين الكرم والجود يبقى عار .. والكذب والسرقة حلال ايكون

ونين الليل يزعل م النهار .. والنجم يبقى ف الوطــا مدفون

وتحق الصحابة خاشين النار .. ويدخل الجنة طاغية فرعون

ونين التلج يجمد في صهيد النار .. وتكره ليلى قيسها المجنون

ما تنتسى م البال ولا تندار .. السية ولا تفكر نهار تهون
حرف النون

نا و الصــــــــــــقر خذينها حكاية.......... في ميعـــــــــــــــاد ليلة في خفـــــا
قاعد فوق مركازه حــــــــــــــذايا ..........طـــــــــــول الوقت ما لحظة غفـــــا
برمز كــــــــلام شـــــاكيته بدايا ........مــــــــعاي نهال و بهــــــمه شـــــكا
ياس طويل م لاشي نهـــــــــــاية ........مطـــــــــــرا كيف مطرايه حـــــكــــا
قال عبرت و ما عندي درايــــــة.......... برماكين باتوا فالخـــــــــــــــــــــــلا
يرجوا في عبيوه اعبـــــــــــايا .......... ما يبيه كلتـــــــــــــــم خـــــــــــــــذا
الموسم حان و تــــولـــي اوتايا..........ســـــــــــيــارات كي فــــــرق القطا
لاند كروز يا فيها مــــــــــــزايـا ..........صنعـــــــــــــة قـــــو صانعها اسطا
فالتشبيه تنظرها قطـــــــــــــايـا ..........جت من ويـــــــــــــن راميــها ضما
تشق الرمل و تخش الحطـــــايا ..........رفيــــــــــــقة بر رفقتها هنـــــــــــا
بكشافات دارلهـــــا ضــــــــوايا ..........بلاد تبـــــــــــــــــان من بـعــد المدا
جميع اوتاه واخذ بالكـــــفـــــاية ..........لها ســــــــــــــواق و اقــــــظ للوتا
دروب الوطن قاريهن قــــــراية ..........بلون القــــــــــــــــــــز يخبر فالوطا
كم رقراق و اوطـــــــــانا حفاية ..........فــــــــــــات عليـــــه بدري فالضحا
و ان جاه الليل ما داربه عنــاية ......... بنجـــــــــــم الجـــــــدي فعيارا مشا
معاه اصحاب و عقولهم مــلاية ......... خـــــــــذوا كم يوم في قيس الصلاة
ما يبوش ردتهـــــــــــــــم كبايا ..........قـــــــــــــــــالوا ليش هالمرة بطــــا
و نا روحت حايم في ســــــمايا ..........صــــــــــــــــلاة عالزين لنظـارا بدا
فيسع فز فارحبــــه لقـــــــــــايا....... نيسي فـــــــــــــج في طــــرفي رما
عليه نزلت ضميته مــــعـــــــايا ..........نكـــــــــابر ليش راميني ضـــــــــما
قلت نروق و نبرد ضـــــــــمايا ..........ما نحســــــــــــــــــاب نوقع فالخطا
تحلف غير مطلوبة جـنـــــــاية..........وين حصـــــــــــلت ما والــــــي نها

بسباقات دقولي رســـــــــــاية ......و الكمبيل لعيــــــــــــوني غــــــــطا
مبسوطين تمو بي زهــــــــايا ..........و نا منضام في حــــــــــــالة كـــــدا
مقتنعين ردوبي هـــــــــــنـايا .......... خير وفـــــــــــير والمــــولى عطاء
وين اوصلت دارولى دعـــــايا ..........كم ميــــــــــعاد بخبـــــــــــارى حكا
وساهل تم عالشارى اشـــرايا..........جيت بـــــــــــــــلاش بياعى رخــــا
هدية ود من ضمن الهـــــدايا .......... بقول افـــــــــــــلان لفلين هـــــــــدا
صقر وسمح فى صدره مــرايا .......... اجيود بى وشـــــــــــــــــــــغاله قظا
وجتنى ناس ما تعرف عـــنايا ..........عليك زمـــــــــــــــــان يوحى بالفنا
وفعلا فيه من عند هــــــــوايه ..........بى وفى مايرضى صـــــــــــــــــــغا
وهو يلاى ما ننظر ســـــــوايا .......... صــــــــــــاحب قـــــدر ويشيل العنا
كان امرضت يشــــــــقابا دوايا ..........يفهم فى وســـــــــــرارى قـــــــــرا
راجل زين يســــــــــتاهل ثنايا ....... يحــــــــــسب فى بحساب الضـــــنا
طول العمر وافى كى اوفـــــايا ..........عهـــــــــــــد امعــــــاه منى عالوفا
وفيه اوحود تم هم اعـــــــدايا ......... يامــــــــــــــولاى ياخــــــالق السما
وخلقت الشمس وجـبالا علايا .......... وخلـــــــــــقت اغـــــــيوم تأتينا بما

دعيت بجد تستـــــاجب ادعـايا.........انعنهــــــم نبت ما عنـده ضـــــرا
ايجيهم ضيم ويعيــــشو هتــايا .......عيشة قهر مى عيشـــــــة زهـــا
ونصار الصيد نتركن رمـــــايا ..........كم دوار ما ينـــــضر نجــــــــــا
ولكن تو ممنوعه الغـــــــــــايا..........ايام العــــــــــــــز ردنلى شقـــا
عايش غصب بين اربع زوايـا.......... بيت اربـــــــــاط بزارى بنـــــــا
عالوهام مطـــــــــــــاول جفايا ..........نا وياك فى الحـــــــــــــاله سوا
رد على شاركنى شــــــــــقـايا ........واحكى كيـــــــــف موالك جــرا
وكيف رزاك بوسالف ثنـــــايا ..........وقتلى غاب ومعـــــــــاه الــدوا
نا ياصقر نرجى فى غنـــــــايا ..........عليهم ياس بحكـــــــــــامه طغا
مشو بالسر سابولى وصــــايا ..........ايجى ميــــعاد ويعــــــــود الغلا
صبرى فض وطاول رجــــــايا ..........وللى زمــــــــــان ماجانى نبـــا
نسعى غير موجايب اســـعـايا ..........على الوقت بهمــــــــــومه طوا
مالياسات موباين نجــــــــــايا ..........وذيب فــــــلاس فى وطنى عوا
اخصارة دمع موجايب ابكــايا ..........انال امفيت من جـــــــــــرا عما
كميت الغيض وجروحى برايـا ..........وجمر الشوق من مــــــده طفا
ارضيت الوضع ومسلم الــرايه ..........حاصل بين رفــــــــــــات الرحا
ولكن وين مدعاهم تهـــــــــايا ..........قفزت اتقول ناشلنى ارشــــــــا

للشاعر ابوبكر رابححرف الألف

الخاطر وقلبى ونا خذيت عليك
فى شى خلانى انتعلق بيك

كلام اكيد
وين ما انشوفك فى شى ايزيد
لا نريد غيرك ولا غوالى انريد
كل شى يرضينى القيته فيك
حرف الكاف

كلمة ارياف شوي .. العقل لو يلقى يجيكم جي .. واحذاه تقعدوا

الألــــــــــف

اتقول فالغطا مكتوب ... يخطر عزيز ساعات نومها

الألــــــــــف

انتى اللى فى نيتى .. انتى اللى رتع الحياه ابقيتى..انتى اللى صوتك دعاك لصيتى ..
وفيك تعرفى غضبى وانفعالى ..وفيك ريت العمر وانتى ريتى ..عيونك سماى وحاجباك اهلالى
حكاية غلانا للزمان حكيتى .. احييتى مشاهد فرح فى احتفالى ..انتى اللى من يوم ما طليتى
قصرن وكانن طايلات ليالى ..انتى اللى شلتى غلاك وجيتى ..انتى الونس فى عمر قبلك خالى
وانتى اللى واجد على اغليتى .. يا اخر محطاتى بعد تجوالى
مكانك والى ..غاليت لكن مالقيت غوالى ..كيفك ايجى ..مايجى مكانك والى

حرف اليا

يا الله يا مــــــــولاى تقبل دعايا لين تشفى داي

جعنه حزين وبالمرض شكاي وتعجز علوم الطب فى بريانه

يصبه مرض عافن يخفف داي زحاف يبقى كاترات احزانك

ومطروح طول العمر غادي وجاي شرابــــــه الا تقطير بالكتانه

يخمر خمار عجين يا مولاي والدود يشبع في لحــــم مسلانه

اضل جيفته قريـــه لدات افلاي واخطر انواع انسكت فوق السانه

وهدا كله ما يرد بكــــــــــــاي يوم مل بعث مرسول قال انسانا

يا خاينه..............

تعجز علوم الطــــــــــب وكل يوم عله والامراض تهب

وتبقي حزينه والدموع تصــــب لين جيفتك تخمر ادير عفانه

يعافوك ناسك تكرهك العــــــرب وتبقي وحيدة لناسها خسرانــــه

الكبير يلعن والصغير يســـــب فيك يشمتو يحطوك فى زنزانه

سعتها نزورك وما على تصعب بالعكس ندعي لربنا سبحانـــــــة

ونقول زيد عذابها يـــــــــا رب وزيده دعى براهيم فوق دعانه

اضل تشربي فى المر وانا انصب لين تنتهي بحصرتك ندمانــــــــــه

يا خاينه مدعانه يا الله يقبل فيك كل دعانا

الألف

أسمعتوا رَدّه؟؟علي أركبي نزحفله أنجي نجّـدّه

هذا اللي قاله !

***

ما يحسابه..عندي قلب سكّرهن جميع أبوابه

وحيد لو أبقي فـ الكون له مانابه..وحتى لو أعتذر باب الحنان أنصدّه

ولاعاد نشقى بلومته وأعتابه..ولاعاد يطمع من جديد مودّه

***

ريت غروره..سبحان من بدّل اليوم أموره

يحسابني طيّب أنهيم احضوره..ويحسابني ملزوم به لابدّه

وحق من خلق لانسان فأحسن صوره..انخلّي أدموعه ماتفارق خدّه

وأنخلّيه فاقد ضحكته وسروره..وأندير غير اللي أتجيب الغدّه

هـدا مصيـرك ياقليلـة خـيـرك.......الله لايجـيـرك لا يـتـم اشـفـاك

خنتى وعـودك والكـدب مـردودك.....فتـى احـدودك بعـد سايـرنـاك

هـدى امنيتـى اليـوم ياغاليـتـى......بعـد مـا انسيتـى غيتـى وغـلاك

تبقى وحيـدة مافـى يـوم سعيـدة........الدنيـا شديـدة وقاسـيـة يــالاك

كاتم علي اللي فيه ماصارحني ولابا يداويني ولا يجرحني
ماخبرني ولابا يفرحني ولايقهرني طيب كلامه وع الكلام جبرني ومالقيت والي ننشدا ينصحني

يزيـــــــــــــــــــــــــــد المـــــوح ... وفي غيبتك تنقل علي لجــــروح

وفي غربتي يصعب علي انبوح ... والجفــــــــــــــا حمله علي ثقيل

تنزل ادموعي سيـــــــــــــــــــــــــل ... ايطيح القمر ويغيب نجم اسهيل

وتبقي دليلي في ضلام الليـــــــــل .... ونسقيك المحبة من غدير نقي

ساهر ليــــــــــــــــــــــــــــــــــلي ... ويصعب عليا ترحلي وتشيلي

والشوق والغلا والموح هدن حيلي ... ومرسال غالي ليش عني ابطي

من روائع الشاعر الغنائي يوسف طاهر

يعني تبادلنا إحساس الغيه
ونفس الشعورونفس مايطرالي
وحق من خلق الحب فيك وفيا
محال ماغيرك إيكون حلالي

» لعبه الكلمات الانجليزيه .....
» لعبه حلوووووووووه جربوها
» لعبه حلوه عد من واحد الى خمسه وارمي طماطم بوجه العضو