مات الاحساس........

[center]مات الاحساس

مات جوايا الاحساس
بقيت غريب عن كل الناس
قلت هيجيلى يوم واتغير
بس حالى مخلينى متحير
امتى هرجع لايام زمان
ارجع الماضى واللى كان
اعيش عمرى من غير قلق وخوف
اكتب احساسى بأرق كلمات وحروف
احب واتحب زى كل البشر
اصارع زمانى واتحدى القدر
بس ياخساره شكلها هتطلع اوهام
ومش هعيش الكلام ده غير فى دنيا الاحلام
دنيا السعاده والفرح والهنا
بس حتى فى احلامى لاقتنى لواحدى مافيش غيرى انا
قولى ياصاحبى اعمل ايه

مات الاحساس
يوم ورا يوم بتدارى بين الناس
خلااص يا صاحبى مافيش احساس
ناس وقلوب زى الحجر
ناس كدبت وقال شوفنا القمر
وناس قالت حبنا اقوى من القدر
وانت يا صاحبى حياتك ف خطر
عايش ببأحساس مات
مش هايفيد بحاجة اللى فات
مش بقول انسى الماضى وعيش ذكريات
عارف سامع همس ف صوتك
حاسس بصوت بيجرى ف عروقك
شايف لامس دمعة ف عيونك
انسى اللى فات ده كله راح ومات
واللى جاى بكره تقول عليه ذكريات
حياتك مش لعبة سهلة بين البشر
ولا ورقة حظ بيد ايد القدر
انت انسان عاشق ضفائر القمر

يا صاحبى ماهى دنيا بتلعب بينا
بتجيبنا وبتودينا
على اد ماروحنا وجينا
هتفضل قاسيه علينا
دى سقتنا الخوف ومراره
وكوتنا بالحب وناره
لعبت بقلوبنا ومليتنا جراح
بقينا عايشين بندور عاللى راح
الدنيا دى مادوقتش فيها حلاوه يوم
كله بكا ودموع واحزان وهموم
انت فاكرنى يا صاحبى هقدر اقسى ؟
طب اقسى على مين ولا مين
انا كنت فين وبقيت فين
الدنيا كلها كانت بين ايديا
دلوقتى بقيت انا الضحيه
مش عارف الوم الزمن ولا نفسى ولا عمرى
ولا الوم اصحاب ولا الحبيب او اللى يهمهم امرى
خلاص يا صاحبى الدنيا تعبت قلبى
وخدت منى كل حاجه حتى احساسى بحبى
مابقتش قادر اكتب اللى جوايا منها
حرمتنى من الحاجه الوحيده الى كنت بخرج بيها عنها
يا صاحبى الزمن ده مالوش امان
دلوقتى صدقت اللى قالوه ليا عنه زمان
بيغدر وبيقسى وبيخون
عمره ماحافظ على حد ولا عمره يصون
شوف كان مين فوق وبقى تحت
ومهما قلتلك عنه واشتكيت ماتفكرش انى كده ارتحت
انا شايل جوايا منه كتير
ألم وحزن وجرح فى قلبى كبير

يااااااااااااااااااه
اول مرة احسن بالقسوة ديه
ده البكى مش كفايا عليا
ده انا من دموعى ماتت عينيا
وخلااص مش باقى فيا
غير كلمتين للزمن
اللى باعنا وخد التمن
اللى جرحك وبقسوته داس عليك
ولا يوم فكر يخاف عليك
دمعت من دمعة عينيك
وقلبى ميت عليك
خلص منى الكلام
ما خلااص بقى كفاية اوهام
ونقول اللى فات سلاام
ونعيش اللى جاى تمام
يا صاحبى عمر الدمعة ماكنت بأيدينا
وعمر الزمن ما هايرضى علينا
وكده هانقول ايه بأحساسنا
ما خلااص ضاع بين ناسنا
وضاعت منا حياتنا
ونسينا ذكرياتنا
خلااااااااص

مات احساسنا
يبقى يا صاحبى خلاص
هعيش فى الدنيا وسط الناس
هدور فى العالم لكن بدون حواس
ويبقى باقيلى ايه ماخلاص مات الاحساس[/center]

:0003: :0003: :1116: :1121: :0003:

» انواع الاحساس
» جميل ان تعيش حياتك بهذا الاحساس