ما علينا افداك افداك
*********************** **
موجعه وجيعه **ودمعه على دمعه على تدميعه
صاعب عليك اشراه ساهل بيعه**الخاطر الى منك جفاك جفاك
وين ما تهينع فى شتاك ربيعه**جا غيض وارياح الخريف وراك
رويت دمع لا ميعاد لاتوديعه**جرا الياس من ياسك ومن فرقاك
اختام الحكايه فاجعه مريعه**الفراق اريح من بكاى احذاك
******
ما علينا افداك ..خطاك صار سامحتك احملت بلاك** وجعنى ولكن ما علينا افداك
******
وما علينا صارت** لوعت خطاك مع دباير حارت
انهزت معابد صبر فى انهارت** تهاوت تهاوا حلم عاش معاك
فيدك وفى ظلك ايام توارت**عاشن ايامى فى انتظار رجاك
وكان الكفا منك اتقول اختارت**الاقسام تحرمنا ربيع غلاك
منك ومى من حد فينا جارت**سوايك ياالقاسى وسامحناك
******
ما علينا افداك ..خطاك صار سامحتك احملت بلاك **وجعنى ولكن ما علينا افداك
******
وما علينا منه**خطاك صار ما ظنى اتراجع عنه
سامحت فى الى صار موش محنه**هذا بيش تعرف انى نهواك
وانتما على اللوم ليش اتكنه**وان نيتك امغير خطاك صار خطاك
وان ودك الخاطر عن دناك انعنه**وان ودك انعن اخطاك عن اخطاك
ما كل من تمنى نال ماايتمنى**القسام والغلا والرزق من مولاك
******
ما علينا افداك ..خطاك صار سامحتك احملت بلاك **وجعنى ولكن ما علينا افداك
******
وما علينا فضت**لوعه وتابت بالدموع توضت
على قبلت النسيان صلت حظت**الخاطر على نسيان صوب غلاك
بين النصيحه والاوهام تشضت**والنجوم غطاهن سواد سماك
بيك احتمت من النار بيك تلظت**نارك نصيبى من دفا دنياك
وطوع النصيحه موش قولت غظت **عينى الدمعه والنظر ايخطاك
بلاك حتى عمرها لو قضت**بلاك ما ظنى اتموت بلاك
******
ما علينا افداك ..خطاك صار سامحتك احملت بلاك ** وجعنى ولكن ما علينا افداك