الاء عضو ماسى
عدد الرسائل : 3900 العمر : 40 صوان العمل/الترفيه : معلمه الحمدالله تاريخ التسجيل : 26/01/2009 نقاط : 6782
| موضوع: امغير خطاها ..! الإثنين 3 أغسطس 2009 - 21:26 | |
| امغير خطاها .. تحمل بلاك وسيتك تنساها .. ع العين ما تخطم غير اتركها .. وجودك حذاها هو اللي رابكها افتكيت منها وهي مفتكة .. نار وعذاب وشوق يا مشقاها من ظلمك وظلم الوقت زاد هلكها .. ومامن مواجع داسة تكماها وشالها خطاك وع الوطا هبكها .. ما حسبتها تنجا الله نجاها لو شفتها منك وهي تشكى .. رقت عزوم الشامتين معاها غير اعفيها .. منك لوجه الله ليش اتجيها اتنقض جروحك من جديد عليها .. ويعاود بكاها لولي هو بكاها أمّور خطاك الشين قاعد فيها .. ومسع خلي م الدوج بيت عزاها ولعند توا تقول : حيها حيها .. لو سيرتك جابوا عرب يالاها ولعند توا الدمع في ماقيها .. ولعند توا النوم مسع جاها ولعند توا اتقولك غاليها .. مي مصدقة بكل تهون غلاها امغير خطاها .. امغير خطاها .. | |
|