ندعـوا الله تمـوت ، لكــن فينـــــا ..... كيـف مـا نموتـوا فيـك يـا غالينـــا
باعلـــــى صــــــــــــــــــــــوت ..... ندعـوا عظيـم الشان و الملكـــوت
كيـف ما نموتـوا فيك فينـا تمـوت ..... و يصيـر همّـك شنـو اللي يرضينا
نبـدوا شرابك و النفس و القــوت ..... و نـور العيـون تشوف دربك بينـا
خـلاص فات فينا يا عزيـز الفوت ..... غلاك صار مالتكوين كيف الجينـه
معانـا يظـل مشيـول فـي التابـوت ..... و يحشـر معانـا كـان شـاء عالينـا
ندعــــي الله العالـــــــــــــــــي ..... موتـي تمـوت فْ غيتـي يا غالـــي
يبقـى قبالـك فـي العيـون خيالــي ..... حتـى و مـوش قبالتـك ، ترعينـــــا
و تسمـر ليـا غبنـا عليـك ليالـــي ..... و تنـادي علـى لخريــن باسامينـــا
و تفــز ساعـة جيّتـي تسعالـــــي ..... و تــذوب مـن ضمّـة يديـك يدينــــا
و تفرح ليا ريت الزمـان صفالـي ..... و لو سمعـت تنهيـدة تحس غبينـه
ما تطيق فيا شي ، كيف احوالـي ..... تدقــك الشوكــه نحسهـا سكّينـــــه