قالوا الصبر

قالوا الصبر ما كيفا دوا.....قلت الصبر ما كيفا طبيب
هضاك يشفي نوع(ن) من الدا.....و هدا يبري كل من هو عطيب
الا القلب لو يوم انكوى.....من الاصحاب كيف لو من حبيب
يصبح كيف ما تشوي الشوى.....يمسي وااااك محجور (ف) لهيب
ناره ما يطفيها المـــــاء.....ولا بالصبر تطفى من قريب
ما في طب يلقاله شفا.....و مالا عزم (ع) فراق الحبيب
حالي صار ما يرضي لعدا....ولا يرضاه كل من هو غريب
في فرقاه مولى هالغلا.....نا تميت في دموعي غريق
مالي نفس في الدنيا و لا....ما نغاليش في غيابه جديد
عندي قلب ما شاف الهنا.....قبل يشوف زوله من بعيد
بفضل الله نا فجري ضوى....ونزّل غيث من عنده مديد
بيه الغيث يعمر كل خلا.....يهد الفجر ظلامه هالهميد
رزقني الله بفضله عطا.....سقا عطشان في الصحرا ذهيب
لقيت الحب و عرفت الوفا.....معاها الحال و العيشة الطيب
بنت بلاد من ليبيا....ليها وصف متفرد عجيب
اتصون العهد ما تخونش و لا.....نريد انا انطول هالسريب
شوف و قيس ما ليها اخرى.....و لا في الكون تلقي لها نديد
الله الله يجعل هالغلا......يرد اليوم قبل كبدي الطيب
وما ايوريش حد في المنتدى....مر فراق و غياب الحبيب

هدا ما اللهمتني هي اليوم
تحياتي و دعواتي لكم
سلامتكم

غلاكم مبـــنى ليه ايام **امصوقر تام **حلال وموش بقرض حرام

غلاكم مبينى ليه اسنين **ابـــناه متين**موثق رسمى من عامين

غلاكم ما تنساه العين **وموش اوهام**غلاكم فى وسط الصمام

وقاسملى كبدى نصّين **ايزيــــد اجمام**غلاكــــم غازينى بسهام

امخلينى كى لكزيزين**الخاطـــر صــــام**بلاكم يقعـــد غير ظــلام

غلاكم جوا فى الريتين**وموش كــــلام**غلاكم يا عــيونى مقـوام

غلاكم دايرلى خطّين**وليش حـــــــرام**امعيشنى فى حال هيام

ورامينى بين نوارين**غلا عـــــــوام**اللّى غارق والناس انياااام

غلاكم مبينى ليه ايام **امصـوقر تام **حلال وموش بقرض حرام

غلاكم نازل فى العقار**وفيــــــــــــــه قرار**اينفد عقده با ستمرار

اشهودى جايبهم باصرار**عرب واســــلام**نيابه ومحامى وحكّام

صدر حكمه فى وسط اجهار*وحكمه عام**غلاكم عندى فيه اقساام

امخلينى تايه محـــــــتار**غلاكــــــم دام**جـــرايد دكــــراته مقيام

وجاباته نشرة لاخبار**خبرنا هــــــــااام **خبر عاجل خطاته اقلام

غلاكم مبـنى ليه ايام **امصــوقر تام **حلال وموش بقرض حرام

غلاكم مبنى ليه زمان **غـــــــــلا ولهااان**غلا هايم فيكم بادمان

غلايجرى وسط الشريان**مع لعطـــــــــــــام**الكليه لاحقها بنظام

غزاها ودارلها استوطان**ودار مقــاااام**اقروبه واجيوشه هو لام

غلاكم مبنى ليه ايااام**مصــــوكر تام**حلال وموش بقرض حرام

غلاكم ماكيفاش غــــــلاه****غلاكم ديمه ماينهد

غلاكم مانقدر ننســـاه****غلاكم فى قلبى يمتد

غلاكم يا كبادى مقواه***امسيبنى فى حال نكد

غلاكم لو يبعد ماقساه****يخلينى تاعب مـــمتد

انعده عيل قبل اصباه**على كفوفه وكرعي يمردْ

غلاكم يا عيونى مبهاه****غلاكـــــم كابر مالاحدْ

غلاكم من يفهم معناه****امغير الغارق فيه وكد

غلاكم مالقيناااااش دواه*امغير القربه اتزيد الود

غلاكم شدْ القلب رماه****قعدت امعــبّــا مشّرّد

ايحس غلاكم من عاناه****وبيـــــره نازح مايورد

غلاكم كيف الشمس ضياه***ونوره يلهلب ويغرد

غلاكم مانقعدش بلاه**ايصيراخصـــــام**اتقول فيا حكموا باعــدام

غلاكم مبــنى ليه ايام**امصوقر تام **حلال وموش بقرض حــرام

يسلموووووووو مع الشكر

وووووووووااااااااااااااااااااااااااووووووووووووو
ولك الله يعطيك الف الف عافية ع هالذوق و الاسلوب
تسلمي\صحيتي و لا ذليتي
وصح لسان الشاعر

الله الله يجعل هالغلا......يرد اليوم قبل كبدي الطيب
وما ايوريش حد في المنتدى....مر فراق وغياب الحبيب
ربي يسمع منك ..
مع فائق اعجابي واحترامي لما يخطه قلمك في صفحات المنتدى

عندك شك ...... ومنى خذيت الروح تمت لك ......
.... بعد الغلا او مازال ....

ما اضنون اتشيلك
مازلت نـا نورك ونا قنـــــديلك
لو غبت عنـك ما يحير دليــــلك
ولا يجيب عقلك بين هك او هك

عينى اختارت
صوبك او ودك وما بديلك دارت
لوكان عند الموت روحى طارت
روحك امعاى اتعيش ما تنفــك

كلمات الشاعر نعيم الزوي

» قالوا عن الحب
» الصبر في مفرداتنا الشعبية ،،،
» قالوا في المرأة
» ماذا قالوا : ........ !!
» قصة جميلة فى الصبر