عشر عيوب صاحبهن يخيب***كان الياس افكاره خذا

العيوب العشرة

اول عيب في الياس الرهيب......فقد الامل هو اول خطا

وثاني عيب تشقي بي حبيب......وهو لاغيه موال الغلا

وثالث عيب ما ترضى النصيب.........المكتوب ما منه نجا

ورابع عيب المستعجل يخيب.............تصبر لين تفهم ما جرى

وخامس عيب في الظن الكذيب.........تحكم بيه ع واحد برا

وسادس عيب كتم الحق يجيب........شهادة زور مدروسة في خفا

وسابع عيب تمشي بلا رفيق.......خصوص ان كان مشيك في خلا

هذا بيه يستفرد الذيب.......اللي وسواس الله يبعدا

وثامن عيب هو كثر النحيب.....ارضى بيه رزقك ما عطا

ما تبداش حياتك بتخريب.........راهو القرض نوعا من الربا

ولا بالدّين ولو من حد قريب......يقعد ثقل ع ظهرك عنا

يجي الفرج بعد عسرة وضيق.......الدنيا حظوظ و العاقل رضا

وتاسع عيب هو خًلطة عطيب......افكاره كيف قلتهن سوا

ان كان ورد ما خيرِ يجيب..........وعن الافعال الزينة بطا

وعاشر عيب ترضى بالحضيض......تبقى دوم في عيشة صغا

اللي يبغيه المجد التليد........ويبي يعيش في عز العلا

يجابه كل الاهوال و عنيد....... ما يسلمش لو يوم انبلا

كيف الطير الحر الشريد......طاير دوم في قلب السما

ما يسلّمش للياس ولبيب........فقد الامل هو اول خطا

عشر عيوب صاحبهن يخيب........كان الياس افكاره خذا

وسلامتكم

مستلهمه من خاطرة مشوار القلم (حروف مظلمة) و هي رد عليها

السلام عليكم ورحمة الله وبركاته

عشر عيوب صاحبهن يخيب........كان الياس افكاره خذا

بصراحة ابدعت فالقصيدة ،، صح لسانك يا شاعرنا
وان شاء الله ناخذوها مرجع لنا فحياتنا
ربي يعطيك الصحة
متابعة لكل جديد ،،
عشر عيوب صاحبهن يخيب***كان الياس افكاره خذا 1127153982

عشر عيوب صاحبهن يخيب***كان الياس افكاره خذا 1127153982

السلام عليكم ورحمة الله وبركاته

ما شاء الله

تبارك الرحمن

من روعتها ،، إحتفظت بنسخة عندي

مش عارف كم قريتها مرة

وكل ما نقراها تحلى عندي اكثر

كلمات رهيبة

ومفردات تعبيرية هائلة

لعيوب تتكاثر في وقتنا الحالي

استلهمت هذه العيوب من حروفي المظلمة

نبي نصفق

انخاف من يسمعني يقول هذا بيهبل يصفق بروحه

عشر عيوب صاحبهن يخيب***كان الياس افكاره خذا Affraid

عشر عيوب صاحبهن يخيب***كان الياس افكاره خذا Affraid

إبداع متواصل .. وسيل من الأشعار منك تتهاوى علينا بأجمل الكلمات

دمت ودام قلمك معطاء

وفقك الله

» انحدار فى عالم الياس