موسوعه لمساجات شعبيه ليبيه

لايم على غالي عزيز جفاني بعد الزها فى الصوب ليش نساني .. على قاسي اللي قبل ساكن خاطرى واحساسي يا ما ورد عطشان قاصد كاسى ومن بير حبه بالحنين سقاني .. ومازال عطفه فى الغرام اساسي .. ومازلت غيره مانوالف ثاني

يابدر وين تشوفه .. سلملي عليه وشوف كيف أظروفه .. راهى عليه اكبيدتي ملهوفه ومازال فى قربه مثيل وريدي .. حتى لو جميل الطوفه .. ومازال هو همى وبيت قصدى .. ويابدر ناظرني وناظر ريدي جديد جيبيلي منه وخود جديدي

ايهب سريبه
ديما علي غفله النوم ايجيبه
الخاطر تمني وين شاف حبيبه
يدوم المنام سنين ونا غاااااااااااااااااافي

بريح الغلا هبيت كلا منك
امواج الغلا والشوق جنك جنك .

كيف ما تبونا في الغلا تلقونا اكفاكم انكافوا كيف كافيتونا كيف ما اتجوا بنجوكم

مالي خطا لاعيب سابق مني...ظهري عطيته للعزيز طعني

احلى احلام سعيدة...ايهفن عليكم ساعة الترقيدة...وبالخير تحلمو

لاجابني شكلك ولا شخصيتك....سبايب اعجاب العين انسانيتك

شن منظرها ..الدنيا بلاك بايخه محقرها...حتى السماء دست اليوم قمرها

((انت الغلا وانت شوقى كله
وانت الحنان اللى غايتى نوصله
فى عيونى صورتك مرسومه يرعاك ربى ويحفضك فى ظله
وتبقى دلالى اللى عليه مانتخلى))

((لو كان عندى مع التراب دلاله..................مع كل عجاج اندزلك رسالة))

((ماهم كيفك فريد نوعك في طبعك وفي توصيفك لقيتهم جميع الناس ماهم كيفك))

كل الاماكن ضاقت مش بس روحى ياعزيز اشتاقت مانيش بس بروحى كل الاماكن بالدموع اتنوحى فى غيبتك تنزف جميع جروحى واسال ضميرك كان عندك شك الاماكن كلها مشتاقه لك

عليك مرارة
تميت نعرف مالغريب أخبارة
لما زمان أنقولا بأبصارة
أيجيك وقت تنسا أيقولي أستحاله
رد أفكلامه أوباعني يا أخصارة
ينشدوا فيه عليا يقول مالي أوماله

مليت رانى منه تربح اللى عنده اقسام ايجنه وفر كلامك مليت رانى منه

هنت عليه وقلبى نساك بروحه ... صقع عليك تبقى السبب فى جروحه

*كيف عهدك بي لاخاب ضنك لاتغير شي _ مازلت وافي كيف ماعارفني.. مازال موجك والغلا جارفني.. كيف ماكنينك من زمان عرفني غلاك في عروق القلب قاعد حي _

ما تخاف ماننسا سريبك يوم/ حتي لو جميع الناس في اتلوم/ . ماننساك ولاتخاف مانغفل علي ذكراك/ عندي عقل مايزهي بلاك وعندي عين ماايجيها النوم/ طول الليل تسرح في هواك ونحكي بيها صوب للنجوم

أمرايفين حبينا عليك انمسوا بريافنا ياريت يوم أتحسوا عليك أمرايف وأن كان نشغلك راني ربيع وصايف طول أغيابك ي ما جيتني أيام الغلا له قيمة والنية نظيفة والقلوب سليمة..أيام الوفاء والناس ماخشها الوسواس بعد إنقطع الاحساس والغدر تم هو شيمة..ليش جيتني..ما إنقولك معاد فيه الخير.ولا إنقولك كل الدروب حرير.مافي قلب ولا وراه سطير غلطان من يضمن سطيره ديمة...ماجيتني

اجعنك يا خاين هالعشرة .. خبر عزاك ايجي في النشرة

ياخاين لنظار .. اجعنك تتاكل في النار

يا خوان .. عديم الضمير ماتنعطى لامان .. ابعد علي اليوم يا خوان

ياخوان الجيرة .. اجعنك ميت فوق حصيرة

ياخاين من جدك .. اجعنك تطلع من جلدك

الايام ياصاحب علينا ضاعوا..فسوق المشاعر بالرخيص انباعو.فسوق المشاعر ضعنا. مضي وقتنا عدا خلاص انبعنا . نقض جرح من بعد الطياب اوجعنا من احباب شورا حبنا ماراعو. والوقت كاسات الهواء جرعنا وايامنا فصهد الزمان التاعو
++++++++++++++++++

اللي بدلك ماعاد تنشد عنا...فيه رب ياخذلك احقوقك منا...ماعاد تمشي شوره .. لاتخش شطه ولااتعوم ابحوره .. خليه كيف الحوت ياخد دوره الموج والصياد مايهننه..!
++++++++++++++++++

بلا توديعة!! سافر عزيز خلاني بلا توديعة رخيص باعني مسهل عليه البيعة؟ما ودعني أستخسر يداويني بعد لوعنيكسر خاطري وسط الكنين وجعني قليل أصل متعود علي التلييعة خان عشرتي هذا أللي واجعني!!بلا سوم من يشري نويت أنبيعه؟
++++++++++++++++++

/بلا خوت ما تقدرهاالدنيا صعيبه كان جاك خبرها.بلا خوت مالك هيبه. وبلاخوت ما تسوي تراب زريبه.بلا خوت مالك والي.ولانك حبيب الناس لانك غالي.فلتحيا الأخوه بيننا
++++++++++++++++++

/بلا رادتك ياعين ترجي فيهم اللي باعدو من قبل ومنسيتيهم وش فكرهم زعم رايفو والا الملام جبرهم بلا مواخذة ياعين وش خطرهم اتنوظي عقاب اليل تحكي بيهم
++++++++++++++++++

بلا رادتي بنقول مشتاقلكم..بلا مواخده فالرمش نا شايلكم..أنتم أكبار ألصوب..أنتم أقدار ألقدر والمكتوب..أنتم مناهل حب للمحبوب..ومازال قلبي يرف محتاجلكم..وياصاحبي رانك أتشيل أذنوب..بجفوتك وأحترت كانوصلكم
++++++++++++++++++

بلا موجعه ماخيرفي قدر ايجي بالدرقة ولاخير في طير أيفارق فرقه ماخيرفي اللي قاسي.ولاخيرفي اللي للمواجع ناسي وايش قيمة الصاحب اللي مايواسي وقت العيون تذوق طعم الحرقه

احبيبي خايف تهجر ونحنا عالسراب أنرسوا لانشد لاكلم...خصله جديده في الغلا متعلم...
عزيز عليا ماعاد نشد لاكلم!!

عزيز انوده...لاشعر عندي ولا كلام ايسده...في خاطري ديما عزيز انوده

نافض طرفه .. عزيز من غلايا غير كبدي حرفه .. بينا و بين الله

اتصدق ياما صار امعاي ........امغير انوكل في مولاي

حتى كان عزيز تواره,,,,,,,, مقطوعه السيره في داره

صابرين بلانا ** عزايم عطاهم ربنا سبحانه * الباين عليهم
صابرين بلانا

ايقلب في كبدي تقليب ** عزيز اريافه شي عجيب

اذاماماتن يوم خطاك ايعيشن يالقديم بلاك

كل الكلام اشويا ما يوصفك يلي عزيز عليا ......... لو كان نكتبه

قلبي بلاكم كيف باب الحارة حاير دليله وحايسات افكاره

كيف انطوله ؟ طلبت العزيز وشبكته مشغولة .. نريد ننشده عالحال....... كيف انطوله ؟

فوق الحاجب انشيله عزيز قرعته في العين موش قليلة ........من دون العرب

دونك لهم قوللهم الخاطر جفاه النوم مشتاقلهم .........كان ريتهم ياليل

كاثر عليك اريافي انصبي ونمشي فو ق نارك حافي ......... وما انحسها

الخاطر معاك يروق ينسا اسمه يشوف الحياه حلوه وفيها البسمة

الخاطر عالنقال عيونه جن جنونه ايراجي في رنات حنونة

دقه دقه العين طالبة مني العزيز اتحقه لو يزمان تعود نجاك دقه دقه

عليه نمسي يلي خاطري يعزه معزة نفسي نبع الغلا و الدوق عليه نمسي

داير هزه بابه تخلخل نقصاته رزه قلبي عليك اليوم داير هزه

ياجارحنا نسيت الغلا نسوك حتى نحنا زايد علينا بيش ياجارحنا

فراق الغولي و الزمان الغابر مقدرتهن لاكن عليهن صابر

داير جوء ننسوك ياغالي بعيد السوء خلكم معانا دوم داير جوء....

فاقد حسه ليه زمان لاصبح عليا لا مسى الله يدكره باالخير فاقد حسه

قطره قطره لابس غلاكم توب وانتم عطر يفداك دم القلب قطره قطره..

لا عيب درنا ولا بخلنا بود امغير بخت ماينشد علينا حد ..........

الله لا يغيبهم اللي ينشدو من غير من عاتبهم غوالي علي الله لا يغيبهم..
.
النوم و الهناء الشوق مايتلقو وين الهناء كان العيون اشتاقوا...

ترفع رموش الشوق وطيها يسيل دمعها يخطر عزيز عليها.....

كيف انطوله طلبت العزيز وشبكته مشغوله نريد نشدو عاالحال....

العين رايفت وياما عليكم رنت تردوا عليها ياعزاز تمنت.............

في القلب ساكن وفي العيون انشيلك مرايف عليك العقل مانحكليك...

من غيركم حتا الذهب ما يسوى ومن غيركم العسل يبسال ومحال تاخدني عليكم نسوى يلي سكنتم
خاطري و الابال سوى حلم و علم ولا غفوه انتم خوتي موش طيف خيال .....

الو.. الو... ايوه ..تسمع فيا يلي خديت العقل رده ليا بلاش لخبطه......

فيه خطوره يسب عطل للقلب صوت وصوره غيابك عليا يوم فيه خطوره..

موش اخسارة اندز السلام ونزيد في تكراره فيكم يا عزاز على القلب..

لمحه لمحه مشتاق يبو ملامح سمحه انريد شوفتك باالعين حتا لمحه .....

فيه مضره اتجيبه الجزيره وليبيا والحره خبر غيبتك عاجل فيه مضره

وحشك وبعدك زاد ضيق الخاطر بلا وعد مني دمعتي تتقاطر...............

ماني راقد مرايف علي شبحه وحسه فاقد يارقدين اليل ماني راقد.....

سؤال؟ كان غاب عن عيني عزيز انوده حبل الغلا نرخيه والا نشده الجواب\ حبل الوفاء بالحيل نمسك فيه وان غاب عن عيني عزيز ودوم يبقى صاحبي وفيه الشده... ... ...

عندي عين ما ترقد اليل رفيقة دمع حرفتها بكا وعندي قلب مجروح و عليل نزيفه زاد وما فاده دواء وعندي روح رغبتها الرحيل بعد الولاف ماتريد الحياه......

امغير تبقى راضي نسيب الدواء و يبرن جميع امرضي الاجفاك مانحمله

يلي عليك خدينا و يلي غلاك شابه غلا والدينا الله يحفضك ..... ... ..

داير عليك اكبيده ومازال ياغالي غلاك انريدهحتي بقسوتك مازال داير عليك اكبيده....

مره مره يدردر شراب العين ويطلع بره علي ناس فرقاهم عليا مره ..

منك كافي هي كبد ذابت ما لجفا يا جافي ما عاد حيل منك كافي

الزمان ضربني ضربة قوية خلاني نبعت للكلاب تحية..
.
بالك كافي ....؟الياس والرجا وغيبتك وريافي واجد علي قسيت.. بالك كافي

فاقد غلاك وخاطري متضايق .. بعد غيبتك كيف يمسى الخاطر رايق .. دقيتهاتفك ما قصدي إزعاجك فاقد غلاك والقلب داعيلك وين ما أتخطى الخيرإيجيلك..

الخاطر شرب كاس سم اللفاعي وعايش ايداعى
ويكمى فعبرات يوم الوداعي

الخاطر شرب كاس سم الهو

ايش محسوب موش عايش يكمي فعبرات مر
وغشايش

وعقلي بعد رزنتا تم طايش امخرب اطباعي

ايجيب صورتك حتى وان ضل واعي

==========================================
اطلب تمنى ياربيع العمر ادلل عليا وزاد تأمر أمر

لكن عليا مانهار اتغيب أغيابك عليا كيف لذع
الجمر

يادليل الخاطر ياللي بلاك العقل ديما جاضر

لحظة بلاك القلب ماهو صابر عمري كتبتة معاك
سطر بسطر

=====================================
عندي عقل من قل الرفيـق الساعة عام فحسابه
اتمـر

وعندي فكر ذاهب في الطريق بقى محتار مو
عارف ايمـر

وعندي عزم ما ينفع رقيـق لا حمـال لا عمـره
صبـر

وعندي نفس خانقها الضيـق دال الياس غير وين
المفـر

========================
حاولت ننسى مـا القيـت عزايـميا مصعب

النسيـان عللـي هايـم

حـاولـت ننـسـى غـــرورك ونبعد عليـك ونتركـك

لشعـورك

لكـن حنينـي شالنـي لبحـورك ولقيت نفسي فـي
غريقـك عايـم

صــعـــب نـسـيــانــك وصعب على غيرك ايجي في
مكانك

بعد مـا روينـا شاربيـن حنانـك نموت بالعطش
عالغير صايم صايم

=================================
لي قلب امفارق محبوبه يكابر عالجرح اللي فيه

ماسك دمعاته بهذوبـه يحساب البعـد اينسيـه

ثاريت النسيان اكذوبـة ماغالي ينسى غاليـه

===============================
مرايفيـن حبينـا عليـك انمسـو بريافنـا ياريـت
يـوم اتحـسـوا

عـلــيــك امـــرايـــف وان كان نشغلك راني ربيع
وصايف

طول اغيابـك يـا حبيبـي خايـف تهجر ونحنـا
عالسـراب انرسـو

==================================
نا عندي نفس لاتخون غلاها .... ولا تروم جافي
بلا سبب عاداها

عاشت مع اللي يعرفو مبداها ... لها قدر منهم
كل وقت ايجيها

نافكرتي اتعبر علي معناها.... ماانلومها تحكي
على ماضيها

الدنيا علي كل حال جربناها .... عرفنا وفاها
ونقصها اللي فيها

========================================
قالولي انساه اتهنى وريح بالك منة

قلتلهم من ينسى روحة.... من ينسى اماله

وطموحة؟؟

حتى وين انغمض عيني ... ونستنى في النوم

ايجيني

نلقى طيفة تحت اجفوني....انقولة يانوم استنى

خلي عيني تشبع منه

===================================
ان كان ياعزيز اغنيت. نا انحمل عازات الجفا

وان عاز ياعزيز اقسمت .... تزهى العين طول
عمرها

ان غاليت ........تاخذ قلب مفتوح ياعزيز للغلا

وان جافيت...... تلقى عزم صبار ياعزيز عالجفا

=========================================
ياللي عزيز مكانك ....مازال قلبي ع الوفا ماخانك
مانبدلك

مازال قلبي وافي.....ومازال نابض بالحنان
الدافي

مــــــوحال يبخل بالعطا مجدافي....لين يوصلة
مركب غلاي حنانك

يهون عليا من اجنون اريافي.....ويبقى مقرة في
ربوع اوطانك

=========================================

كثر خيره لقيت حنون وخير لي من
غيره .......أصاحبت نا والليل

=========================================

اليوم شاكية ياعين قولي كنك ؟؟أنتي مرايفة
والـــله أوهامك جنك

=========================================
جرح ثاني .....أمغير يلتظم جرحك اللي جواني
،حلك نويت أتدير جرح ثاني

=========================================
بنت تونسية قالت : العقل فيه برشا هموم
مانجمش ياعزيز أنقولهن

ردت عليها الليبية وقالت : هابا ياماشايل عقلي
غير وطيت عليه بثقلي

=========================================
ميت موت عليك مرايف نبي نجيك ولكن خايف

=========================================
مازلت يا حلمي الثقيل ثقيل **وقاطع انفاسي

ومازلت يا قلبي العليل عليل **ولا من يواسي

ومازال يا دموعي تسيل ** والقلب ناسي

لوكنت نعلم قبل قلبك قاسي** لاشقيت بيك ولا
وجعني راسي
=========================================
الناس دايرة الاصحاب يوم الطربة

وانا صاحبي نبيه يوم الكربة

يوم الضقية يوم حوست الخاطر وجفت ريقه

يوم صورة الحاب تبان حقيقة

سوا صافية ولا اتجي منحرقة

=========================================
وين الدنيا وين عربها وين عيون سماح هدبها

وين اصحاب الفزعة ديمة فزعتهم للعين طربها

وين اصحاب الروح احبابي بسمتهم كانت مقربها

يا ريت ايعودن ليام ويعاود للعين طربها

=========================================
يا طويل السالف يلى على صوتك العقل اموالف

قاطع عروق القلب قطع مخالف لين الكلام عليه
يصعب فرزه

ياجميل الغمزه كيف ما طعن وحشى برمحه حمزه

طـــــــــــــــــــاعن كنيني ...

=========================================
مريف جيت جايبنى حنين و نار الشوق

فى قلبى صهيده لك مشتاق نبدالك منين

يا عنوان فى صفحه جديده بسمة ود فى عالم

حزين فيه الود و البسمه وديده

=========================================
مسلسل ما ينتهى

غلاك يا عزيز غير تابعه

=========================================
دز رساله

ونا نجاوبك ع العقل كيف جراله

بقي من غلاك مريض هدا حاله

اسهي لين نيران الغرام كلنه

رن وجامل

بلاك خاطري ماعاد ساعه حامل

ونا عادرك كنهو رصيدك كامل

المهم حاول يا سمح طمنا

=========================================
احنا مانرافقو غير في الزين

ولد بيت مرفوع شانه

وين تطلبه يجيك في الحين

لا لخبطه لاشطانه

دوم في العلا كيف شاهين

مايوم ينزل عفانه

عصران مايغوص في الطين

بعيد النظر صاحب فطانه !

=========================================
صمتي خير من كثر الكلام

وان قلت ماعندي جديد

واللي صار صاير من ايام

عشقك دوم يسري في الوريد

جنسك بشر في وصفك ملاك

نوعك دهب في قوه حديد

ماننساك ولا غيرك عشيق

لين القبر يبقالي مديد
=========================================
اغليت علي بالحيل

ونسيت روحي نسيه..

ونسيت حتي الزاد

وانسيت شرب الميه..

ونسيت حتي النوم

ماعاد يخطر عليا.........

=========================================
كثر الملام غير جر عيوب

يقلب مواجع مالهنش لزوم

كيف من يرقع في قديم الثوب

يواسي كتوفه يقصرن الاكمام

=========================================
هاج البحر ينشد الغالي وينه

قتله رحل بان الزعل في عينه

بقي خاطري متكدر

لونه تغير والكلام تعدر

ترابه ارقي للسطح صار يهدر

وهدت امواجه لين طقت فينا

جيت للبحر بنخبر

بللي جري بالك عليا يدبر

هو ارقي وناقعدت انصبر

ونقوله بكره العزيز يجينا

=========================================
يا نقالي انكان ما مرسال جبتلي مالغالي

نمنع عليك الشحن يا نقالي

نمنع عليك الصوت

ونمنع عليك تعبيه الكروت

وانكسرك ونديرلك تابوت

وفيك نتعزا من الرفق والخوت

انكان رفضت اتوصله مرسالي !

=========================================
غايب عن عيني من مدة عزيز نوده لين الخاطر
واصل حده

=========================================
ان كان نشغلك دز السلام العاجل** مع الريح
ولامع الحمام الزاجل** سلامك دزه** ان كان بينا
باقي عروق معزه** راهوا في غيابك خاطري
استفزه** الحاسد اللي من العيب ماهو خاجل **
والشوق ياوليفي غصن عزمي هده** يخطرلك
الشوق يهد عزم الراجل؟؟؟

هيا... هيا ...
العين وين ماتغفل عليك شويه
شور العزيز إتقول .
هيــا.. هيا.. .

كله كله .. .
لادرت غيرك لاغلاك
انمله واخد معاك العقل
كلــه كله .. .

طشه طشه .. .
إسمله عليه القلب إنكان اتخشه
تلقه غلاك إيزيد
طشــه طشه .. .

كنك كنك .. .
لو كان عندهن جنحان راهن جنك
عليك رايفن بالحيل
كنـك كنك .. .

جنك جنك .. .
بريح الغلا هبيت كله منك
أمواج الوفاء والشوق
جنك جنك .. .

دونك .. دونك ..
محتاج لغلاك
وضحتك وعيونك
الخاطر إستنجد بيك
دونك .. دونك .. .

ديما ديما .. .
لين البحر ينزح إيبان
رديما إيرايف عليك العقل .
ديما ديما .. .

منك منك .. .
جت حادرة على الخد
تنشد عنك أرحم عيوني شوي .
منك منك .. .

مــاهو منها .. .
أن غابت عليك العين ماتضلمها
شوية ظروف أحكمن
مــاهو منها .. .

مابا يبره .. .
ناقشينه نقشت أوشام اليبرة
أعزاز شوقهم في العقل
مابــا يبره .. .

جرعة جرعة .. .
كانك نويت الهجر ليش بسرعه
اسقيني مرار الهجر .
جرعة جرعة .. .

نجمه .. نجمه .. .
جفاني عزيز اليوم مقوى
عزمه ساهر نعد الليل
نجمه .. نجمه .. .

كيف أنفاسي .. .
انكان وقفن توقف جميع
حواسي عندي غلا لولف
كيف أنفاسي .. .

فاقد حسه .. .
له زمان لاصبح علي
لامسى الله يذكره بالخير .
فاقد حسه .. .

واجد واجد .. .
تشبح زوايا القلب فيهن تاجد
غلاك منتشر بالحيل .
واجد واجد .. .

وينه وينه .. .
كواني بنار الغلاه لاكن بينه.
الغالي فداه الروح .
وينه وينه .. .

خله خله .. .
إيدوب في غلاك القلب
كله كله يلقى مثيلك وين ؟
خله خله .. .

سيبه سيبه .. .
يغرق في غلاك لاخطا
لاعيبه ، ميت الخاطر فيك
سيبه سيبه .. .

خليتني لليأس
نسكر ونقتل والذنوب أكداس
الله إيسامحك .. .

دمعة دمعة .. .
إنشيله عقاب الليل نأوالشمعة
مكسور خاطري .. .

مايتمادن قويات عزم
فاتنه ولد بن لادن
العين في صوبكم .. .

ياعزيز إسعافهن
رزاهن إغيابك لين ماتعرفهن
خـــود أجرهن .. .

مــاهو صابر
الخاطر إيصارع في
الظروف إمكابر
يريــد شوفتك .. .

شايلات دبشهن.. .. راحلات
في جرت غلا دهشهن ..
لانظار رايفن .. .

زاد نكدها .. . بعد غيبتك
تمت إتسيل وحدها .
العين رايفت بالحيل ..

جيتك جيبك
جبت الدوا في مطرحك مالقيتك
للعلم راني في مكانك جيتك

عندك علم فى عمري الوحيد
أنت وبس والباقى افداك

عندك علم من جد وجديد
أنغالي فيك وانجدد هواك

وعندك علم كي تبقى بعيد
ايزيد امعاي سبحانه غلاك

فيه خطوره
يسبب عطل للعقل صوت وصوره
غيابي عليكم راه فيه خطوره

كابرعليك أريافي
خشيت الجواجي والحشاء وأطرافي
قريب ننهبل !

فيها شي ماهو فالنسا ..
فيها وجه كي بدر السماء ..
فيها خد كي شمس الضحى ..
فيها عيون هن داي ودواء ..
فيها روح هي نبع الصفا ..
فيها قلب ينبض بلعطاء ..
فيها عقل مادارت خطا ..

هذا طبعي
نسقي حبيب من نقاوة نبعي
ان كان تنشدو تلقوه هذا طبعي

برشا برشا
خارب مكسر ما تجيبه ورشه
حايس بلاك العقل

جاوب يابحر
في ما فات شاكيتك بسر
ساكت ليش
جاوب ياغريق
واحكي وين شالوه العشيق
عندي عقل من قل الرفيق
الساعة عام فحسابه اتمر
وعندي فكر ذاهب فالطريق
ابقي محتار مو عارف ايمر
وعندي عزم ماينفع رقيق
لو حمال لا عمره صبر
وعندي نفس خانقها الضيق
دال الياس غير وين المفر

هاج البحر ينشد الغالي وينه
قتله رحل بان الزعل في عينه
بقي خاطري متكدر
لونه تغير والكلام تعدر
ترابه ارقي للسطح صار يهدر
وهدت امواجه لين طقت فينا
جيت للبحر بنخبر
بللي جري بالك عليا يدبر
هو ارقي وناقعدت انصبر
ونقوله بكره العزيز يجينا

الشمس تطلع والنجوم تغيب
والصغير يكبر والكبير ايشيب
والدنيا اتفرق والفراق صعيب
والعزيز عزيز و لوكان بعيد..

يلي عزاز عليا..
في وسط قلبي خاشين بنيه ..
مرايف عليكم..

ايريح روحه بخته عطيب
وكابرات اجروحه اللي ما عرف
قدرك ايريح روحه...

شورك عدا ..
سيب الجثه فوق صوف مخده ..
العقل سهاني وشورك عدا...

هابا عليك سريب ..
كني طريتك ناخذا تقليب..
الليل نسمره

سقد روحك ...
جيب الدوا داوي عقاب اجروحك ...

سطيرك رقا عالكبد سقد روحك

طالبه الله يبقى المانع خير
أريافي عليكم ياغوالي كبير
عليا غبتوا....ّّ!!!
ولامنكم وصل مرسال ولا إتصلتوا
فكري إنشغل وياسر الفكر شغلتوا
كملت ليلي في شقا وتفكير
زعم ناويين الهجر ماعبرتوا ؟؟؟؟
ونسيتوا غلا غالي بلا تفسير....!!!!!

وين الزمان يهدك
حتى قريب الدم يبقى ضدك
والناس تنسى هيبتك وتردك
تحبس الدمعه تغلبك وتسيل
والغدر واعر يقهرك ويعذك
وتلقى المحبه كلها تمثيل

ياريت ماهو ماكن
وياريت حبك فيا ماهو ساكن
لا حن قلب ولا عيون تباكن
ولا العقل منك شال جاي وغادي
يا ريتني متهني
لا بجرح نشكي لا غلاك سكني
ولا بقيتي جزء فيا ومنّي
ولا تخطري وقت انجي لوسادي

يشبه نهار القبلى
صهد وعجاج وريح فيهن مبلى
. يوم غيبتك

إنكانك تهتم
إغيابك عليا شين هم وغم
أمرايف عليك أرياف لو تعلم

امرايف عليك العقل واصل حده
كان بوده
يلقاك ويسلم عليك بخده

امرايف عليك ارياف
وصايف بصوبك يا عزيز صياف ...
وللي مثيلك ما اندير خلاف
مليوع من غلواك ليا مدة ....

يانا اللي متليع
ويانا اللي جرحي وسيع يفيع ...
ويانا اللي خايف غلاي اتضيع
وقول الوسع مش كيف قول الشدة

مالقيت مداوي
ولا لقيت من يفهم ظروف الغاوي ..
عزيز غيبته دارت معاي فجاوي

ليش اتجيني ..
.اتخطر علي اعزاز و اتبكيني..
غلطان يا منام الليل...

امكمل الليل مراحل ..
انغمض اعيوني انريد نرقد واحل ..
بعد تخطروا ..

صاعب صدة ..
استوطن ودار سرير و جاب مخدة
غلاكم في كنين القلب ..صاعب صدة

ويش ايشيلة ..
لاعزم عندي لاجهد لا حيلة
غلاكم سكن القلب.. ويش ايشلة

[size=25][center]ما ننساكم
وحق من زرع بين الضلوع غلا كم
مالي بلاكم صبر لا ننساكم

جيت بالخطا للمواهيم
والجرح عاود سطيره
وعاود سريب القديم
وهبن نسايم عبيره
وفي العقل كثرن تخاميم
ولا غيرهم جاب سيرة
الدنيا ايقولو تقاسيم
والذاهب ايدله خبيره
وما يذهبك غير الغشيم
ان رافقت رافق الخيرة

اغليت علي بالحيل
ونسيت روحي نسيه
ونسيت حتي الزاد
وانسيت شرب الميه
ونسيت حتي النوم
ماعاد يخطر عليا

كثر الملام غير جر عيوب
يقلب مواجع مالهنش لزوم
كيف من يرقع في قديم الثوب
يواسي كتوفه يقصرن الاكمام

راني حالف
إن غبت ما غيرك رفيق انوالف
الشاهد عليا الله راني حالف

__________________

منهن جنيت اللوعه
كي جيتهن زادت اجروحي اهلوعه
اوهام القدم
منهن جنيت آلامي
وقل الهنا في يقضتي ومنامي
وين المحنة وبين وصل ارحامي
وليش المودة بينا منزوعة

جاني توا ...
حسيت بيكم في كنيني جوا
الباين عليه ارياف

انشوفك لمحه...
مشتاق خاطري يابوملامح سمحه
صبري كمل نبي انشوفك لمحه

كنك كنك ...
ماعد عرفنا قسوتك من حنك
غايب علينا دوم كنك كنك

وموعاجبها ...
تضايق احسبها كيف ما تحسبها
غيابك علي عيني

ماني الها حمال ...
غيبة عزيز اتريد وسعة بال
ونا امنيلي

دايرين كتيبه
ضروري اسماهم في سريب انجيبه
للعقل تحلف دايرين كتيبه

ديما ديما ...
نين البحر ينزح يبان رديمه
ترايف عليك العين ديما ديما

مالك علي ايمين ...
مني خذيت العقل هاك العين
عليش قاعده

مازلت نرجا في غلاه ونسعا
حتى بعد طلت الفين وتسعه

ايريح روحه
بخته عطيب وكابرات جروحه
اللي ماعرف قدرك
ايريح روحه

كل الدوا جربنا
مليون شيشه ياعزيز شربنا
نهار غيبتك

ما ريحنى *
حتى بعد فرقاه رد جرحنى *
وطيفه ايجى مازال ما ريحنى

شن مازال
واخد العقل و راحتي و البال
امغير قولي بالله شن مازال

يا ناسينا
إيجيك يوم وترميك الايام علينا
وما نقبلك

وينك وينك
ياللى ملكت الروح عيني عينك
تنشد عليك العين

وينك وينك ؟؟
امقطع احبال الود
عيني عينك ما تجيبليش أعذار
وينك وينك ؟؟

جيتك جيتك !!
نسأل عليك ما لقيت طريقك
العين تبكي والقليب إيريدك
أوكان تبي من الهموم انزيدك
ما نا اللي هنتك
وجيتك جيتك !!

جاك كلامي
رخانا عزيز اليوم قال قسامي
يالعقل ننها فيك جاك كلامي

عليه إزالة خرابة وموحش
طايحات أقفاله -
بعد غيبتك كاتب عليه إزاله

غلاكم عندي يا محلاه وحق الله
أنصونه نين أنموت معاه

القلب والع بيك ما اطفي ناره
عزيز عالقلب كيف نوصلو في
دياره

عليك خذينا
يقعد بلاك العقل قعدة شينة
لو كان تندري يلي عليك خذينا

ذايب ذايب
لعبت بغرامي كيف لعب التايب
قلبي عليك أرياف

[/center]
[/size]

مازلت نا هونا لادرت حوش ولا لقيت مراء انموت خيرلى
مازال نا العزابى ومازال نرجا فى القروض وعابى
ومازال تحت الحيط نا وصحابى لابيع بعنا ولاهناك شراء
وياصاحبى بالحال مانك غابى تمت علينا جايزه الزكاه

---------------------------------------------------

منامي جاب نظيف الخد ونا راقد تهيالي نحسابه بجد

.................................................. .........................................
خيرك ياعين تغششتي .. شن فتشتي .. لين جروح الخاطر نشتي

---------------------------------------------------

عالكرت نملا كرت
من سحر صوتك في الغرام اسكرت
أنا مدمنك
ندير نغمتك نبظة القلب الحاني
وبالدم نرسلك مرايف راني
ولك نشحن النقال من شرياني
وعالصامت اندير الشوق كان نكرت

---------------------------------------------------

كل يوم تام رصيدى.... وانتى ترنى طالبه مواعيدى
نسلف وناخد دين ماهو بيدى....الله يلعن النقال فيه حصلت

---------------------------------------------------

ياريت ماهو ماكن .. وياريت حبك فيا ماهو ساكن
لا حن قلب ولا عيون تباكن .. ولا العقل منك شال جاي وغادي
يا ريتني متهني .. لا بجرح نشكي لا غلاك سكني
ولا بقيتي جزء فيا ومنّي .. ولا تخطري وقت انجي لوسادي

---------------------------------------------------

خائف يصير معاى كصدام.....وياخد غلاى معاك حكم اعدام.
خائف تصير الخونه... وتنسى غرامى ياعزيز اتخونه...
نهار عيد تذبحنى بكل رعونه....يشمتوا فيا عقاب اقزام

.................................................. ..................................

غير اعترف و مسامحك... ما انريد منك شى
غير اعترف من صالحك... بالك الحق على
لك عام مانك صافى... وين ما اتغيب اتطول
حتى فى كلامك جافى... مانك حبيبى لول
يانا مش فاهمك... وانتا اتساير فيا
يافى غيرى شاغلك... و خايف اتقوله ليا

---------------------------------------------------

مصيونه في الخاطر كنتي ... لكن خنتي...وفيت بعهدي ماصنتي
كنتي في الخاطر مصيونه ... بين عيونه ... لكن كافيتي بالخونه
خليتي كبدي مسحونه...امنين طعنتي ... سيفك في ظهري مكنتي
طلعتي ليغيري بليونه... فيسع لنتي...في لحظة ليه استسلمتي
وليتي عبده في كونه ... بيه حلمتي ... قصة حب معاه ضمنتي

مصيونه كنتي يا لللا... لكن والله ... قدرك طاح تحطم كله
كنتي ورد نسيم وفله... لكن هنتي... مكروهه في عيني شنتي
قلبك جاه ابليس وضله...ماقاومتي...صرحتي بعيبك بينتي

---------------------------------------------------

زيد يا زمان اقهرنى وسع اجروحى زين ما تعبرنى
خود غايتك ...
زيد اوجاعى قول يا زها عدى اومالك داعى
اضغط على قلبى الى ملتاعى على حب راح وفى الكنين سعرنى
زيد اهمومى سيل ادموعى نين يجفل نومى
املا حياتى نو زيد اغيومى وفجر انهار الحزن من ينبوعى

---------------------------------------------------

مانك الا غلطانه...حسك رقيق وشفرتك لبيانا ترنى عقاب الليل

يامريوحه ...ويا قاعده فى الحوش كيف اللوحه...انا عارفه النقال كيف اطروحه
ياكبر خوفى تطلعى شوشانا.

--------------------------------------------------------------------------------

يا ما بكيت عليها... وهي زاد تبكي ونا انودع فيها ... يوم السفر

مـاني نـاكــر... بكايا عليها في الصباح الباكر
وهي زاد تبكي ماسكه التذاكر... امنين ما ايديا لامسن ايديها
صار الوداع مغير ماني فاكر... مغمي علينا كل حد في جيهه

يـكـيـت بـحـرقـه ... ونا ف الصعود وفي السلالم نرقى
سيل م الدموع النازفه بالدرقه ... بيدي انكفف غير واحل فيها
الله لاتعودك يا أيام الفرقه ... امجرّب وغيري ما انودّه بيها

--------------------------------------------------------------

خـلــك مـعــاي حــنــون تكسـب غـلاي وتربـح المليـون
من غير اسئله

تــكــســب حـــبــــي ... وللي تطلبه يبقـي احـداك ملبـي
وانجيـك بالتاكيـد كـي ماتـبـي ... من غيـر قسـوه ياعزيـز اتمـون
انت علتـي وانـت شفـاي وطبـي ... واحلي زهـره مفتحـه فـي الكـون

-------------------------------------------------------------------

ياعمر ضاع بلاش ... ويانهر موتنا حداه عطاش
ياعمر ضاع حسايف ... وياحلم عايش به لقيته زايف
وياقلب كملهن أيامه خايف ... وياجرح وسط الكبد مايبراش

-----------------------------------------------------------

نرجو فيك ياغايب اتجينا ...
بعدك طال طولت الغياب ...
انكان نسيت احنا مانسينا ...
دز العذر كان عندك اسباب ...
انكان اتقول في حقك اخطينا ...
هات الدليل واحكم بالصواب ...
نرجو فيك يا غايب اترد ...
عز العمر عدا في رجاك ...

-------------------------------

ياقلب عندي احباب ماتنساهم تصون ودهم وتحفظ عزيز غلاهم

---------------------------------------------------------------

انتم زها للعين وين تراكم ...
وانتم شعور الحال يا محلاكم ...
وانتم ونس الايام في ملقاكم ...
لاتغيبوا يلي جميل اسماكم ...

--------------------------------

روفي عليا ياامنـاي وحنـي ... صبري كمل مرسولكم مستنـي
. . . . . . . . . . . . . . . . . . . . . . . . . . . . . . . . . . . . . . .

روفـــــي بــيا... لي وقت شاقي بغيتك ياابنيـه

امراجي ثلاث اشهور بالعديـه... مرسول منكـم مالفـا طمنـي
::::::::::::::::::::::::::::::::::: :::::::::::::::

روفــــــي قـــولــــي ... كلمه اتخفـف حيرتـي واحمولـي

سواء كانها بالرفـض ولا اقبولـي ... خيـر مـن اقعادي هكذا مستـنـي
::::::::::::::::::::::::::::::::::: ::::::::::::::::::::::

امجور غلاكـم ليـن هـد حيولـي ... ماالقيت من عـاون وحاشـا عنـي

معاكم بقي بالحيـل كابـر هولـي ... بعد فيك ريت عيـون سـم سقنـي

انحس وين ماتبقى احداي اتجولـي ... اتقول روح من جسمي انتزعت مني

.................................................. .........

لا مكسما لا كيه ... انسي غلاي واتركي يابنيه ... الله والنبي
لامكسما لافلوس ... لامال عندي لا سحر لافانوس
ولا كنز من جدي ظهر مدسوس ... راتب ضمان وما وصل للميه
وانتي الحاله زايطه بفلوس ... تجيبي شقف اسماح للكلية
ونقال فيدك ملك ليك اخصوص ... تكلمي البابا هيا روح بيا
قولي لباتك فاتحيه اخصوص ... يشبحلي ترى تعيين في الشعبيه
وتبقي معايا يامناي عروس ... الفلوس منك والحنان عليا
لامكسما لا كيه ... انسي غلاي واتركي يابنية ... الله والنبي

----------------------------------------------------------------

ايش جابرك ياقلب رد عليا ... ايش جابرك عالموجعه والسيه
ياقلب بلاش محنا بعد ما ينكرك مازال تبي منا
وين ينشدوك تقول كنت نحبه هو باعني والعيب ما هو فيا
ياقلب انسى غرامه وانسى صوته ومشيته وكلامه وخلي حياتك ماشيه عاديه.

--------------------------------------------------------------------------------

وين ما نقول تهوني... تجي صورتك هذيك بين عيوني... تزيدي غلا

وين مـــا نقـول نهونك ... يلي مذيبلني سواد عيونك
لا حذاك في الدنيا علم لا دونك ...ولكن خسارة فيك عاكس عوني

---------------------------------------------------------------------

مسجات عزايز فى يوم الحنه
-----------------------------

قالت ام العريس ..
يا أم اشروط اتقول شكاوى ... ياريت ولدنا ماهو غاوى
................
ام العروس ..
ولدكم ما درنالا شى ... جانا يجري كا الجدي
................
ام العريس ..
عروسك يا خايل الاباس ... جراده تشعبط ع الساس
.................
ام العروس ..
ها البشوبو الى جبتنا ... كان اتريدنا خودنا
.................
ام العريس ..
لانك عين ولانك جمه ... ولانك من عيله تسما
ياسلم جياب الدبله ...فرح ها العيله المنهبلا
سيقانك سيقان دجاجه... ما جيناك الا من العازه
.................
ام العروس ..
ولدكم بو كرعين اكبار ... جانا يجرى كا الحمار
.................
ام العريس ..
بو عين كبيره فلا ته ... لو ماجاها راهى جاته
.................................................. ...............................................
خليك بعيد مادام قربك فى الجروح
يزيد الله يربحك ...
ليش تخايل وانا من غرامك شى مانى طايل لا بيك يسقم
البخت المايل ولا بسمتى تقدر اليوم اتعيد ...
--------------------------------------------------------

امته اشواقك تستحى من البعد وترايف على وامته ولمته
بالجفا والموجعه تجرح فى كم وعد منك عدى وواجد عليه
بكيت ماهناك عزم انشده تصدق انى مليت ...
----------------------------------------------------------
يايومي . يا أمسي

يانوري . ياشمسي

ياصوتي . ياهمسي

لما أشوفك أتذكر عبسي
------------------------
ابعثـلـي حـتــى مـرســـــال ... فـي وطـن الشـوق ايصبرنـي
مــادام اغـيـابـك مـــــــزال ... طـمـن قلـبـي ياهـاجـرنـــــــي
يكفيـنـي حارمـنـي شـوفـك ... ماتبـخـل حـتـى بـحـروفـــــــك
ديـمـا تـسـبـل بـظــروفــــك ... نــاوي عالفـرقـه تجبـرنـــــي
----------------------------------------------------------
طـولـت فالجـيـه اشتقنـالـك ... زعم نخطروا ديمـا علـي بالـك
وانــت بـعـيـد افـكـارنـــــــا ... كـــل يـــوم تـرحـلـلـــــــــــــــك
وانــت بـعـيـد ازهـارنــــــــا ... تـنـشـد عـلــي ظــلــــــــــــــــك
مالـبـعـد مـــا مـلـيـــــــــــت ... ولـلّــه عـلـيـه خـذيـــــــــــــــت
صــابـــر هـنـيــالـــــــــــــك ... اشــتــقـــنــــــــــالـــــــــــ ـــــــك
------------------------------------------------------------
مش هكا تكون الليبيه ... بنت الاجواد انكان تنشد فيا
سود الميامى وبالسواد سفيا ... ام الخــدود امورده دهنيــه
فيها محاسن واضحه وجليه ... بيض القلوب و صافيات النيه
حلوه وجميله وكلها حنيه ... كريمه عطوفه من العظيم هديه
تستر البيت امربيه ذريه ... تكرم الضيف انجاك وان الجيه
فى طاعة المولى و زاد رضيه ... تعرف الله وعاشقه فـ نبيه
--------------------------------------------------------------
ان كان نشغلك دز السلام العاجل ...
مع الريح ولا مع الحمام الزاجل ...
سلامك دزه ... ان كان بينا باقي عروق معزه ...
راهوا في غيابك خاطري استفزه ...
الحاسد اللي من العيب ماهو خاجل ...
والشوق ياوليفي غصن عزمي هده ...
يخطرلك الشوق يهد عزم الراجل .
--------------------------------------------
غايب عن عيني من مده عزيز انوده لين الخاطر واصل حده .
------------------------------------------------------
كثر الملام غير جر عيوب ...
يقلب مواجع مالهنش لزوم...
كيف من يرقع في قديم الثوب ...
يوفي كتوفه يقصرن الاكمام .
-----------------------------
دز رساله
ونا نجاوبك عل العقل كيف جراله ...
بقي من غلاك مريض هذا حاله ...
اسهى لين نيران الغرام كلنه .
---------------------------------
مسلسل ما ينتهى ...
غلاك يا عزيز غير تابعه .
-----------------------
مرايف جيت جايبنى حنين و نار الشوق فى قلبى صهيده ...
لك مشتاق نبدالك منين يا عنوان فى صفحه جديده ...
بسمة فرح فى عالم حزين فيه الود و البسمه وديده .
----------------------------------------------------
الناس دايره الاصحاب يوم الطربه ...
وانا صاحبي نبيه يوم الكربه ...
يوم الضيقه يوم حوست الخاطر وجفت ريقه ...
يوم صورة الاحباب تبان حقيقه ...
سوا صافيه ولا اتجي منحرقه .
----------------------------------------
لوكنت نعلم قبل قلبك قاسي ... لاشقيت بيك ولا وجعني راسي .
--------------------------------------------------------------
ميت موت عليك مرايف نبي انجيك ولكن خايف .
-------------------------------------------------
كثر خيره لقيت حنون وخير لي من غيره ...أصاحبت نا والليل .
--------------------------------------------------------------
اليوم شاكيه ياعين قولي كنك ...انتي مرايفه ولا اوهامك جنك .
---------------------------------------------------------------
مرايفين ياغالي عليك انمسوا ... بريافنا ياريت يوم اتحسوا .
------------------------------------------------------------
حاولت ننسى ما القيـت عزايـم مصعب النسيان عللي هايـم .

حـاولـت ننـسـى غــرورك ونبعد عليـك ونتركـك لشعـورك ...
لكـن حنينـي شالنـي لبحـورك ولقيت نفسي فـي غريقـك عايـم .
-------------------------------------------------------------
مانك عليا غالى ننسى غـــــــلاك ونعلن استقلالــــــى
من يوم معاى اخطيت ...
جـديد انديره ننســى لول ونشقى بغيره
ونلقى الخبر منقول فالجزيره ... ودعايه كبيره من مذيع ايطالى .
----------------------------------------------------------------
لاجيتي ولا وصلني نهار سلامك ... طبعك تغير ما عرفت اسبابك .
-----------------------------------------------------------------
تونسية قالت : العقل فيه برشا هموم مانجمش ياعزيز أنقولهن ...

ردت عليها الليبية : هابا ياماشايل عقلي غير وطيت عليه بثقلي ...
-------------------------------------------------------------------
زولها مستوفي ... ولها عيون شقتني مع شرشوفي ...
اعطاب خزرها سالب ستاير جوفي ... واخذ جميع الكبد والدواره .
-------------------------------------------------------------------
رفيقي مصوقر ماهناك مثيله يصون الرفق من قبل ما نشكيله ...
رفيقي ذراعي وين الفزع حاضر ايجي مداعي ...
نرقد ويبقى في سريره واعي ...
يحسب حساب الدهرفي تبديله .
-------------------------------
من قالك عمري بلاك يروق ...
ومن قالك يهدا بلاك الخاطر ...
ومن قالك شوقي لغيرك شوق ...
ومن قالك مانك عليا خاطر .
-------------------------------
ياقبر بين اقبوره ... بترابك تغطا فيك سمح الصوره ... احسن اضيافته .
------------------------------------------------------------------------
ياريت خاطري بات مردوم ... في قبر وتراب هايل ...
ولا في الغلا بات مهزوم ... ولا حاس بين العدايل .

____________________________________________
مرات نحمل في احموله الزايله ...
ومرات حتي الجرد نوحل فيه ...
ومرات نذهب في الضحا والقايله ...
ومرات حتي الليل نخبر فيه ...
ومرات نفرح والمدامع سايله ...
ومرات حتي العيد نبكي فيه ...
ومرات اثقل ثقل نقعد شايله ...
ومرات حتي حمل الريش نعجز فيه ...
ومرات ننسي اجروحي الغايره ...
و نشقي بجرح الرفيق ونداويه .
-------------------------------------
ابكاي ياعزيز عليك ... انكان دين ويش ايخلصه .
--------------------------------------------------
اتريد من النهار نصيب ... ابكا اليل ما عاد سادها .
---------------------------------------------------
العين من غلا مرهون اتذوح ما دباره لاقيه .
__________________________________
فـي شـارع الـمـدار زاد قهـرنـي ...
وين ما خطم احداي مـا عبرنـي .

زاد جـنونــي ...
ونزلـن بـلا رادات دمـع عيـونـي
وهـو بالمواجـع كاويـه مكنـونـي
نصـبـر علـيـه والله بيصـبـرنـي
وشيـط النـار اليـوم فـي كانونـي
علـى جمـر هافـي يريدهـا تاكلنـي
اللي قبل كنت انقـول ضـي عيونـي
علـى مـر كاسـه هواللـي جابرنـي .
-----------------------------------

يــابــعــيــد الــجـــوبـــه ...
معاي نار تكبر دايره لهلوبه ... وصلني جوابك .
...........................................
قــريـت كـلامـه ...
مالسـطـر لــول لاعـقـاب سـلامـه
كـلام بعـدهـا ناعـشـت فــي دوامــه
وايـام ماضيـه مالعمـر مـي محسـوبـه

............................................

يــابـــعـــيـــدالـــديـــره
عايـش علـي ذكـراك سمـح السـيـره
والعقـل مـن فـرقـاك حـايـر حـيـره
نــاوي يـتـوب ومـاقـدر عالتـوبـه

...............................................

يــابــعــيــد الــســـاكـــن ...
عالبـعـد والهـجـران حـبـك مـاكـن
ويـن مانويـت انديـر عــزم بـلاكـم
جميـع المنـاضـر شفتـهـن مقلـوبـه .
------------------------------------

كنك اتريد العين عينك منهـا ...
واعرف غرضها لاطول عنها .

اشــقـــى بـيــهــا ...
وحاول دقائق ما تعيب عليها
شوفتك تشيل الهم وتنسيهـا
في شوق طايل بالوجع ساكنه .
------------------------------

ياما عليك بكيت ...
نكذب ان قتلك راني غلاك انسيت
ياطول عـــازتي .
---------------------------------

جاب اولافي ...اللي خاطري خلوه ضيه طافي
البارح منام الليل .
---------------------------------------------

يا ظالمه هـذا عليـش اقدرتـي ...
اليوم ناسيه وباب الغلاء سكرتي .
---------------------------------

سبحان كيف رقدنا ...
وجانا النوم وماتقول فقدنا ...اعزاز فارقوا .
--------------------------------------------

صدفه انـدور فـي وراق قديمـه ...
لقيت صورته خزرة عيون الريمه .
------------------------------------

خلك قريب احدانا ... لاتنفعك مدار لا لبيانا ... بلا مواخده .
----------------------------------------------------------
بياض نقي لون المكنون
وصيتك عطره مالي الكون
تعيشي صوت وهمس حنون
عشقتك واللي يكون يكون
رويتك ورده فوق جبل
جوريه فواحه تهبل
نسرين وفل الكل قبل
علي شانك بالعطر يهل
والدنيا تهون
وروحي بين أيديك تكون

» مسجات ليبيه
» نكت ليبيه صقع
» مساجات ليبيه*
» شربه ليبيه
» مسجات ليبيه صقع