عدد الرسائل : 2276 العمر : 47 الحمد لله تاريخ التسجيل : 16/12/2008 نقاط : 2514
موضوع: الرومانسية على الطريقة الليبية الثلاثاء 21 سبتمبر 2010 - 18:25
القصة الأولى
المسكينة نادية ( مدرسة أعدادى ) قالت : مرة وصلني راجلي للمدرسة .. وقبل لا ننزل من السيارة قلتله : ( حنستاشك ) فنص فيها وقاللها : إنزلي بالك تو تعطليني ... عندي شغل ؟؟؟؟؟
القصة الثانية خيرية تشكي من راجلها قالت : مرة خطرتلي فكرة حلوة ... وقلت خللي نشري لراجلي هدية قنينة ... المهم قول إشرتله نقال ولفاته فى غلاف حلو وكتبت من داخل ورقة صغيرة مكتوب فيها .. إنحبك ومش عارف شنو تاني ... ولما عطاته الهدية خداه وفتح الغلاف ومزقه .. ومزق معاه الورقة اللي داخل وقاللها : بقداش شريتيه الموبايل هادا .... قالتله : ب300 دينار ... قاللها : زلبحوك يا درويشة ... هدا حقه 50 دينار .. المسكينة جاها إنهيار عصبي ....
القصة الثالثة
سالمة قالت : مرة خطرلي بندير جو رومنسي مع راجللي ... فشريت شموع وولعتهم فى دار النوم ... وأول ما روح مسعود راجلي وخش دار النوم .. عفس علي وحدة من الشموع برجليه .. وعيط عيطة قوية ... وشرينها كف ... وما خلا ما قالها من كلام ... ولليوم قاعدة فى حوش بوها ..... تستاهل ... ماهو حرقتله رجليه ..
القصة الرابعة
حكاية رجاء مع راجلها أبوعجيلة ...قالت : مرة خطرلي بندير سهرة رومنسية ... وشرت عشي مدندن من المطعم ... وبعد ما وتت الدار وولعت الشموع وطفت الضي ورقدت الصغار ... روح السي ألبوعجى ... وطول طاح فى هادكا العشي .. وبعد ما عبا بطنه وإستمخ .. انبطح على ظهره وقاللها : نوضى الفروخ خللي يجوا ياكلوا .... وووووووووووووه وووه
القصة الخامسة
حكاية سعاد مع راجلها جمعة ... قالت : مرة سمعت بفكرة رومنسية حلوة وهيا نثر الورود على سرير النوم ... المهم قول دارتها ... ولما روح جمعة من العمل فى الليل مشى رقد فى المربوعة طول ... قالتله : علاش سيبت سرير دار النوم ورقدت هني ؟؟؟ قالها كيف بنرقد وانتي معبية السريرعشب ... تحسابيني خروف ولا شني ... على أساس مش زابط بين الورد والعشب ؟؟
القصة السادسة
حكاية فتحية مع راجلها فتحي ... حتي هيا قالت : مرة خطرلي بندير سهرة رومنسية ... ونشغل شريط موسيقي حلو ... ونرقص أنا وراجلي هاديكا الرقصة اللي يحطوا الراجل والمرا إيديهم على ظهور بعض ... المهم.... نفذت الفكرة وحططت شريط موسيقي سلو .... وأول ماحطت إيدها علي ظهر راجلها فتحي ... قاللها : إيه إيه بالله عليك أرفعي إيديك فوق شوية وحكي .... لالالا تحت شوية ... لالا فوق عالكتف .. بالقوة أكتر ....؟؟؟ قالت : فكرت نجيب الخباشة ونعطيه بيها على ظهره باش معاش يعاودها ...
ظل القمر عضو فعال
عدد الرسائل : 102 العمر : 36 العمل/الترفيه : مجنون بنزار قباني عاشق تاريخ التسجيل : 25/08/2010 نقاط : 147
موضوع: رد: الرومانسية على الطريقة الليبية الأحد 26 سبتمبر 2010 - 1:06
ههههههههههههههههههههههههههه كثير حلوة وطريفة تسلم ايدك أخي صوان على النكات الحلوين وتقبل تحياتي وورودي
المهندس الليبي عضو فعال
عدد الرسائل : 128 العمر : 39 العمل/الترفيه : مهندس كيميائي الحمد الله تاريخ التسجيل : 22/09/2010 نقاط : 253
موضوع: ارجو الا تكون حقيقة الأحد 26 سبتمبر 2010 - 14:03
اتمنى الا تكون هذه القصص حقيقية ولا اعتقد ذلك فالحب موجود مع الرومانسية منذ القدم ونحن الليبين لسنى شماعة مخصصة للتعليق شكراااااا وجزيل الشكر ع الموضوع ننتظر منك الافضــــــــــــــــــــــــــــــــــل