أحسن 40 شتاوه

اليوم في مجموعة من الشتاوات ملقطها من جميع التراكين إنشاء الله تعجبكم بس ، نبدو على بركة الله :
الخاطر جرحه ما داووه علي كل اسبيتار رموه

الدمع إن جا وقتة كبية لمن يا عين ادسى فيه

اللي محرمته كيف رداه نعاهد نفسي ما ننساه

اللي ضحكتها قرقرقر تجي كيف السيل الهادر

اللي ضَرَّتْني في المرْسال عَرَب حرفتّا قِيل وقال.

اعيالي و أعيال المرهون أنداد و مابا يوم يهون

اعيونك تحت أستار البيت كلاشن من صنع السوفييت

اعيونى دارن نهر جديد اكبر من نهرك يا العقيد

انعنك يا مرهون ادواي كل نهار غسيل كلاوي

انعنك يا خوان أقسام مصيرك كيف ضنا صدام

أبكى يا عيني موش حرام طلع عيل ماصان غرام

أجعنك يا مرهون هتيك تهبط كيف أبراج أمريكا

جروحك يا مرهون تمادن تقول امفجرهن بن لأدن.

خان غلاي وخنت اوعوده وحده في وحده مردوده

دعَيْت عَلَيْهم مَرْهُونِيْن ونَكْرَه في اللي يقُول آمِيْن.

دار عزيز وما نتركا نين أيطوف إبليس بمكة

راسي واللحية وإشنابي شابن يرجن في غيابي

رجَيتَك نَيْن مشَطْت الشَّيْب إن كان انْسِيتَك ما هي عَيْب.

سيلي سيل بلاش العبره مرهـون وجرحـه ما يـبره

طالب من شارون رصاصه في المرهون طرطش راسه.

عزيز نسيني دار عويل يقمط ويدودش ويشيل

عندك قلب رافع رايته سكر عا الحب وغياته

عندي على المرهون دلاله نغمزله قدام اعياله

عيوني فاضن وقت منامى كى فيضانات تسونامى

ع الخوان خلاص ايسدك ما تبكي شوهتي خدك

عقلي وين حكم ياساته يطلب في الموت وما جاته

غواليك يا العين بعاد معاهم ما طلتي ميعاد

فوق رموش العين انقلة اللي حبه يردع ورفلة

فِيْنا رَيْت عَزيز يماهي لا قال لنا لا لا باهي.

قاضي اليأس غلانا ضره حكم إعدام من أول مره

لانِك عَيْني لانِك مِنِّي كان مسَكْتي دَمْعِك عَنِّي.

من خونه لولاف أو جاي أنخلط في نومي با ابكاي

من المرهون بدتلي غصه كيف اللي المات وماوصــى

مرسالي مرسال عدوك قال الغالي يأخذ سوك

نا والمَرْهون تلاقَيْنا قصْرَن عَ التسلِيْم اِيْدَيْنا.

نحسابك يا عين سكتي تاريتك لليل اتوتي

نارك يا مرهــون خذتني لا باطل لا حق عطتنـي

نَبْرِم داير عَيْني مارَة كان بكَت تَبقَى هي دارَه

نرقد بين لناس امطرف خايف باسم الغالي انخرف

يا مرهون أن كان نويتك بإذن الله نخرب بيتك

البارح من كتر النيران وعيت نخبط عالجيران

وفى الأخير إن قولو

إن خان العشرة مايلتام *** عرب خانت حتى صدام

و نرجى منكم في الردود وسلامتكم

أحسن 40 شتاوه Post-20628-1188424735