*****الميت نا

قصيدة جميلة جدا للشاعر:"عبد الرازق السعيطي" يقول فيها:

الميت نا .. لوكان تعلموا اديرو علي عزا..عزيز اندفن لكن الميت نا

نا اللي مرحوم .................. ونا هو اللي فوقي الطيور اتحوم

لا ني اللي امكفن لاني اللي مردوم..... امفيت النفس مالي قرام زها

نا للي متوفي ............ ونا الي هو مآيس وشيب مصفي

اغياب بو خجل حرم علي انغفي.... احذاي ينذكر ناخذ الليل ابكا

نا حياة افلان....................خلاني افراقه في خبرها كان

ومالي فزع عندي امغير لسان....... غباوين نطريهم اردود اكفا

مت بشوقي ................. حسوفه وقهرا في رجا معشوقي

رحيل بو غثيث اطوال خرب سوقي....... لاهناك بيع ولاهناك اشرا

رد عليه الشاعر : "فرج بالحمد"...

الميت انت ... ... لاني الي امكفن ولا اندفنت

مت بنـــــــــارك.. ..من عكس بختك من عطيب اشوارك

جرر ياس تبع لانك الغلا مشوارك ....والجرح اذن ف الرحيل اذنت

تسابيب ياس بياس وانت امشارك.... في موت نفسك في عزاك احسنت

مت ابشوفك .. ..والياس دلاله ضبح في سوقك

سامحت في نفسك تناقص روقك.......داريت صبرك دمعتك بينت

اداعيت في صوبك انسيت حقوقك ....... ظليت مده وف العقاب افطنت

مت ابياسك .......بلا جود كفك امعانق كاسك

نقيع سم صافي جاك قيس احساسك.... اشربته بلا راده عليه ادمنت

والشوق كان يقدر ايواطي راسك ....... بلاش الغلا واتعد ما غوننت

مت ابصبرك .............................. ميت ودفنك تم خارج قبرك

مكتوب رايك صارلك كي جبرك .... ..علي شي ماتريده ولكن لنت

شايل دلايل لوعتك في كبرك ......الا الجسد والفته وفيه سكنت

مت ابقهرك .......................... بلا موت ميت من فعايل دهرك

مايهم لو تبذل بقايا زهرك ........... لا تظن تعني شي كونك كنت

سوا اتكن لوعتك سوا كي جهرك........ عزاك الوحيد انك وفي ماخنت

رد الشاعر بالقاسم السحاتي في هالقصيدة ..

الميت نا ...... إمغير ماداروا علي عزا .. عزيز إندفن لكن

هو مدفون ...... وراقد وروحه عند رب الكون

خلاني عزيز بصورته مسكون .... إيجيني خيال إنكان نومي جا

إبروحي إنحقا مو خيال عيون ....... ومومن وعارف ماهناك رجا

تمن إيصيرنلي أعراض إجنون ....... ونا وحدي نسمع عزيز حكا

كلاما رقيق وصوت فيه حنون ...... وانادي عليه إيردلي الندا

وعارف الناس إتقولي مجنون ...... ويحكوا معاي إمغير بإستهزاء

غير ما إيحس بطعنة المطعون .. إلا من الي كيفا طعن طعنا

الميت كنت .............حتي إنكان نابيدي عزيز دفنت

يا ريت في مكانا نا إلي كفنت ....... خير من إمعيشة كاملة ببكاء

الميت نا ...... إمغير ماداروا علي عزا .. عزيز إندفن لكن !!!

مت بشوقي حسوفه وقهرا في رجا معشوقي

مشكوره على هذه القصيدة والتى تعتبر من اجمل القصائد فى الشعر الشعبي الليبي

الميت كنت .............حتي إنكان نابيدي عزيز دفنت

يا ريت في مكانا نا إلي كفنت ....... خير من إمعيشة كاملة ببكاء تسلمى على النقل الرائع عزيزتى جود

» البحر الميت لا يموت
» ما رأيكم بأسبوع استجمام بالبحر الميت؟
» هل يستفيد الإنسان الميت من الأعمال التي تهدي الأحياء إليه ؟