بلا عنوان

[size=18]هذه حكاية من واقع خيال !!!
أختكم فكرى إنشاء الله تعجبكم
أنا حطيت عنوان ( كافيتنى بالسية )
بس يمكن يجى لها عنوان أخر الغدر ,الخيانة , وضاع العمر ياولدى (هذا اسم فيلم معليش خطا مطبعى )
المهم كل حد يسميها حسب رؤيته,وياريت كل واحد يحط العنوان يلي يراه مناسب

هذه الحكاية على لسان امرأة فى ردها على الشخص يلي ما كفاه ضيع عمرها فى الكذب وعيشها فى الأوهام , ومازال راجع ليها يحاول يقنع فيها بكلام الحب وانه يلي بينهم اكبر من كل شيء

فردت عليه ...........

خلاص فات علينا
تمت وختمت لينا
هذا الحب نسينا
ولصفحته طويناها
لا ..لا تقولي مازال ولاتجيبلى أعذار
محال نلتقي... محال نرجع سوى أحباب
*******

نا قولتها كلمة ونرجاه منك هالدور تلمه
ما عاد تفوت عليا والشيب فى راسي يشعل ضيه
وماتنكتب لو من كلامك سلمت لك ايديا
ماننسالك يوم هنت قلبي وقسيت عليا
وضيعت عمري فى رجا و وعود
وكافيتنى بالسية وتميت تشرى وتبيع فيا
***********
اخترت غيري وخليتنى منسية
وأنا يلي عاطية معاك النية ونرجى فيك
وما غيرصبرى معايا يونس فيا
وانت فى دنيتك متهنى عايش حياتك وناسى همى
وتدزلى مرسول بعد مرسول اتطمن فيا
وتقولي هانت خلاص الصبر شوية
وفى غربتى إنت ونيس القلب وإنت ضيه
ونحلفك بالله ماتنسينى ونذكرك بالعهد لا تخلينى
******

عاديت كل والى يلوم عليا
ويقولى سنين عمرك ضاعت موش شوية
هم قصدهم يقدموا نصيحة ليا
ونا الغبية أنقول هادوا حسدوا فيا
وغدوى يجى غاليا ويكذب أقوالهم يا عاليا
راجيت وراجيت ومل الصبرمامليت
هذا عهد عطيت ومن ينقضه عندنا عيبية
وياريت تامر فيك بعد هذا كله
كافيتنى بالسية وتميت تشرى وتبيع فيا
*********
وتزيد الطين بلة راجع داير سريب مذلة
وتقول هذه ظروفي واسمعي عليا وافهميني وشوفي ........
نقطع كلامك زى ما قطعت منى العمر وخنت احلامك
أنت ظروفك وأنا عمري من يرده ليا؟
وتميت فى ظهرى تطعن فيا
وسنين من عمري تجرى بيا
بالكذب والغدر تفوت فيا
والفرق واضح مايحتاج روية

**********

مازال عندك دوه بعد الغدر والكذب شن فيه توى !!
تره ياسر وصل ماسد والقلب من غدرك خلاص أنهد
ما عاد نسمعلك ولا عاد تحلم فى يوم نرجعلك
كمل طريق الغدر تو يشفع لك
ويلي درته فيا ماتخاف فى دنيتك
تو تلاقى زيه
:?:

[/size]