اليوم قريت خاطره عجبتني وبكتني
وحبيت انقلها لكم واتمنى تعجبكم
.
الأم ماتت والقصيدة سلمها الدكتور للولد وهو يستلم الجثة..
هذه قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجته التي رفضت العيش مع امه..؟!
وتمر ثلاث سنوات ولن ترى فلذة كبدها ولو مرة واحدة فكتبت هذه القصيدة؟
يامسندي قلبي على الدوم يطــريك ما غبت عني وطيفك سمـــــــأيـا
هذي ثلاث سنين والعين تبــــكيك ماشفت زولك زاير(ن) يا ضنايـا
تذكر حيــاتي يوم أشيلك وأداريك وألاعبـــــــــك دايم وتمشي ورايـا
ترقد على صوتي وحضني يدفيـك ما غيرك أحد(ن) ساكنن في حشايا
وليا مرضت أسهر بقربك وأداريك ما ذوق طعم النوم صبح ومســــايا
ياما عطيتك من حناني وبعطــــيك تكبر وتكبر بالأمل يا منـــــــــــــايا
لكن خسارة بعتني الـــــيوم وشفيك وأخلصت للزوجة وأنا لــــــي شقايا
أنا ادري أنها قاسيـــــــــة ما تخليك قالت عجوزك ما ابيها مـــــــــــعايا
خليتني وسط المصحة وأنا أرجيك هذا جـــــزا المعروف وهذا جزايـا
ياليتني خدااااااامة بين أيـــــــاديك من شـــــان أشوفك كل يوم برضايا
مشكور يا وليدي وتشكر مساعيك وأدعــــــــــــــــــي لك دايما بالهدايا
أوصيت دكتور المصحة بيعطيك رسالتـــــــــــي وحروفها من بكايا
وان مت لا تبخل علي بدعاويـــك وأطلب لي الغفران وهذا رجـــــايا
وأمطر تراب القبر بدموع عينيك ما عاد ينفعك الندم والعنــــــــــــايا
الأربعاء 30 أكتوبر 2024 - 20:16 من طرف 
موضوع: خاطره عجبتني وبكتني 
