(( بعد يلزمني .. شعر غنائي )), الشاعر الغنائي ... فتحي القابسي . أجدابيا .

بعد يلزمني دور الصوب *** مني عهد نفكر فيك .

ولما يندهلي المكتوب *** أنحاول بأذن الله انجيك .

لكن توا أرجوك اعذرني *** أنا كل أبوابي مقفولة .

مازال منامي هاجرني *** من قصة قبلك مجهولة .

أنفذ بأحلامك سيبني *** تتعب وامعاك أتعبني .

خليك أمباعد خليك

أنت معذور علي نيتك *** تبيني ملفي لودادك .

فارح بأشواقك ثاريتك *** مانك عارف أيش قصادك .

وأمتي ما نحتاج حنين *** ونشعر بيك أنك ناقصني .

ممكن نرسلك بعدين *** تعال تولاني ونسني .

لكن تو أرجوك أعفيني *** نا يادوب انساهي عيني .

ماعندي كيف أنلاقيك

أسف جداً كان بودي *** تسمع كلمة حلوة مني .

لكن همي غالب ردي *** وكل أظروفي غصباً عني .

نقدر وين أتجي نفرحلك *** ونقول حبيبي وأعيوني .

وأنحل أبوابي نفتحلك *** وأنخليك منام اجفوني .

لكن توا أنسي ريحني *** خايف شي مرة تفضحني .

ونلقي روحي هايم بيك

» (( ماعلينا ياما،،،،، رينا .... )), شعر غنائي الشاعر (( أنور الشاغري ))
» بين الشاعر والقمر
» هيهات/ الشاعر مفتاح خالد, للى يملك عزه النفس فقط
» لك حصرية ... الشاعر نعيم الزوي
» قبل وتالى..الشاعر نعيم الزوى