قصيدة فكاهية (مابين الشاعر الزنتاني وسيارته

indigo]طبعا القصيدة هذي لمعلمي الفاضل الزنتاني الشاعر المعروف الذي حصل على جائزة احسن شاعر فى الجبل الغربي 2004 وهو الشاعر الزنتاني الكبير ابوبكر الخباشة (الله يحفظه يارب )
يحي الشاعر ابوبكر فى هذه القصيدة مع سيارتة القديمة وزي مابتشوفوا ان السيارة حتي هي ترد عليه وهذي حلاوة القصيدة :-
الشاعر يقول:-

ياكرهبا ماعاد نافعتينا ......... وكل يوم فى مطراح بتخلينا ياكرهباء ماعاد

السيارة :-
قتله لما سقتني جديدة......................... امنين كنت فى الميدان ليا ميدا
وياما رفعتك لي برور بعيدة................ وياما حصدت الزرع ومعبيني
وياما بسطتك من ايام سعيدة................. مع ترقاي وتهيف مرقيني
واليوم دايريني عقاب حديدة .................ماقلت يخرب طرف وتساويني
جايب طروف مقلده تقليدا.................... تيوان ماهي صنع حتي صيني


الشاعر :-

فكرت قلت انبيعك........................... زهق خاطري منك ومن ترقيع
كل الصباح بالدفان فى توليعك............ ومرميطك دخانها يعميني
تبهدلت فى خرابك وفى ترقيك............ للعمل ماعادش موصلتيني
قدمتي وحتحتي وراق ربيعك.............. وانا ركوبي فيك كرهتيني


ماتنفعيش بصيرة............................ انتي من الستينات موش صغيرة
فكرت مندرق قدا الشنطيرة................. فى وين لانراك لاتاريني
ولي روس تنباعي حدود اميره........... ونرتاح ماعادش نشوفك عيني

السيارة:-
هزيت ياسر بيا............................. ياطفل يزيك الكلام عليا
انا كرهبا وحتي الكتيب فيا.............. وهاهو المرور وختمهم يزيني
ووالفحص ياما من مكاتب بيا......... تعرف ضروف الفحص وتمشيني
ونخطي البوابات ماهم ليا.............. ولانبي من قانونهم تحميني
ويابو اللغازي من اشكالك ميه......... وحتي وزنته فى المال مايساويني

الشاعر:-

ماتصلحي سيارة........................... وماتصلحي مركوب غير خسارة
بديتي بصيرة خاربه كركاره.............. الا تلحسي فى الزيت فلستيني
فى الصبح دخانك يدير شرارا............ يبان كل الناس بتلاقيني
مرميطك وسط السماء زقعارا............ داير صلاح السكم صمختيني
وتجي ماشيه فى صدرها خرخارا........ ذوب ما اداري مشيتها بالميني