الجاكت... لأناقتك في الشتاء!

الجاكت من القطع الأساسية اللي المفروض إنها تكون موجودة في دولابك في الشتاء..
آه صحيح إن جو الشتاء في مصر بقى دافئ في معظم أيام الشتاء، بس الأمر ما يسلمش
إنك ممكن تلاقي في يوم الجو برد أوي، وفي الوقت ده هتلاقي ما فيش قدامك حل غير إنك
تجري على الدولاب وتطلعي الجاكت، علشان كده هنعرف مع بعض المرة دي كل ما هو جديد
عن موضة الجواكت في شتاء 2010 ... يلّا نعرف مع بعض...

إزاي تختاري الجاكت المناسب لجسمك؟!

أنا عارفة إن في بنات كتير أوي بتكره لبس الجاكت؛ لأنها بتحس إنه بيظهر عيوب جسمها،
بس بيني وبينك كده الجاكت هو القطعة الوحيدة اللي ممكن تلبسيها في الشتاء مِن غير ما تظهر
عيوب جسمك، وعلشان تقدري تحققي الموضوع ده يبقى قبل ما تشتري الجاكت أقفي قدام المرايا
وبصي لجسمك كويس أوي وشوفي إيه هي العيوب الموجودة في جسمك ونِفسك إنك تخفيها، يعني مثلاً...

لو منطقة الوسط عندك مليانة... يبقى عليكِ وعلى الجاكت الطويل؛
لأنه هو التصميم الوحيد اللي ممكن يداري العيب ده، وابعدي تماماً عن الجواكت
اللي فيها حزام عريض مِن على منطقة الوسط؛ لأن التصميمات دي هتظهر امتلاء منطقة الوسط،
كمان ابعدي عن التصميمات اللي فيها تكسيمة من على الظهر، ولو كنتِ عايزة تلبسي جاكت قصير
يبقى البسيه على جوب واسعة علشان تداري امتلاء منطقة الوسط.

لو منطقة البطن عندك مليانة.. ودي مشكلة بتعاني منها بنات كتير جداً نتيجة عدم الحركة الكتيرة،
يبقى اختاري جاكت طويل وابعدي نهائياً عن الجاكت الضيق أو المكسم؛ لأنه هيظهر امتلاء المنطقة دي.

لو منطقة الوسط عندك صغيرة جداً.. يبقى اختاري الجاكت الطويل الواسع وابعدي نهائياً
عن الجاكت القصير؛ لأنه هيبين المنطقة دي بشكل أصغر مما هي عليه،
كمان ابعدي عن الجاكت المكسم مِن على منطقة الوسط.

لو منطقة الأكتاف عندك صغيرة.. يبقى اختاري الجاكت اللي ليه أكتاف عريضة،
مع مراعاة إن الجاكت يكون مكسم من عند منطقة الوسط وده علشان يكون فيه تناسق في شكل جسمك.

لو منطقة الصدر عندك كبيرة.. يبقى اختاري تصميمات ضيقة مِن عند منطقة الأكمام،
وواسعة من عند الصدر ومنطقة الأكتاف، وبلاش تلبسي جواكت مفتوحة،
وممكن إنك تلبسي جواكت قصيرة أو طويلة.

لو كنتِ صاحبة جسم نحيف.. يبقى الأنسب لكِ إنك تلبسي الجاكت قصير
منفوخ مصنوع من خامة زي الووتر بروف.

أما إذا كانت منطقة الوسط مثالية.. يبقى عليكِ وعلى الجاكت القصير المكسم.

جواكت بألوان جريئة!!

بتتميز ألوان الجواكت في شتاء 2010 بالجراءة، فهتلاقي جواكت بألوان زي الأحمر
والأصفر والأخضر الزرعي والموف والنبيتي بدرجاتهم المختلفة، بجانب طبعاً الألوان التقليدية
زي الأسود والأبيض، بالإضافة إلى الجواكت الكاروهات اللي بتدي شياكة في اللبس،
وطبعاً اختيار لون الجاكت بيرجع إلى لون بشرتك ودي هتقدري إنك تحدديها بإنك تجيبي الجاكت
وتقفي قدام المرايا وتشوفي إذا كان لون الجاكت مناسب للون بشرتك والّا لأ؟!

كمان خدي بالك إنك تختاري لون جاكت مناسب للون باقي ملابسك زي مثلاً البنطلون والبادي؛
علشان يكون في تناسق وتكوني فعلاً بنت شيك.

جواكت بتصميمات وخامات متعددة

هتلاقي جواكت طويلة ودي هتساعدك إنك تلبسي تحتها أي حاجة أنتِ عايزاها،
زي مثلاً بنطلون ضيق أو فستان تريكو، وجواكت قصيرة وطبعاً الاختيار في النهاية
بيكون ليكِ ولذوقك الشخصي.. أما بالنسبة للخامات فهتلاقي خامات متعددة زي
الصوف والجينز والووتر بروف والقطيفة..

الجاكت... لأناقتك في الشتاء! Sey96175

ودي مجموعة متميزة من الجواكت هتساعدك على الاختيار

الجاكت... لأناقتك في الشتاء! W5z96175

مشكووووورة

جزاك الله خيرا

أشكر مرورك أخت علياء

واسمحي لي أن أرحب بك في منتدانا

أرجو أن تقضي معنا أحلى الأوقات

مرحبيتن
ياهلا والله ومسهلا وسعدنا بشوفتك
معنا
تقبل ترحيبي فيك وكل أمل بتواصلك بمشاركتك ذات الفائدة
واتمنى حضورك المستمر لنحظى بكل ماهو جديد ومفيد

الجاكت... لأناقتك في الشتاء! Ax-trhib-1-6-9

الجاكت... لأناقتك في الشتاء! Ax-trhib-1-6-9

الجاكت... لأناقتك في الشتاء! Ax-trhib-1-6-5

» نصائح لأناقتك ايها الرجل
» اصنعية منزلياً .. كريم الجزر يحارب جفاف بشرتك في الشتاء
» تشقق الشفاه في الشتاء
» كيف تحافظين على بشرتك في الشتاء
» كيف نحمي الطفل من أمراض الشتاء؟؟