غلاك دافنه

مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال غامض سره***كيف مــــا دفــــن صــــدام سر الـذره
لا بوش جابه أخبارهن بالمـــــــرة ***ولا صوبكم لايم نزيف أجراحة
بلاكم حياتي يا اعزازي مـــــرة***كي من كلا علقم بعد تفاحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال صــوبـك غالي***ومازال ما يفارق غلاك خيالي
ومـــــــــازال عيني دمعهـــــــا هيالي***علي وين ما تخطر اتقيم مناحة
ومازال ما يقدر يطولك والـــي***ومازال صوبك عاصفات رياحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال في نقناقه***ومازال زولك ما انطيق فراقه
وما زلت ننظر في اسطور اوراقـة***ومازلت زهو القلب وانشراحة
ومـــــازال عيني لـــلغــــلا مشتـاقة***معاكم الخاطر عاش كل افراحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازلت نور عيوني***ومازلت روحي وفرحتي وجنوني
ولا يوم هنتي ولا ف يوم تهوني***ومازال صوبك هو أسباب الراحة
ومازالت غالي والغلا دكنوني***عيونك عوادي لخاطري مجتاحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال ليك معزٌه***ومـــــوال صوبك ما قدرت نحـــــزٌه
عمره البدن عالروح مـــــايجزٌى***ياللي ف قلبي واخذين مساحة
أجعنه غلاكم فيه مــــا نترزٌى***بلاكم عيوني دموعها سيٌاحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال عنده شان ***وما زال قلبي بالغلا مليان
ومازلت تجري وسط من الشريان ***ومازلت غالي غصب ع النبَـــاحة

كلمات دافئة ومؤثرة فعلا الشعر الليبي قوي بكلماته واسلوب التمثيل جد راقي شكرا على الاختيار

مازلت نور عيوني***ومازلت روحي وفرحتي وجنوني
ولا يوم هنتي ولا ف يوم تهوني***ومازال صوبك هو أسباب الراحة
ومازالت غالي والغلا دكنوني***عيونك عوادي لخاطري مجتاحة
:0011001:

النســـــــر الحزيــــــن
غلاك دافنه M

:asa:

كمل صبرها اشتاقت العـين اشتاقت .. لعـــزاز ودوها غــــلاهم ذاقت

اشتاقت العــين وحــنت .. لعزاز غــابوا ما نهــار تهــنت
واللى شافها تذرف يقــول نجنت .. ويجبد مداعيهم ان كـان هــى راقت
ويبقى حذاها فى العـــلل يصنت .. سوى لاقيه حجه ســوى مـا لاقت
الملقى معاهم فى الطــريق تمنت .. عـليها الوسيعة م الحــواسد ضاقت
اشتاقت العـين وحـــاست .. لعــزاز غــابوا ما نهـار تناست
بود ومحبة فى بحـرهم غــاصت .. وين القســامى الصــادقات تلاقت
غابوا عليها والوجيعــة قـاست .. وجيعــة اللى رغـــا بلاه نساقت
سحبها سريب الشوق نين نهـاست .. لا تاقــوا عليهــا لا عليهم تاقـت
اشتاقت العين وهـــامت .. لعـــزاز غـــابوا ما بلاهم نامت
ان كان هى دقيقة عن عللهم صامت .. تفطر تجيبه مـــوحهم ما طــاقت
لا رضيت الغيبة الا القعــدة رامت .. صبـــر تا زادت عـــلى نـداقت
نهايتها حكاية فى سريب الشامت .. كـــان هــى بلانيه الخاطر ساقت
سحبها سريب الشوق نين نهـاست .. لا تاقــوا عليهــا لا عليهم تاقـت
اشتاقت العين وهـــامت .. لعـــزاز غـــابوا ما بلاهم نامت
ان كان هى دقيقة عن عللهم صامت .. تفطر تجيبه مـــوحهم ما طــاقت
لا رضيت الغيبة الا القعــدة رامت .. صبـــر تا زادت عـــلى نـداقت
نهايتها حكاية فى سريب الشامت .. كـــان هــى بلانيه الخاطر ساقت

:1121:

» نسيت غلاك
» انسيت غلاك
» غلاك انسينا
» طاحت شمس غلاك يا غالي
» عندي غلاك يسد كل الكون