جبرني الشوق

الشاعر بوعجيلة عبدالسلام يقول:

قالت جبرني الشــــــــــــــــــوق ... ونا زاد جبرنــــــي الزمان انذوق
امرار فالغلا

شــــــــــــــــــــــــــكت باوجاع ... وقالت امضيعني الشــــوق اضياع

ونا طول ليلي فــي عنا وصراع ... وله زمان ماطاش النظــــر لافوق

ليلة اشــــــــــــــتا لاهدو لافزاع ... ولا شمس من تحت السحاب اتوق

امســافر علي مركب ابدفع شراع ... اقماش في عمود بشــيركو معلوق

لاجل ضميري ما ارضـــي ينباع ... حتى وين داروا للضماير ســــوق

جبرنــــــــــــــــــــــــــــي قالت ... وسيول دمعها كيف السواقي سالت

ونامن عذابي دمعتــــــي مازالت ... تسيل وين ماعاشق طرا معشــوق

مغالي زمان اعزاز كـي ماغالت ... وكـــــي افراقها امفارق مع لفروق

وحامل نكد كميــــــن عام توالت ... صليبة علــــــي حملي ونا ملحوق

شكت مالضيــــــــــــــــــــــــــم ... ونا زاد فـــــــــي جوي مقابل غيم

المليوع مايسمر بداه ســــــــــليم ... والنار مايحس ابها الا امحــــروق

ونا في حياتي ســـــــلوتي تخميم ... متباعد علــــي درب الزها مزنوق

القيت الحياة بعكس لمفاهيــــــــم ... نزلت دار فــي مقلّب ارياح صفوق

» هز الشوق
» الشوق للاعضاء والمنتدى
» مرايف عليك وطال بـي الشوق
» قتلت الشوق في لحظة عنادگ وأ نت ظالمني