سلام مع الحمام

انا محلفك بالله يالحمامه تشيلي سلامي و السّلام امانه.ما نتعبك
قلي سلامي ليهم...احباب القلب ما نفرح الا بيهم...و العين تزها وين تسرح فيهم
وخوذي العمر حطيه بين ايديهم .و انا نتبعك
و لو كان ما عرفتيهم...هذا الوصف هوا الدليل عليهم...ضي القمر موخوذ من عينيهم
و الشمس ما تضوي ترى الا بيهم. انا نخبرك
اوين ما تشوفيهم...قوليلهم مشتاق مستنيهم...ولو ع الجمر نا قاعد مراجيهم
ونمشي حفى ع الشوك لين انجيهم.انكانهم بطو
انا محلفك بالله يالحمامه تشيلي سلامي و السّلام امانه .ما انتّعبك
شيلي سلامي توا...لصحاب شيمتهم بهاء و مروة...سماح الوجه ما كيفهم في الدوا
وفوق الجرح لا جو يبرى نوّى.ونا نلحقك
قلي السّلام عطيهم...رفقت عمر خوتي ونفخر بيهم...انظاف القلب ما حد يطعن فيهم
واشداد عللي بالخطاء ناويهم.انا نحذرك
اوين ما تلقيهم...حطي رحالك جنبهم حاذيهم...ما سو يوصل فيك و انتي فيهم
وقوليلهم من الاولي ال تاليهم .احنا نسلمو
انا محلفك بالله يا الحمامة تشيلي سلامي و السّلام امانه.الله يربّحك
شيلي سلامي جوّا...في منتدي صوان دافي جوا...عذب الكلام,الود و الاخوة
و ليهم جميع تبلغيه سلام
انا ناشدك بالله يا الحمامة تشيلي سلامي و السلام امانة.راهو نريّشك

و سلامتكم


كان ما وصلتش سلامي فيكم خبروني خلي انتّفها