غالي تبدل حاله

ويش السبب غالي تبدل حاله
وين ما انكلمه يقفل نقاله

قفل ما كلم
قيسا الغالي ف الجفا ايتعلم

ولا جاء خبر منا علينا فيه سلم
حتى امجامله ما دزلي رساله

يحسابني انحس بغيبته انتألم
ونبكي عليه ودمعتي سياله

متخصص اصواب وف الغرام امعلم
سريب الغلا راهن اطوال احباله

ونا لامر للعالي الحي امسلم
عظيم قدرته بدل الكون أحواله

صفانا عكر
ع الشاشه قرا رقمي علينا سكر

ناسي اوعوده لي ما يذكر
افعاله اليوم امخالفات اقواله

ساهر مع طيفه الليل انفكر
وطول النهار وحالتي مي حاله

الله واعلم ركبني امراض السكر
ونا العقل من غادي قديم ظلاله

ما ايريد إيرد
ولاسنين عشرتنا الغالي عد

ننسى غلاه وغيته لابد
عديم الوفا نجفاه مالي وماله

وعلى رايهم ماحد خير من حد
العيب والخطا مانا الهن حماله

وارثين العصر من قبل جد الجد
اليوم وسوقنا عامر بلا دلاله

ماإيرد علينا
وهو قبل كل ساعه ايكلم فينا

متبدل عزيز ما عاد شى يبينا
عايش هني رايق وفاضي باله

ونحنا زاد ما نبو غلاه انسينا
بلاه نحملو ما نا عليه زعاله

مرات الشحن تم او مفلّس ما فيش رصيد

او الموبايل ضاربه فيروس الفتنه....بيتكها بينهم هااهاهاها

قصيدة حلوة ولا تخلوا من المزح

شكرا جود

هههههههههههههههههههههههه

والله ما فكرت فيها ...يمكن هكي

يسعدني تواجدك

هكذا هي الدنيا يا جود /// من هرهل

هي الايام كما شهدتها دول ... من سره زمن ساءته ازمان
و( سريب الغلا فعلا اطوال احباله قديكون المعني خارج نطاق تغطية الغلا على الرغم من طول حبال الغلا او قديكون المعني انتهى عقده بانتهاء وظيفته القديمة حيث طرا تغيير في حالته باعتبار انه تبدل حاله ودوام الحال من المحال يا جود
فما بين غمضة عين وفتحتها ... يغير الله من حال الى حال
فسبحان الذي يغير ولا يتغير

أسعدني تواجدك ...وسرني ردك

ما ننحرم من تواجدك بيننا أخي

» طاحت شمس غلاك يا غالي
» مازلت يا غالي أنقول الغالي