joud
المراقب العام
عدد الرسائل : 5124
العمر : 47
تاريخ التسجيل : 07/05/2009
نقاط : 9600
 |  موضوع: ماعاد عندي شوق يمشي شورك ....  الأربعاء 23 يونيو 2010 - 20:34 | |
|
ماعاد عندي شوق يمشي شورك "
غيابك عليا اليوم كيف احضورك
كيف اغيابك
حضورك اساوي اليوم مهما جابك
لا اتقول شوق ولا اتقول احبابك
كان جيت ولا غبت واحد دورك
ماعاد نشرب مر كاس عذابك
ولاعاد ناكل من سموم اخطورك
ولا عاد م العطش يروي اليوم شرابك
ولا عاد يضوي في حياتي نورك
ولاعاد صفحه تنطوي في اكتابك
ولاعاد نقرا حرف من دستورك
ولاعاد عمري نرصده في احسابك
ولاعاد فكري نشغله بخطورك
سوا تحل ولاتقفل عليا بابك
ما انخش غافل في غريق بحورك
كسر الخواطر شين مانحسابك
بكسرها تبدع وتتقن دورك
كسرنا جفاك وقسوتك وغيابك
وجبرنا بذكر الله كل اكسورك
| |
|
هرقل
كبار الشخصيات
عدد الرسائل : 320
العمر : 60
العمل/الترفيه : المعلومات العامة
الحمد لله
تاريخ التسجيل : 19/05/2010
نقاط : 382
| | موضوع: رد: ماعاد عندي شوق يمشي شورك .... الأربعاء 23 يونيو 2010 - 23:27 | |
|
كسر الخواطر شين مانحسابك
بكسرها تبدع وتتقن دورك
في العربية
الكسر تختص به الاسماء فقط
الرفع للاسماء والافعال
النصب للافعال والاسماء
اما الكسر او الجر فهومن خصوصيات الاسماء
ولكن ابى الشاعر الا ان يكسر الاسم بكسره للخواطريا لها من مفارقة عجيبة
ليس هذا وحسب بل جعل الاتقان والابداع في الكسر
تعالوا لنصحح المسار وننظم له الاتي
مازال عندي شوق يمشي شورك
اغيابك عليا موش كيف احظورك
اختى جود.........شكرا لك
| |
|
صوان
المدير العام
عدد الرسائل : 2276
العمر : 47
الحمد لله
تاريخ التسجيل : 16/12/2008
نقاط : 2514
| | موضوع: رد: ماعاد عندي شوق يمشي شورك .... الأربعاء 23 يونيو 2010 - 23:52 | |
| اختى جود بردى على موضوعك بهذه القصيده لا أقصد شخصك الكريم
ولكن كيف ما ايقولو كلام يجيب كلام
ماتـبـيـنـي
صـيـورهـا اتـرايـف عـلي واتجيني
هـلـي الـيـوم اتـقــول
صـيـور تـفـقـد حـني
وصـيـورهـــا تـشـتـاق نـظـره مني
وصـيـورهـــا تـحـتـار كـونـي كـني
غـايـب عـلـيهـا اتـقـول مـا تعـنيني
وصيورهـا تـنـشـد اصـحـابي عـني
مـازال كـي مـا كــان لـو نـاسـيـنـي
وصــيـورهـــا تــنـدم لـخـيـبـة ظــني
فـيهـا بـعـد كــانـت اصـبي لـعـيـني
وصيورهـا تـدعـي ادعــا مـتـمـنـي
انــعـــاود عــلــيـهــا ربــنــا يــهــديـني
وصـيـورهـــا تـسـمـع عـلي مـتهـني
بـعـتـه غـلاهـا وغـيـرهـا شـاريـني
********************
ايـجـي قـلـبهـا واشـواقـه
وصيورهـا ما اطـيق قـلـبي افـراقه
وصيورهــا اتـجــرب الـلي حــراقـا
نـار لــفــراق اتــعـود مــا اتــلاقـيـني
وصيورهـا تـطـلـب امـعـاي امـلاقـا
وصـيـورهــا اتحاول اشوي ترضيني
وصــيـورهــا بـدمــوعــهــــا رقــراقــه
ويـن مـا احـذاهـا نـاسـهــا تـطـريني
وصـيـورهــا تـفــقــد لـذيـذ مـذاقـه
خــوفي عـلـــيـهــا وغـيـرتي وحــنـيـني
تـحـلـم انـعـودوا من جـديـد رفـاقـه
لو درتــهـــا نـبـقــى كــفــرت بـديـني
نـا صـوبـهــا مــلــيــت مــن نــقــنـاقـه
لا عــاد تـمـلا الـعـيـن لا تــغــريــني
ردي عـلـيهـا كــان جـت مــشــتــاقـه
نا عكس كـاظـم عشق ما اتزيديني | |
|
حلو الحياة
نائب المدير
عدد الرسائل : 1820
العمر : 42
العمل/الترفيه : مصممة جرافيك
رايقة والحمد لله
تاريخ التسجيل : 11/05/2009
نقاط : 2279
| | موضوع: رد: ماعاد عندي شوق يمشي شورك .... الخميس 24 يونيو 2010 - 16:02 | |
| يا ما صـــــــــــار
ويا ما حكينا لبعضــــــــــــــــنا الأسرار
عشرة اسنيين أطوال موش نــــــــــهار
بدلتها بفراق من عــــــــــــــــــــاشرت
عمرك معايا قبل مـــــــــــــــــــــا تحتار
واليوم مانعرفش كيف أختــــــــــــــرت
عاش الغلاء بيناتنا بأقــــــــــــــــــــدار
ومات الغلاء عندك وما خبــــــــــــرت
كميته اسرار وبحت بيه جـــــــــــــهار
أمنت وانت الحب بيه كفـــــــــــــــرت
يا ميـــــــــــــم عيني يا زهاء الانظار
مشتاقلك وانت على صــــــــــــــبرت | |
|
joud
المراقب العام
عدد الرسائل : 5124
العمر : 47
تاريخ التسجيل : 07/05/2009
نقاط : 9600
| | موضوع: رد: ماعاد عندي شوق يمشي شورك .... الخميس 24 يونيو 2010 - 16:56 | |
|
أكيد كلام يجيب كلام ....وهذا الي جابه الي كتبته
رديت على مكتوبك
نا زاد نكتبلك انقول انسيتك
دزيتلك
ورديت على ما جانى
رانى انسيتك يا عزيز انسانى
وما عاد اتشكل شى فى وجدانى
ولاعاد نقربه حبك كان القيته
ولا نعرف انجامل ولا انقول معانى
ونحكيلك اقباله ياعزيز اخطيتك
وما حسبت تبقى يا عزيز انانى
وتبيعنى بالرخص وين شريتك
ولا تقول شارب من ابيار حنانى
من صحرة امواجع جيتنى راميتك
ويا ما رسمنا بالدموع امانى
وقلت تحقق قلتلى وامنيتك
قصه انزيدك فى كتاب احزانى
وصفحه غلاك نسيتها وطويتك
يا عزيز انسيتك
ما نجدى..... انجافي اللي جفا اجفاني عدا .... حتى لوكملت ادموع
نعرف روحي ..... من الياس متماضي سريب اجروحي
انقصر علي طوله مرامي روحي ..... قصرة ربيب اكرام خلوة يده
عندي تجارب في البكا ونوحي ..... وبيني وبين الياس في مودة
واللي ميحه شور اميح اميوحي ..... نجعل انجوم الكون خدم لخده
واللي بلاي ايطيق يحمل موحي ..... غبا وين مامل غصن صاف وندى
نعرف العشق الصافي ..... نعشق مانعرف انهون لولافي
ونعرف انكون حنون وطيب ونجيب معابدا يد ودي
ونعرف انكون مع الجافي جافي ..... اتزيد في قسوة الشدة شدة
وديما ملاذ اللي لافي ...... وديما انعد اللوم واللي ايعده
| |
|
joud
المراقب العام
عدد الرسائل : 5124
العمر : 47
تاريخ التسجيل : 07/05/2009
نقاط : 9600
| | موضوع: رد: ماعاد عندي شوق يمشي شورك .... السبت 26 يونيو 2010 - 10:45 | |
| - هرقل كتب:
كسر الخواطر شين مانحسابك
بكسرها تبدع وتتقن دورك
في العربية
الكسر تختص به الاسماء فقط
الرفع للاسماء والافعال
النصب للافعال والاسماء
اما الكسر او الجر فهومن خصوصيات الاسماء
ولكن ابى الشاعر الا ان يكسر الاسم بكسره للخواطريا لها من مفارقة عجيبة
ليس هذا وحسب بل جعل الاتقان والابداع في الكسر
تعالوا لنصحح المسار وننظم له الاتي
مازال عندي شوق يمشي شورك
اغيابك عليا موش كيف احظورك
اختى جود.........شكرا لك
الشكر لك لمرورك هرقل العظيم
ولكل إفادة تضيفها وتضفيها على المنتدى
| |
|
