شتاوات هزايب

هدي مجموعة من الشتاوات ان شاءالله تعجبكم والي عنده ايزيد هزايب فقط

حتي كان مشي ما وله / و العظمي مليانة اغزلة
خان و داير معايا السودة / و اللي مديورة محصودة
أخطاني يالقديم و فز / جديد امعيشني فى عز
إجعنك يالعزيز اتحب / اتكبد لكن ماتنحب
عندي عين اللي يتركها / ما عاد ايحاول يملكها
راني انسيتك تعرف ليش / اللي ماتت ما عاد اتعيش
كان اتريد اتعوم بحرنا / ما مللي قبلك ودرنا
إن كان ابتلعب موش على / اللعب معاي صعيب اشوي
كان امعاي عزيزي و عدا / ما نطريه الله لا ايرده
صوب عزيز الله لا اترده / ميت تحت تراب انعده
خلاص خلاص الخاطر فاتك / وين بعد كثرن سياتك
راح بلاش الله لا ايرده / سميناه قديم و عدا
لو كان النار اتشاوني / نطلقها عاللي قاهرني
اللي خلوني فى هالحال / اجعنهم لا صحة و لا مال
عندي عقل اللي يعزقها / ما عاد ايحاول يلحقها
ميت تحت الحيط انعدك / كان امجافينا من جدك
اللي ما ينفع فيهم و د / تحديهم يا عين ب جد
بعدما كانو عندي وين / عرب واجد طاحو من العين
ماني محتاج ل غياته / غالي كي روحه عجباته
يالقديم أقطع طاريك / درت جديد مسح طاريك
اتجلاب غيري و ايبكيك / اجعنه كيف بكاي عليك
نا و العين عزايم درنا / نسينا و فتنا اللي قاهرنا
كان عزيز نشد قولوله / بالعيشة السودة ندعوله
تحديهم يا عين ب جد / اللي ما كافوك ب ود
إنتي يا عين عليهم خطي / كيف ما عليتيهم وطي
اعشمى مــــــــــــــــــــــــــــايبان اليوم بكره عزيز يامــــــــــــــــــــــا ايصير له )
يا عيني خليك سقيمة / و خطي عاللي ماله قيمة
قولوله يشقى بيغيري .. راني شلته من تفكيري

حد دعايا على الغدار ... بعد بي ام دار احمار
قولوله ينسا قولوله ... يحساب هناك الا زوله
و جهك شين و شكلك نادر .........متنفع مساح كنادر
اجعنك يانساي العشرة ترقد تمشي فوقك حشرة
باعو لولاف و بعناهم / مانا شحاتين غلاهم
أربح في عرضك في طولك ... نا والعين كرهنا زولك
عليش اتمتم يامرسال ... احكيلى رانى وااااسع بال
تفضل خوذ غلاك امعاك وشلفط هالبيبان وراك
ارقد مرقد يلي تحكي &&^%$#مامن صوب دفنتى تحتي

دشش يامولاي اعظامه ... يلي دار الصوب وخانه
انتي ياعين عليهم خطي .. كيف ماعليتيهم وطي
سيقانك سيقان دجاجه .. حبيتك الا من العازه
قولو لمدهوب الشيره ... يجي ياخد باقي تصاويره

قطف كان عليك ايبرد نا عايش وانت متشرد

نحسابه راجل حبيته بيبي سنتين القيته

مانك راجل مانك شي...لاتقدر حتي تلعب بي

لانك صقع ولاانت حاجه...وماتجي حتي ظل دجاجه

» شتاوات شتاوات شتاوات
» شتاوات صقع
» شتاوات على القديم
» شتاوات فكاهية
» شتاوات بجميع اللغات......