موسوعه للغناوي والشتاوي

العقل يا العين ظلمك وكاك في غلا ناس ما قسم
2- العين ما وساد تريد من خوفه يجوا في نومها
3- نحمل في سمور الليل خوف شي منام يجيبهم
4- اعزاز كل يوم يزيد غلاهم مع طول ياسم
5- عزيز هو دواي وداي ومشكاي وطبيبي وعلتي
6- فارعينه لولاف العقل نين شاوى يا علم
7- عالدار كان يوم بطيت تستاجع انجي راميبها (رامي بها)
8- الدمع قونني يعميك اختاضت على قولتي لها - عبد الله عبد الواحد من منطقة العقورية
ومعنى كلمة قونني أي من التقنين أي تقليل الشي وجعله مقنناً
ومعنى كلمة اختاضت أي زعلت أو شكت.
9- اعزاز حارمين العين من النوم الهني ودموعه - سالم حمد منطقة من الحمدة
10- عزيز خاطري خلاه لسايل أو ما ساول ايجي - سالم حمد من منطقة الحمدة
ومعنى لسايل أي من يصل به المرض إلى أن يأتوا الناس لكي يزوروه من شدة مرضه
11- هوايك رقد يالاك ابطل بطال ياعين سيبك - عمر العوامي
12- النوم طعمته بنام عليك فيه لولاف يطرفوا - فرج عيسى العبدلي من منطقة الحمدة
ومعنى يطرفوا: أي يأتوا إليك في المنام
13- انكان الزم نوعك قوليلى ناخذ بيك خلاك اوسيلي - يونس بومبروكة
14- وين يهفوا عندي حمقة وادرديرت جو اوزمقة - عبد الكافي البرعصي من منطقة الأبيار
15- كان كمل ماقيك جضي كنيبك لولاف اترضى برضوا - عبد الكافي البرعصي من منطقة الأبيار
16- العقل مرايف فاقد ناس عليهم طابق باب الياس - فتاح الكيلو
17- انكان بكت ما فيها شي جت لديار اعزاز علي - نوح المعداني المشهور بنوح بوبيرة من منطقة الحمدة
18- لوكان مو محاوك نار العقل لا نظر بأس لا وكل - سالم حمد من منطقة الحمدة
19- ملحوقة ثرى ياسات لنار كبرنا زايد تعب - بلقاسم مجيد الغزالي من منطقة الحمدة
20- تراكح شبوب الياس كمل عليك يا نار القدم - بلقاسم مجيد الغزالي من منطقة الحمدة
21- العين ما وساد تريد من خوفا يجوا في نومها
22- حتى وهن خلا لوهام انداسن أنظاري استانسن

************************
*************************

1)حتى وهي مرضها جور تمشي من قلة لين تصلهم.
(2)يجفاك من امرارك فيه ويجيك من مرارت الغلا.
(3)لاتايسي ياعين فرج الله ماريت مقربة.
(4)يمدك الله بصبر المولى اللي ياسك كتب.
(5)العقل يابعاد الدار يمسى معاي ويبات عندكم.
(6)واخذين مافي العقل سوا بعاد ولا يقربو.
(7) حتى وهو فيه الياس خلق الله توقاته فرج.
(8)نامالي عليك ملام وياياس ليش اتزورني.
(9) الياس في غبيط الموت جمع ضناه وصاهم علي.
(10) مستوحيات ياس طويل لنظار في عزيز يوادعن.
(11) مافي الغرب صابات لهلك يالعين عاودي.
(12)ليالي مضن وايام طلبنا الله لايعيدهن.
(13) لو كان يامنام الليل تبقى رسيل بيني وبينهم.
(14) لو كان الوطا تنشال انشيلو عزيز ومقعدة.
(15) كنيبة امغير ايام سعد الياس مو ديمة قوي
(16) كبرت نار مرهونين كميتها علي جوفي رقت
(17) قليلة نجا ياعين من يوما وطيتي نارهم.
(18) قايلة مع عقال العين حالفة مااتخونهم.
(19) فراق العزيز صعيب والعقل في فراقة كادني.
(20) الصبر شين وزين عليه ياعين كان تقدري.
(21) افراق العزيز صعيب تخريج روح يانا موعرة.
(22) الصبر حاجة الزينين حطيه في معاديل الغلا.
(23) فدا عزيز مو موجود كبير جا علينا فاهقة.
(24) غالي علي لنظار حتى وانت مرهون ياعلم.
(25) غيات الغني ياعين عذاب غير عادة جارية.
(26) جبد سريب جابك فيه فزيت نين مافيدي وقع.
(27) عزيز وين مانطروه ايسيلن رقيقات الغرض.
(28) عليك خاطري مجروح ياعزيز ناويش درتلك.
(29) علي غلاك نين اتموت العين ياعلم بات رايها.
(30) طباب ياعزيز غلاك صفق ايديه مو لاقي دوا.
(31) طارح افراش الياس العقل نام نومة ريحة.
(32) صنم شكيتلة مالياس جبر بخاطري وقال يقسمو.
(33) صبرت ياعزيز اسنين اللي قبل يوم ايكيدهن.
(34) صبا العقل يوزن فيك لقاك ردع لوطان كلها.
(35) سريب صوب جا للعقل نساه ياعلم طاري الهل.
(36) سياتك المتبعات ننساهن اتجيني بغيرهن.
(37) خطاي من خطاك امعاي سبق خطاك كافيت بالخطا.
(38) زرعت زرع دار اثمار جنوه ناس مانالو تعب.
(39) زعمة ياعزيز نسيت ولا عليك ديمة نخطرو.
(40) راجيت والرجا ماجاب ننساهم الله غالب علي.
(41) راقد وجاك النوم كذاب ماغلانا شاغلك.
(42) خلفت ياعزيز امعاي فواهق بنيران يطلقن.
(43) ريتو هبال العين تشاكي اللي ماتشغلة.
(44) دعايا علي خوان عمى وفقر ويقودة عدو.
(45) تاكل بلا دخان جواني ديقلة يانارهم.
(46) ترجاك والرجا فالله العين ياعلم مو ميسة.
(47) العين حاسبت لوقات لقت زمانها مايل بكت.
(48) العين هذبها مبروم علي عزيز ياما باكيه.
(49) العقل في بلاد جهال ان دار الغلا ياذوه ياعلم.
(50) اجعن دعاي ياخوان تلقاه في ظراري اكبيدتك.
(51) عليهم لها مدات اعزاز قابلو عيني بكت .
(52) الياس والجضر والموح بلا امراقصة ياعين طيعيلهن.
(53)مرهون في بلاد عزاز شكواه عيب واسكاته مرض.
(54) يزيدك شرف ياعين ميعادك مع ناس عاقلة .
(55) غلاي يالعين الياس ماطلقة نين عالموت شرفة.
(56) بروحة مشا للنار يستاهل الخاطر لذعها.
(57) لو كان الغنا راس مال علي عزيز راك امخوجة .
(58) عزيز قلتلة واندمت انساني نسيني وماانتسى.
(59) مني عزيز ويش ايريد وهو غلا من روحي علي.
(60) غلا عزيز كيف النار لسعاتة قوا مايبردن.
(61) غلاك فالسما لافوق الا لرض داسوها عرب.
(62) مفاتيح باب العقل ياعزيز في جيوبك مشن .
(63) انخاف ياعزيز اندير عليك كبد تلوي ايدي بها.
(64)عزيز والعياط وراه شقواي بيه م الساعة غلط.
(65) الراقد ابناي يعبه شاكع ازويتين خاطري.
(67) نهوني ع لولاف عقال ما يريدوهم لنا.
(68) عليك كاينة يا عين غيابك حذاك وما يجوا.
(69) لمباكر بكيت عليه عزمي شديد في يوم الخطا.
(70) بكت بكتني بكيت بكيتي بكت اللي سكتني.
(71) لها رزق عند الله العين يا علم ما ينقطع.
(72) حتى إن ما قسم صوبك ما زلت يا عزيزغالي علي.
(73) هويت قلت ياك انغفي قلوا هني نومي سابقوا.
(74) يطولني عزيز بلوم ونطوله بلومين في الغلا .
(75) فى اخناقى العين امسكت تقوللى قديمين وينهم.
(76) ما فاتهم فاتوه العقل فاتهم فوت قايلة.
(77) عزيز وين ما خذاه الدهر لقسام يا علم عاودن.
(78) أعزاز وطنهم فاتوه سمعوا نباك جو جاي يا علم.
(79) عطاشى وهن ع البير ويا عذاب راعيهن شقى.
(80) نار يا عزيز غلاك تبوق خاطري نين يرتبي.
(81)اللي غلاه بالترويم أنساه يا دليلي واتركه.
(82) ع القديم سفيت رديم ومع جديد نيراني والعة.
(83) دهواري بلاهم خير اللي لا غنوا لا ريحوا.
(84) الشيب في وجوه الناس والكبر مو عيب يا علم.
(85) لولا فزاغ الصبر م الياس راك يا عين ضايعة.
(86) واجب عليه القدر العقل وين ما صوبه حتم.
(87) شاوي عليك الدمع ولا عزيز يا عين ناسية.
(88) العين ماحجرها عيب على وصول لولاف دامعة.
(89) تدارى بنار عزيز تقول سارقة بيت جارها.
(90) صندوق خاطري مشتاق .. نين بابه ما نغلق.
(91) صندوق خاطري مقفول .. مفاتيحه عند ناس باعدوا .
(92) المعيشة مغير عذاب .. العقل لو شرى الموت خيرله.
(93) إن ما درت خير في قزون .. تلقاه يا علم يوم الآخرة .
(94) سريب ناس خانوا صوب .. البارح منامي جابهم .
(95) الموت كاينة وتكون .. غلاك هو الواعر علي .
(96) تلاطمت نا والياس .. ضحك وقالي أني وين شايفك .
(97) الخاطر وسيع البال .. غير جاورونا وانزلوا .
(98) تبي سموح ما تلقاه ايجيك يوم يا خاين الغلا.
(99) شختي عليه بو زعتيه الدمع قبل يا عين عاتقك.
(100) رغبت يا عزيز دناي والقيتني غني رايك اخرب.
(101) سياته عزيز امعاي اللي مي قباله اعلمته.

************************
************************
عزيزك غنى ياعين ******* لو كان غير مرهون يرتجى .
من غيرك علىّ ايروف **** وتريد ياعزيز اتهونى .
طباب ياعزيزالجرح ***** مقسى ايديه مو ماوى علىّ.
امسوقر غلاى ونقوال ***** مكبر وخيذتى فيه لاولى .
القايس ايسيل امعاى ***** على عزيز ليش ايلامونى .
انخاف اندير جديد ****** يعلم قديم ياعين توجعه.
امنين ما يلمسوه ايقوال *** هناامرضى ياداوايتى .
طبابت اجروح غلاى *** لقيوهن تقوريض نين ريبوا .
اكحيله اتروم اسهيل **** هناك وين ننســـــــاك يا غنـــــــــــى . ( مستحيل )
نحسابها شديدة عزم **** العــــين نين ع الدار خطمـــــت.
ننها العين نين اتريض *** نلقا العقل مافيشى عزى.
تقازى على مرهون **** منحاز قال ما فيه الطمع .
***********************
***********************

العقل داح سبع اوطــان*** مردوع مالقي كيفك ياعلم
العقل في بلاد جهال *** إن دار الغلا بادوه يا علــم
العقل لا تعب لا جـــــــاك *** ولا خبر صوبك لازمــة
العقل ما عطوه حقوق *** أصحاب الغلا ظالمينـــــــا
العقــل ما نسيهم يوم *** أمرا يف على طول يأســهم
العقل مو ربيع يصيف *** أن غابــوا يـأتي بغيرهــم
العقل وين قلنا تاب *** نلقاهم أخرى أمجاورينــــه
العقل وين قلنا تاب *** هفــــوا عليه الولاف انتكس
العقل يا بعاد الدار *** يمسي معاي ويبات عندكـــم
العقل يا علم ناسي *** أمغير نـــاس جابوك في علـل

***************************
***************************

شدي عزايمك ياعين يفني العمر يا بال الغلا .
*شقانا وراهم ضاع سعد غيرنا فيهم قوي .
*طرد اعزيز ع الغفلات سهيت نين ماقيدي وقع .
* كاس ياسهم في اليد ايدوق فيه ويقولوا اقسموا .
*مرزي تاعقل كامي داه من خوف ايشاكيك تنكره .
*ما اتقول فيهن زول بعد العزيز لوطان سوتهن .
*ما في الشرق صابات علي هلك ياعين عاودي .
*مستوحيات ياس طويل لنضار في عزيز يوادعن

===

عزيز قال مانخطاك إن جاك نوم راني جايك .
العقل يا ابعاد الدار يمسي معاي ويبات عندكم .
الدمع يوم ياس عزيز لو كان غبت الأوطان يرجعن.
العين هي عذاب العقل دلالة علي رأي ذبيلة .
النار قايلة للعقل إن صار ياس لولاف تاخذك .
حتي وأنت فيك الياس خلق الله توكتك فرج .
راقد وجاك النوم كذاب مو غلانا شاغلك .

شتاوات وغناوي مضحكه

دجاجة تخوف فى صردوك قالت له راهو بيشوك

ايطيح نرفعه و يطيح ... ايريد سير سروال الغلا

غلا عزيز كيف الفيل .... قمعز علي قلبي دقدقه

كيف الغاني اسود مشفشف ملعذاب انعاني......بعد غيبتك تميت

بكاس العذاب انعدي خليتني فى غيبتك يامصدي

نفعصه وندوس قلبي الى فى غلاك اينوس كيف الناموس

غلاك كيف الشكلاطه نحطه فى فمي يصير سلاطه

قول وعدي بالمشروب غلاك ايدوب كيف حلاوة الخروب

امشفش يا العزيز اشعرك @@@ نحلف عليه مانك مشطه

غلا عزيز كيف القمل .... يجري في عقول الناس كلها

شخبط شخابيط
لخبط لخابيط
لا معقب لوحة لا حيط
غلاك في بيت خاطري

[center][size=25]انعد الغلا وجروحه
سنفور حازه شرشبيل بروحه
وانتقم منه

[center]وين عزيز قال الو الياس قال you have less than one minute

غلا عزيز كيف القرد...عذاب موز واطياح عالشجر

بوشبو مشي لعزاز__لقي فليت الياس سابقه

ما عاد ليها احساس..دبانة غلانا من فليت الياس..اليوم دايخه...

عزيز دارها بجو.. ينشد اوقات و اوقات ينسفط

رنه للنشدة مخليها .... صاحب صوب رزانى فيها

يلي غلاك وجيج كنك نويت الهجر و التعويج افطن لروحك

ذيب الياس عليا هازي .. في خرفان غلاي ايوازي

انت حبي الاول راك ,,, وجهك كيف صحن لبراك

[/center]
[/center]
[/size]

» موسوعه للمعجنات ...للتثبيت
» موسوعه للغذاء الصحي
» موسوعه الاغذية وفوائدها
» أكلات من تونس ** موسوعه**ا
» موسوعه للنكت...للتثبيت