زيد النار وزيد حطبها

نبكى من الجمعه للجمعه ....كان عزيز اتجيبه دمعه.
طير غلاى اقتل من همه....قبل ايرايف بوه على امه.
يوم افراق اللى غاليته....سابع جار اللى بكيته.
خان غلاى ودار السودة....واللى مزروعة محصودة
الجمرا من نار المرهون....تولع سطاشر كانون
مو ساهل لولاف ارضاهم ....كان قعدنا يوم بلاهم
زيد النار وزيد حطبها....انت يامنجوه سببها
كل مانقول جديد انجرب ....تخطر يالقديم اتخرب
خان غلاى وخنت وعوده....وحده فى وحده مردوده
كل طويل ايبان عليا ....نفرح نحسابه غاليا
يامرهون غلاك اهلكنى....حتى فى النوم مشاركنى
ياما درنا يوم ارحيله....حتى الدمع تقاوى سيله
نرجاكم نا قاعد قاعد....كان قسم صوب المتباعد
نار غلاك الله لاتبلى....نصهد كيف صهيد القبلى

يوم افراق اللى غاليته....سابع جار اللى بكيته.

احله واحده فيهن

كل مانقول جديد انجرب ....تخطر يالقديم اتخرب:ttww:

شتاوة جميلة تدخل القلب بلا استئذان

كيف صاحبتها وهلها اهل الكرم والجود باصلها تتعلى

» && ترى الكذاب يدخل النار &&